Hoseya 14:3 - Tonga Bible 1986

³ Asiriya kuti watitaskenge cha, kuti tikwerenge pa ŵakavalo cha. Ndipo tinenenge so cha kuti, ‘Chiuta widu,’ ku nchitu ya manja ghidu. Mwaku imwe mranda wasaniya lisungu.”

Hoseya 14:3 ပူးပေါင်းရင်းမြစ်များ

2 Mikoka 16:7

Pa nyengo yo wanguza Hamani muwona kwaku Asa karonga waku Yuda, wanguti, “Chifukwa wagomekezga fumu yaku Siriya, ulivi kugomezga Ambuya Chiuta wako, pa chifukwa ichi nkhondo ya fumu ya Siriya murwani wako yapozomoka mu janja lako.

Sumu 10:14

Imwe mwawona; inya, mwapanikizga suzgu ndi chigwinini, mwakuti muvitore mu manja ghinu; wakusauka watijipereka kwaku imwe; imwe mwaŵa movya wa ŵaranda.

Sumu 146:3

Rekani kugomekezga mu ŵarongozgi ŵa ŵanthu, pamwenga mu mwana wa munthu yo mwake mulivi chovyo.

Sumu 146:9

Ambuya avikiriya ŵalendo wo ŵe mu charu; atovya vyoko ndi ŵaranda; kweni apasuwa nthowa zose za ŵaheni.

Sumu 33:17

Kavalowa nkhondo kuti wangagomezgeka kupaska upundi cha, ndipo ndi nthazi yake yikuru ukongwa kuti wangataska cha.

Sumu 68:5

Uskeu wa ŵaranda, muvikiriyi wa vyoko, ndi Chiuta wakuja munyumba yake yakupaturika.

Yesaya 1:29

Pakuti mulengengi soni ndi miti ya mkundi mwaku yo mungukondwere; ndipo mukayangazukanga chifukwa cha minda yo mukusankha.

Yesaya 2:20

Mu zuŵa liya ŵanthu ŵakatayanga ŵangoza ŵawo ŵa siliva ndi ŵangoza ŵawo ŵa golide, ŵeniwo ŵangujichitiya kuŵasopa, ku ŵakalulu ndi ŵakasusa,

Yesaya 27:9

Chifukwa cho, paku ichi kulakwa kwaku Yakobe kukapepeskekiyanga, ndipo ichi chikaŵanga chipasi chakufikapo cha kutuzgapo uheni wake: wachichita mya yose ya viguŵa vya sembe nge ndi mya yituŵa yakupereka tumana-tumana, palivi kuti Asherimi pamwenga viguŵa vya vyachema vyo vikajaririyanga kuma.

Yesaya 30:16

Ndipo kuti munguŵa navyo cha, kweni mungukamba kuti, “Awa, tikakankhamikanga pa ŵakavalo,” chifukwa cho mukakankhamikanga kuruta; ndipo, “Tikakweranga pa ŵakavalo ŵapusu,” chifukwa cho ŵakukudikiskani ŵakapusumphanga.

Yesaya 30:2

wo ŵasoka kuya ku Egipiti, kwambura kufumba fundu yangu, kwachibisama mu kuvikirika kwaku Farao, kwachipenja msasa mu mduzi wa Egipiti!

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yesaya 31:3

ŴaEgipiti mbanthu, kuti ndi Chiuta cha; ndipo ŵakavalo ŵawo ndi nyama, kuti ndi mzimu cha. Penipo Ambuya atambaruwa janja lawo, wakovya wakaguŵanga, ndipo wakovyeka yo wakawanga, ndipo wose ŵamariyenge pamoza.

Yesaya 36:8

Zanga sono ubeche ku mbuyangu karonga wa Asiriya: Ine ndikakupaskanga ŵakavalo 2,000 (vikwi viŵi) vinu kuchiri-kwako ungaziŵa kuŵa nawo ŵakugalapo paku wo.

Yeremiya 49:11

Ŵareke ŵana ŵako ŵaranda, ine ndikaŵasunganga ŵamoyo; ndipo virekeni vyoko vinu vigomekezge mwaku ine.”

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Ezekiele 37:23

Kuti ŵakajikazuzganga ndi ŵangoza ŵawo nanga ndi vinthu vya maunyakazi ghawo so cha, pamwenga ndikanthu kose ka majumphu ghawo, kweni ndiŵataskenge mu vyakuwerevuli vyawo vyose mwaku vyenivyo ŵananga, ndikaŵaphotonga; ŵakaŵanga ŵanthu ŵangu, ndipo ine ndikaŵanga Chiuta wawo.

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 13:2

Ndipo sono wanangiyanangiya, ndi kujipangiya vikozgu vyakusongono, ŵangoza ŵakupangika umampha ndi siliva wawo, vyose ndi nchitu ya fundi. Ŵatiti, “Perekani sembe ku ŵangoza.” Sono ŵanthu ŵa fyofyontha mathole!

Hoseya 14:8

Efraimu, kumbi ŵangoza nde nawo ndi nchitu uli? Ndine yo wamuka ndi kukuphwere. Nde nge ndi muti wa mung'ona wakubiliŵira nyengo yose, vipasi vyako vituliya kwaku ine.

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.

Hoseya 4:12

Ŵanthu ŵangu ŵafumba fundu ku chimuti, ndipo ndodo yawo yitiŵakonkhoske. Chifukwa mzimu wa ureŵi waŵarandizga, ndipo ŵareka Chiuta wawo chifukwa ŵakhumba kuchita ureŵi.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Hoseya 8:9

Pakuti ŵakwere ku Asiriya nge ndi mbunda yamu dondo yakuyinga yija; Efraimu walembera ŵakwanjiwa ŵake.

Yona 2:10

Ndipo Ambuya angukamba ku somba, ndi yingumuwukuwa Yona pa mtunda uyumu.

Zekariya 13:2

“Ndipo kukaŵanga pa zuŵa lo, atiti Ambuya ŵa maŵanja, ndituzgengeko mazina gha ŵangoza ku charu; mwakuti ŵakakumbukikanga so cha; ndipo so ndituzgengemo mu charu ŵamchimi, ndi mzimu uheni.

Yohane 14:18

“Kuti ndimusiyeninge mwija cha: ndikazanga kwaku imwe.

Marangu 17:16

Kweni wangadaniskanga ŵakavalo cha, pamwenga kutumizga ŵanthu ku Egipiti cha mwakuti wandaniske ŵakavalo, pakuti Ambuya akumukambiyani kale imwe kuti, ‘Mukawerenga so ku nthowa yiya cha.’