Hoseya 2:7 - Tonga Bible 1986

⁷ Warondonge ŵakumwanja ŵake, kweni kuti waŵasaniyenge cha, ndipo wakaŵapenjanga, kweni kuti wakaŵasaniyanga cha. Ndipo wakambenge kuti, ‘Nkharutanga ndi kuweriyana ndi murumi wangu wakudanga, chifukwa kwenga kwamampha kwaku ine kuruska mo ndiliri sono.’

Hoseya 2:7 ပူးပေါင်းရင်းမြစ်များ

2 Mikoka 28:23

Pakuti wangupereka sembe ku ŵachiuta ŵaku Damasko wo ŵangumuthereska, ndi wanguti, “Chifukwa chakuti ŵachiuta ŵa ŵakaronga ŵaku Siriya ŵanguwovya, nkhaperekanga sembe kwaku wo mwakuti ŵandovye ine.” Kweni ŵanguŵa phasulu kwaku iyo ndi kwaku Yisraele yose.

Sumu 116:7

Wa mzimu wangu, uwere ku chipumulu chako; chifukwa Ambuya aŵa amampha kwangu.

Yesaya 30:16

Ndipo kuti munguŵa navyo cha, kweni mungukamba kuti, “Awa, tikakankhamikanga pa ŵakavalo,” chifukwa cho mukakankhamikanga kuruta; ndipo, “Tikakweranga pa ŵakavalo ŵapusu,” chifukwa cho ŵakukudikiskani ŵakapusumphanga.

Yeremiya 14:22

Kumbi walipo mukati mu ŵachiuta ŵatesi ŵa ŵamitundu yo wangaziŵa kupereka vuwa? Pamwenga kumbi machanya ghangaziŵa kupaska manthonera? Ndimwe pe munyake cha, Ambuya Chiuta widu? Ifwe tiŵika chigomezgu chidu mwaku imwe, chifukwa ndimwe muchita vyose ive.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 2:28

Nanga ŵachiuta ŵinu ŵepani wo mungujipangiya? Iwo ŵasoke, asani ŵangaziŵa kumutaskani imwe, mu nyengo yinu ya suzgu. Pakuti Yuda we, ŵachiuta ŵako mbanandi nge ndimo misumba yako yiliri.

Yeremiya 2:36

Kwa muyaya mutachikamba ndi mphwayi kusintha nthowa yinu! Mukalengeskekanga ndi Egipiti uli ndimo mungulengeskeke ndi Asiriya.

Yeremiya 3:1

“Asani munthu wapata muwoli wake ndipo watumsiya, ndipo sono watuŵa muwoli wa munthu munyake, kumbi munthu yo waweriyenge ku munthukazi yo? Kumbi kuti chikazuzgikenge weni ukongwa cha charu cho? Iwe wareŵa ndi mabwezi ghanandi; kumbi ukaweriyanga kwangu? atiti Ambuya.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Yeremiya 31:32

kuti ndakukozgana cha ndi phanganu lenilo ndinguchita ndi auskeu, pa nyengo yo ndinguŵasoske janja kuŵatuzga mu charu cha Egipiti, phanganu lo ŵanguswa, chingana ndenga murumi wawo, atiti Ambuya.

Yeremiya 44:17

Kweni tikachitanga chose cho tikupangana ndi rapu, koche vyachema fumukazi ya kuchanya, ndi kumpaska chisopo chakudira, nge ndimo tachitiyanga tose ifwe, auskefwe, ŵakaronga ŵidu ndi ŵaraŵara ŵidu, mu misumba yaku Yuda ndi mu miseu ya Yerusalemu. Pakuti pa nyengo ndipo tengavi kuwona kaheni.

Ezekiele 16:18

unguto maraya ghako ghakujeduka gha maŵanga-maŵanga unguvivwarika, ungujarika mafuta ndi vyakusunkhizga vyangu paurongo pawo.

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Ezekiele 20:32

“Cho chemu mtima winu kuti chikaŵangako cha pa kughanaghana kuti, ‘Tiŵe nge ndi mitundu, nge ndi mafuku gha vyaru, tisopenge muti ndi mwa.’

Ezekiele 23:12

Wangujipereka ku Asiriya, ŵeruzgi ndi ŵarongozgi ŵa nkhondo, zingwazi zakuvwaliya limu vya nkhondo, ŵanthu ŵakukwera pa ŵakavalo, wose ŵanyamata ŵakukhumbikwa.

Ezekiele 23:22

Chifukwa cho A! Oholiba, Ambuya Chiuta watiti: “Awona ndikayuskiyanga iwe ŵakwanjiwa ŵako wo iwe unguŵapata mwakuŵatinkha ndiŵatoriyenge paku iwe kutuwa uku ndi uku;

Ezekiele 23:4

Zina la mura lenga Ohola, la muhurwa wake lenga Oholiba. Ŵanguŵa ŵangu, ŵangubala ŵana ŵanthurumi ndi ŵanthukazi. Nge ndi mazina ghawo, Ohola ndi Samaria, ndipo Oholiba ndi Yerusalemu.

Danyele 4:17

Chilangu chenichi chachitika ndi langulu la ŵalinda, ndi udumuliro wachitika ndi mazu gha ŵatuŵa ku umari, wo ŵakaŵanga ŵamoyo ŵakaziŵanga kuti Wapachanya Limu wausa ufumu wa ŵanthu, ndi waupereka kwaku yo wakhumba, ndipo wasoska ŵanthu ŵapasi kuwusa ufumu wo.’

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Hoseya 1:2

Po Ambuya angudanga kukamba kwaku Hoseya, anguti, “Ruta ukato munthukazi mureŵi ndi ukaŵi ndi ŵana ŵaureŵi, chifukwa charu chose chichita ureŵi ukuru pakureka kuŵarondo Ambuya.”

Hoseya 13:6

Kweni po ŵangurgha ukongwa, ŵanguguta, ndipo mtima wawo ungujitukumuwa; chifukwa ichi ŵangundiruwa.

Hoseya 14:1

Yisraele uwere kwa Ambuya, Chiuta wako, pakuti waguŵa chifukwa cha ubendezi wako.

Hoseya 2:16

“Ndipo mu zuŵa lo,” atiti Ambuya, “ukandidananga kuti, ‘murumi wangu,’ kuti wazakumdina so cha kuti ‘Bala wangu.’

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 5:15

Ndiwerenge so ku malo ghangu, mpaka ŵazomere kwananga kwawo, ndipo ŵapenge chisku changu. Ndipo mu suzgu yawo ŵatindipenja, ŵatiti,