Hoseya 13:11 - Tonga Bible 1986

¹¹ Ndingukupaska ŵakaronga mu ukari wangu, ndipo ndaŵatuzgako mu kandundu kangu.

Hoseya 13:11 ပူးပေါင်းရင်းမြစ်များ

Nthanthi 28:2

Asani charu chituswa dangu chendi ŵeruzgi ŵanandi; kweni ndi ŵanthu ŵakuwamo ndi ŵachinjeru ukhovu wake ukakiyangakiyanga nyengo yitali.

Hoseya 10:3

Chifukwa sono ŵakatinge: “Tilive karonga, chifukwa tiŵawopa cha Ambuya, ndipo karonga watichitiyenge kanthu uli?”

Hoseya 10:7

Karonga wa Samaria wabwangandukenge, nge nching'ombe pa maji.

Hoseya 3:4

Chifukwa ŵana ŵaku Yisraele ŵakajanga mazuŵa ghanandi kwambura karonga pamwenga fumu, kwambura sembe pamwenga mzati, kwambura mphenduzga pamwenga ŵakaboni.

Hoseya 8:4

Ŵamika ŵakaronga, kweni ŵakuturiya kwaku ine cha; ŵamika mafumu, kweni kwambura ine kuziŵa. Ŵapanga ŵangoza ndi siliva ndi golide wawo, kujipasuwa.

1 Samuele 10:17

Ndipo Samuele wangudana ŵanthu kuwungana ku Ambuya pa Mizpa;

1 Samuele 10:19

Kweni pa nyengo yino imwe mwakana Chiuta winu, yo watimupozomoskani mu masoka ndi masuzgu ghinu; ndipo mwakamba kuti, ‘Awa! Timikiyeni karonga pachanya pidu.’ Viyo sono jiwoneskeni mwaŵeni panthazi pa Ambuya mu mafuku ghinu ndi mu unandi winu.”

1 Samuele 12:1

Samuele wangunena ndi ŵaYisraele, “Awonani, ndamuvwiyani mwaku vyose vyo mwandinene, ndipo ndamika karonga pachanya pinu.

1 Samuele 12:13

Sono awonani karonga yo mwasankha ndi mweniyo mungufumba; ehe, Ambuya amupaskani.

1 Samuele 15:26

Samuele wanguti kwaku Sauli, “Kuti ndiwenge pamoza nawe cha; pakuti wakana mazu gha Ambuya, Ambuya akana iwe kuŵa karonga pa ŵaYisraele.”

1 Samuele 16:1

Ambuya anguti kwaku Samuele, “Mpaka zuŵanji ukachitiyanga chitima Sauli, pakuti Ine ndamukana kuti waŵe karonga pa ŵaYisraele? Zaza supa yako ndi mafuta. Ndipo ruta; ndikutumenge kwaku Jese waku Betelehemu, pakuti ndajiwone ndamwene karonga mukati mu ŵana ŵake.”