Hoseya 2:20 - Tonga Bible 1986

²⁰ Ndikujaliyenge kuti uŵe wangu wamagomekezgeka ndipo uziŵenge Ambuya.

Hoseya 2:20 ပူးပေါင်းရင်းမြစ်များ

Chiyambo 9:10

ndi vyamoyo vyose vyo vye pamoza namwe, viyuni, viŵeto, ndi nyama yose yamu charu pamoza namwe, zose zo zingutuliya mu ngaraŵa.

Yesaya 2:4

Weruzgenge pakati pa makhamu, wazamujarika umampha ŵanthu ŵanandi, ndipo ŵazamsula malipanga ghawo kuŵa vyakulimiya, ndi mikondo yawo kuŵa vimayi vyakupanthiya; mtundu kuti wazamsoske lipanga pa mtundu cha; chingana nkhusambira so nkhondo nako cha.

Yesaya 62:4

Kuti mukadanikanga so Ŵakujoworeka cha ndipo charu chinu kuti chikadanikanga Mapopa cha; kweni mukadanikanga likondwa Langu le mwake (Hefiziba), ndi charu chinu Wakuŵirwa (Beula); pakuti Ambuya akondwere mwaku imwe, ndipo charu chinu chikaŵirwanga.

Yeremiya 24:7

Ndikaŵapaskanga mtima wakuziŵa kuti ine ndine Ambuya; ndipo ŵakaŵanga ŵanthu ŵangu, ine ndikaŵanga Chiuta wawo, pakuti ŵakaweriyanga kwangu ndi mtima wawo wose.

Yeremiya 30:10

Viyo reka kopa, Yakobe we, mteŵeti wangu, atiti Ambuya, chingana nkhufipa mtima, Yisraele we; pakuti ehe, ndikakutaskanga kutuwa kutali, ndi mbeu yako kutuwa ku charu cha uŵanda wawo. Yakobe wakawenga ndi kuja mu chisisi ndi kufwasa, ndipo kukaŵangavi wakumofya.

Yeremiya 32:41

Ndikakondwerenga mu kuŵachitiya umampha iwo, ndipo ndikaŵapandanga mu charu ichi, ndi mtima wangu wose ndi mzimu wangu wose.

Yeremiya 9:24

kweni yo watumbwa watumbwiye mwaku ichi, chakuti wawamo ndi watindiziŵa ine, kuti ndine Ambuya akuchita chifundu, cheruzgu ndi urunji mu charu, pakuti mu vinthu ivi ndimu ine ndikondwere, atiti Ambuya.”

Ezekiele 16:62

Ndimikenge phanganu langu ndi iwe, ndipo ukaziŵanga kuti ine ndine Ambuya,

Ezekiele 16:8

“Po ndingukujumpha so ndi kukuwona, awona, ungufika pa msinkhu wakuti wanjiwe; ndipo ndingutandawuliya chakuvwara changu paku iwe, ndi kubenekere nkhuli yako; inya, ndingurapa rapu paku iwe ndi kupangana nawe phanganu, atiti Ambuya Chiuta ndipo unguŵa wangu.

Ezekiele 34:25

“Ndikapangananga nazo phanganu la chimangu ndi kudikiskamo vikoko mu charu, alinga kuti zije kwakufwasa mu bozwa ndi kugona mu miti.

Ezekiele 34:27

Miti ya mudondo yipasenge vipasi vyawo, ndipo charu chapasi chipaskenge mwandanu wake, ndipo zikajanga kwakufwasa mu charu chawo, ndipo zikaziŵanga kuti ine ndine Ambuya, penipo ndikafyonga minthambi gori lawo, ndikuzipozomoska mu janja laku wo ŵanguziko umkoli.

Ezekiele 38:23

Viyo ndikarongonga ukuru wangu ndi utuŵa wangu ndikajiziŵiskanga ndamweni mu maso gha mitundu yinandi, penipo ndipo ŵakaziŵanga kuti ine ndine Ambuya.”

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Hoseya 2:19

Ndikujaliyenge kuti uŵe wangu muyaya; ndikujaliyenge kuti uŵe wangu mu urunji, mu weruzgi, muchanju chakufikapo ndi lisungu.

Hoseya 6:6

Chifukwa ndikhumba lisungu, sembe cha; kumuziŵa Chiuta kwakuruska sembe zakocha.

ŴaLevi 26:5

Mbeu zinu zikakwananga kwachifika ku chivuna cha mphereska, ndi chivuna cha mphereska kwachifika ku nyengo ya kupanda; mukarghanga ndi kuguta, ndi kuja mu charu chinu kwambura mantha.

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Mika 4:3

Ŵakayeruzganga ŵanthu ŵanandi, ndipo wakachenyanga mitundu yanthazi yo yekutali; ndipo ŵasulenge malipanga ghawo kuŵa mayembe, ndi mikondo yawo kuŵa vimayi vyakuvuniya. Mtundu ukarekanga kupong'a nkhondo pa mtundu unyake, chingana nkhuti usambiri so zankhondo.

Zekariya 9:10

Ndidumuwenge gareta lakutuwa kwaku Efraimu ndi kavalo wankhondo wakutuwa ku Yerusalemu; uta wankhondo nawo udumulikenge; ndipo wakambenge chimangu ku ŵa mitundu. Ukaronga wake wambenge kutuwa ku nyanja kwachifika ku nyanja, kutuwa ku Msinji kwachifika ku vigoti vya charu.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

2 ŴaKorinte 4:6

Pakuti ndi Chiuta yo wanguti, “Kutuwa mu mdima ukweru uŵalenge.” Ndiyo waŵaliya mu mitima yidu kungweruska mziŵiru wa unkhankhu waku Chiuta mu chisku chaku Yesu Kristu.

ŴaFilipi 3:8

Nadi ndapima vyose kuŵa chitayiku chifukwa cha mziŵiru wakuzungura pakumuthoŵa Kristu Yesu Ambuyangu. Chifukwa chaku iyo ndataya, vyose, ndipo ndituvyesa mitawi alinga kuti ndanduwe Kristu,

ŴaKolose 1:10

kuti mwendenge kwakwenere Ambuya, ndi kwakuŵakondweska, pakupasiya chipasi mu mlimu wose wamampha, ndi kukuliya mu chiziŵisku chaku Chiuta.

2 Timote 1:12

Chifukwa chaku chenicho ndikomwe so vyenivi: kweni kuti ndikanyara cha; chifukwa ndimziŵa mweniyo ndigomezga, ndipo ndiziŵa kuti ngwanthazi kusungirizgiya zuŵa liya chakupazgika changu.

ŴaHebere 8:11

ndipo kuti ŵarunguchizganenge chamunthu yose ndi mwanase wake, ndi munthu yose ku mbali wake, kuti, ‘Ziŵanga Ambuya.’ Pakuti wose ŵakandiziŵanga ine, kutuwa ku mumana mpaka ku mura waku wo.

1 Yohane 4:6

Ifwe te ŵakwaku Chiuta: mweniyo wamziŵa Chiuta, watuvwa ifwe, mweniyo kuti ngwakwaku Chiuta cha kuti watuvwa ifwe cha. Mwaku chenichi tiziŵiya mzimu wa uneneska, ndi mzimu wa urandizgi.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.