Hoseya 14:9 - Tonga Bible 1986

⁹ We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Hoseya 14:9 ပူးပေါင်းရင်းမြစ်များ

Chiyambo 18:25

Chimuŵiyeni kutali kuchita cha viyo, kubaya ŵarunji pamoza ndi ŵaheni, kuti ŵarunji ŵayani ndi ŵaheni! Ichi chimuŵiyeni kutali! Kumbi Mweruzgi wa charu chose kuti wachitenge urunji cha?”

Jobu 17:9

Ndipuuli murunji walemetere ku nthowa yake, ndipo yo wendi manja ghakuphotoka wakuwakuwa ndi nthazi.

Sumu 107:43

Wo wose mba zeru ŵaghaneghane ndi vinthu ivi ŵaziŵiske ndichanju chakufikapo cha Ambuya.

Sumu 119:128

Viyo ndirongozga michapu yangu mu virunguchizgu vinu vyose; nthowa zose ziheni nditinkha.

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.

Sumu 84:5

Ŵakutumbikika mbanthu wo nthazi zawo zituliya kwinu, wo mu mtima wawo mwe nthowa yaku Zioni.

Sumu 84:7

Ŵakuliya-ukuliya munthazi ŵachiruta; mu Zioni ŵakawonanga Chiuta wa ŵachiuta.

Nthanthi 10:29

Ambuya ndi linga kwaku mweniyo nthowa yake njakunyoroka, kweni ndi phasulu ku wakuchita uheni.

Nthanthi 16:21

Wa zeru mu mtima wadanika munthu wakusanda, ndipo kurongoro kwakukondweska kukuzga kuchichizga.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Yesaya 1:28

Kweni vigaruka ndi ŵaheni ŵakaphwanyikiyanga pamoza, ndi wose wo ŵakana Ambuya ŵakamaranga.

Yesaya 17:8

kuti ŵakaphwerenga viguŵa vya sembe cha, nchitu ya manja ghawo, ndipo kuti ŵakalereskanga kwaku vyo minwe ya ŵeneko yikuchita cha, nanga ndi Ashera pamwenga viguŵa vya sembe ya vyakununkha cha.

Yesaya 26:7

Nthowa ya ŵarunji njakutambara, ndimwe munyoroska nthowa ya ŵakurunjika.

Yeremiya 29:12

Po ndipo mukandananga paku ine ndi mukazanga kuromba kwaku ine; ndipo ndikamuvwaninga.

Yeremiya 9:12

Njani munthu yo wangaŵa wa vinjeru kuti wangawamo ichi? Nkhwakuyani ko Ambuya arongoro, kuti iyo waziŵiske ichi? Chifukwa nchine charu chapasuka ndi chaŵa chaŵakaŵaka nge ndi bozwa, mwakuti palivi yumoza wakuporotamo?

Ezekiele 11:18

Ndipo ŵatakuti ŵaza muwa ŵakatuzgangamo ukazuzi wake wose ndi maunyakazi ghake.

Ezekiele 18:25

“Ndipuuli imwe mutiti, ‘Nthowa ya Ambuya kuti njaurunji cha.’ Avwani sono, nyumba yaku Yisraele mwe: Kumbi nthowa yangu kuti njakurunjika cha? Kumbi asi nthowa zinu ndizo ziheni?

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Danyele 12:10

Ŵanandi ŵajitoweskenge, ndi kujichita ŵatuŵa, ndi ŵakatozgekanga; kweni ŵaheni ŵachitenge uheni; kulivi yumoza yo wakawangamu, kweni wo mbazeru pe ndiwo ŵawengemu.

Zefaniya 3:5

Ambuya mukati mwawo mbarunji, kuti achita kaheni cha; mlenji wose arongo cheruzgu chawo, pa matandakucha ghe ghose kuti atondeka cha. Kweni ŵambura urunji ŵalivi soni.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Mateyu 11:19

Wanguza mwana wa munthu wakurgha ndi wakumwa, ndipo ŵatiti, ‘Awonani, munthu nkharghi, ndi nkhamwi, bwezi la ŵamsonkho ndiŵalakwi!’ Ndikweni zeru yirunjiskika ndi machitidu ghake.”

Luka 2:34

ndipo Simeoni wanguŵatumbika, ndi wanguti kwaku Mariya nyina, “Awona mwenuyu wajarikikiya ku chibwanganduka ndi chiyuka vya ŵanandi mwaku Yisraele; ndi ku chisimikizgu chakususkika;

Luka 7:23

Ndipo ngwamwaŵi yose yo walive kuguŵiskika mwaku ine.”

Yohane 15:24

Asani ndengavi kuchita mwawo nchitu zo munyake wengavi kuchita, mphanyi ŵanguuravi chilakwa: kweni sono kosekose ŵawona ndi ŵatinkha ine ndi Ada so nawo.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 8:47

Wakwaku Chiuta watuvwa makambidu ghaku Chiuta: chifukwa chenichi imwe kuti mutughavwa cha, chifukwa kuti mwe ŵakwaku Chiuta cha.”

Yohane 9:39

Yesu wanguti, “Ine ndikuziya cheruzgu mu charu chino, mwakuti wambura kuwona wawone; ndi wakulereska waŵe wachiburumutiya.”

Machitidu gha Ŵakutumika 13:10

Ndipo wanguti, “Awa, wakuzazika fuvyo lose ndi uchenjezi wose, wamwana wa diabolo, wamawongo we wa urunji wose, asi urekenge, kunyongonthowa zakunyoroka za Mbuya?

ŴaRoma 7:12

Viyo chilangulu cho nchakupaturika, ndipo langulu lo ndakupaturika, ndi lakurunjika, ndi lamampha.

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!