Hoseya 13:5 - Tonga Bible 1986

⁵ Ndenga ine yo wangukuziŵani mu mapopa, mu charu cha chilala.

Hoseya 13:5 ပူးပေါင်းရင်းမြစ်များ

Chiyambo 31:40

Viyo ndimo, ndinguŵiya; chifundizi chingundipweteka ndi msana, kuzizira kungundipweteka ndi usiku, ndipo tulo twangu tungukamuka mu maso ghangu.

Sumu 1:6

pakuti Ambuya aziŵa nthowa ya ŵakurunjika kweni nthowa ya ŵaheni yisoŵenge.

Sumu 142:3

Po mzimu wangu wagongowa, imwe muziŵa nthowa yangu. Munthowa mo nditenda ŵandibisiyamo chiŵana.

Sumu 31:7

Ndangarenge ndi ndikondwenge chifukwa cha chanju chinu chikuru, pakuti imwe mwawona suzgu yangu, mwapanikizga vya ŵarwani ŵangu;

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Chituwa 2:25

Ndipo Chiuta wanguwona ŵaYisraele, ndipo Chiuta wanguziŵa mo ŵanguŵiya.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Yeremiya 2:6

Wengavi kukamba, ‘Ŵepani Ambuya ŵeniwo angutituzga mu charu cha Egipiti, ŵeniwo ŵangutirongozga mu bozwa, mu charu cha uyiku ndi mabuwu, mu charu cha chiparantha ndi cha mdima uzitu, mu charu chambura kuporotamo nanga njumoza, mwenimo kuti muja munthu cha?’

Hoseya 5:3

Ndimziŵa Efraimu, ndi Yisraele kuti ngwakubisika cha kwaku ine; pakuti sono iwe Efraimu, wachita ureŵi.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

Nahumu 1:7

Ambuya mbamampha, linga lakukho mu zuŵa la suzgu, atuŵaziŵa wo ŵabendama mwaku iwo.

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

ŴaGalatia 4:9

Kweni sono, pakuziŵa Chiuta, ndi ukongwako pakuziŵikwa ndi Chiuta, muwere uli kuvuli ku vyamtendeku viteta ndi visauchi vyo, kwaku vyenivyo mukhumba kuŵa so ŵaŵanda kachiŵi?

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Marangu 32:10

“Wangumusaniya mu charu cha mapopa, ndi mukukoroma kwaŵaka kwa bozwa. Wangumuzinga, wangumuphwere, wangumusunga uli ndi mboni ya jiso.

Marangu 8:15

Yo wangumurongozgani mu bozwa likuru ndi lakofya, lo lenga ndi njoka za moto ndi vipiriri, ndi malo ghayumu ghambura maji mweniyo wangumutuzgiyani maji mu jarawe la sangarawi.