Hoseya 13:8 - Tonga Bible 1986

⁸ Ndiŵarotokiyenge nge ndi chipembere yo waphangika ŵana ŵake, ndiparuwenge nganga yawo, ndipo nkhaŵarghanga nge ndi nkharamu, nge ndimo chikoko cha mu dondo chiparuriya.

Hoseya 13:8 ပူးပေါင်းရင်းမြစ်များ

2 Samuele 17:8

Pakurutiliyapo Hushai wanguti, “Uziŵa iwe kuti ausu ndi ŵanthu ŵawo mbanthu ŵanthazi ukongwa, ndipo mitima yawo ye muchanya, nge ndi biyere yo wakwamphulika ŵana mu dondo. Pade paku ichi, ausu ndi ngwazi mu nkhondo; ndipo kuti ŵangagona mu usiku pamoza ndi ŵanthu cha.

Sumu 50:22

“Sono ziŵani ichi, mwa ŵakuruwa Chiuta, vinu ndingakuparuwani, ndi kungaŵavi wakutaska!

Sumu 80:13

Nguruŵi zamdondo zitiyiphwatiya pasi, ndipo nyama zose za mudondo zitiyirgha.

Nthanthi 17:12

Mphanyi munthu wangawona chinyama cha biyere chenicho chapokeka ŵana ŵake, kwakuruska wakupusa mu kupusa kwake.

Yesaya 5:29

Kuuruma kwawo kwe nge nkhwa nkharamu, ŵauruma nge ndi nkharamu zampupuka; ŵajuma ndi kuko nyama yawo, ŵaruta nayo, ndipo palivi yo wangapokeska.

Yesaya 56:9

Imwe mwa vinyama vyose vyamudondo, zani muziparuwe, mwa vinyama vyose mu lisuwa.

Yeremiya 12:9

Ŵanthu ŵangu ŵandiŵiya uli nchiyuni chakuŵaraŵata chakuko vinyake? Viyuni vyakuko vinyake vituŵatinkha kwakuzunguliya kose kose? Rutani, danani nyama zose zamu dondo ziungane; muze nazo kuzachiparuwa.

Yeremiya 25:38

Uli ndi nkharamu ŵasiya chivwati chawo, pakuti charu chawo chasanduka mapopa chifukwa cha lipanga la wakusuzga, ndi chifukwa cha ukari wake wakofya.”

Hoseya 2:12

Ndipo ndinangenge mphereska zake, ndi miti yake ya mkuyu vyenivyo wanena kuti, ‘Ivi nchihara changu cho wakundanja wangu wandipaska.’ Nkhavisanduskanga lisuwa, ndipo nyama zamu dondo zikavirghanga.

Hoseya 5:14

Chifukwa ndiŵenge kwaku Efraimu nge ndi nkharamu, ndi nge ndi nkharamu yimana ku nyumba yaku Yuda. Ine, nadi ine, ndiparuwenge ndi kutuwapo, ndikonge ndipo palivi yo wangataska.