Hoseya 14:4 - Tonga Bible 1986

⁴ Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Hoseya 14:4 ပူးပေါင်းရင်းမြစ်များ

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 20:8

Iwo ŵabwanthuskikenge ndi kuwa pasi; kweni ifwe tikayukanga ndi kuma chiliri.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.

Yesaya 55:1

“Imwe, we yose wanyota, wazi ku maji, yose yo walivi ndrama, wazi wagule warghe! Zani, gulani vinyo ndi mukaka kwambura ndrama ndi kwambura mtengo.

Yesaya 57:18

Ndawona nthowa zake, kweni ndikamuchizganga; ndikamurongozganga, ndi ndikamuwezgiyanga kusangaruka, kuŵachitiya ŵakumutenje chipasi cha milomo yo.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Yeremiya 3:22

“Weniko mwa ŵana ŵambura magomezgeka mwe, ndikakuchizganinga kuti muŵe ŵamagomezgeka.” “Ehe, tituza kwinu; pakuti imwe ndimwe Ambuya Chiuta widu.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yeremiya 33:6

Ehe, ndikatolenga kwaku wo umoyo ndi kuchizga, ndipo ndikaŵachizganga ndi kuŵalongo kuzara kwa vyakusakata ndi wanangwa.

Yeremiya 5:6

Chifukwa chenichi nkharamu yakutuwa ku dondo yazakuŵabaya, mphumphi yakutuwa ku bozwa yazakuŵamara. Nyalubwe wakhazga mu mizi yawo, we yose wakutuwa mwaku yo wakaparurikanga tumanatumana; chifukwa vyakulakwa vinandi; kuwere vuli kwawo nkhukuru.

Yeremiya 8:22

Kumbi mulivi munkhwala mu Gileada? Kumbi ng'anga mulivi mwenimuwa? Na chifukwa nchine umoyo wa ŵanthu ŵangu ulivi kuweremo?

Ezekiele 33:14

Ndipo so, nanga ndingakamba ku muheni, ‘Nadi ukafwanga,’ Kweni ndipuuli asani waweko ku uheni wake ndi wachita cho nchakwenere ndi chakurunjika,

Ezekiele 36:36

Penipo ndipo ŵa mitundu wo ŵakusiyika kuzingirizga imwe ŵakaziŵanga kuti ine, Ambuya, ndazenga malo ghakubwanganduka, ndapanda so gho ghanguŵa phasulu; ine, Ambuya, ndakamba, ndipo ndikachichitanga.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 2:19

Ndikujaliyenge kuti uŵe wangu muyaya; ndikujaliyenge kuti uŵe wangu mu urunji, mu weruzgi, muchanju chakufikapo ndi lisungu.

Hoseya 6:1

“Zaninga, tiyeni tiwere kwa Ambuya; chifukwa aparuwa, mwakuti atichizge; atipuma ndipo atimangenge umempha mabara.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Maŵerengedu 25:11

“Finehasi mwana waku Eleazara, mwana waku Aroni mzukuru, wawezge vuli ukari wangu pa ŵaYisraele, pakuti wenga ndi sanji mu malo mwa sanji yangu mukati mwawo, kuti ndireke kuŵamara ŵaYisraele mu sanji yangu.

Maŵerengedu 25:4

Ambuya angunena ndi Mosese, “Uto mafumu ghose gha ŵanthu, uŵapayike pa mtandasanya pa maso pa Ambuya, mwakuti ukari wakofya wa Ambuya utuweko kwaku Yisraele.”

ŴaRoma 3:24

ndipo mbakurunjiskikiya kwaulera ndi wezi wake mu uwombozi wa mwaku Kristu Yesu:

ŴaEfeso 1:6

kuti urumbike unkhankhu wa wezi wake, mwaku weniwo watisambasiskiya kwawanangwa mu Nkhwanjiwa yo.

2 Timote 1:9

mweniyo wangutitaska ndi kutidana ndi mdanu wakupaturika, kwakuyana ndi nchitu zidu cha, kweni uli ndi chiteme chaku yija ndi wezi, wo ungupaskika kwaku ifwe mwaku Kristu Yesu penipo zindambe nyengo zamuyaya,

Tito 3:4

kweni penipo ungubulika ulemu ndi wanja-ŵanthu wa Mtaski widu Chiuta,