Hoseya 12:2 - Tonga Bible 1986

² Ambuya ŵe ndi mlando ndi Yuda; amupaniskenge Yakobe kwakulingana ndi nthowa zake, ndi kumuwezge kwakuyana ndi milimu yake.

Hoseya 12:2 ပူးပေါင်းရင်းမြစ်များ

2 ŴaKaronga 17:4

Kweni karonga wa Asiriya wangusaniyamo urwani mwaku Hosheya pakuti wangutuma mathenga kwaku Sowu, karonga wa Egipiti, ndipo kuti wangupereka msonkho ku karonga wa Asiriya, uli ndimo wachitiyanga chirimika ndi chirimika cha; chifukwa cho karonga wa Asiriya wangumujariya ndi kumumangiya mu nyumba ya ulinda.

Jobu 15:2

“Kumbi munthu wavinjeru wangamuka kwakuwayawaya nge ndi mphepu, ndi kuzaza nthumbu yake ndi mphepu yaku vuma?

Sumu 78:36

Kweni mazu ghawo ghose wenga utesi wa waka; vyose vyo ŵangurongoro wenga utesi.

Wakutaula 5:15

Nge ndimo wangutuliya mu nthumbo ya anyina wankhuli mo wanguziya ndimo wakarutiyanga so, ndipo kuti wakapinganga kanthu kapa mlimu wake cha, ko watenere kupinga mu janja lake.

Yesaya 10:12

Penipo Ambuya atakuti ŵamara nchitu yawo yose pa phiri la Zioni ndi pa Yerusalemu akalanganga kujikuzga kukuru kwa karonga wa Asiriya ndi kujikwezga kwake.

Yesaya 10:6

Nditimutuma ku mtundu wambura Chiuta, ku ŵanthu ŵakundikaraliska ndiku nditumulanguliya, kwachito vyakuskoŵa ndi kuronda vyakuphanga, kuvipwatiya pasi nge mbulambwi, wamu miseu.

Yesaya 24:21

Mu zuŵa liya Ambuya akalanganga maŵanja gha kuchanya, mu machanya, ndi ŵakaronga ŵa charu, pa charu chapasi.

Yesaya 3:11

Owe ku muheni! Kukamuŵiyanga uheni, pakuti vyo manja ghake ghachita vikachitikiyanga kwaku iyo.

Yesaya 30:6

Vyakukambika vyapa nyama za mdodo zaku Negebu. Kuporota mu charu cha suzgu ndi chitima, kweniko kutuwa nkharamu, yinthukazi ndi yinthurumi, chipiriri ndi njoka yakuphururuka, vipinga mausambasi ghawo pa misana ya zimbunda, ndi vyuma vyawo pa magonyo gha ŵagamila, kuya ku ŵanthu wo ŵangaŵanduliya kanthu cha.

Yesaya 59:18

Kwakulingana ndi nchitu zawo, ndimu ŵakaŵawezgiyanga, ukari ku ŵakupindikana ŵake, kuwezge thayu ku ŵamawongo ŵake; ku vyaru vya mu malikumba gha nyanja wakawezgiyanga nduzga.

Yeremiya 25:31

Kukambula kukavwikanga ku umari wa charu chapasi, chifukwa Ambuya atole mlando pa mitundu; asere mu cheruzgu ndi ŵanthu wose ndipo ŵatimbanizi akaŵaŵikanga ku lipanga, atiti Ambuya.’

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

Hoseya 4:1

Vwani mazu gha Ambuya imwe mwa ŵaYisraele; chifukwa Ambuya ŵe ndi mlando ndi ŵakuja mu charu. Palivi chigomezgu, chingana mbulemu, pamwenga kuziŵa Chiuta mu charu.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Hoseya 7:11

Efraimu wenge ndi nkhunda, yakupusa ndi yambura zeru; wadana ku Egipiti, watiya ku Asiriya.

Hoseya 7:2

Kweni ŵaghanaghana cha kuti ndikumbuka nchitu zawo zose ziheni. Sono milimu yawo yaŵazinga, ye pa maso pangu.

Hoseya 8:10

Chingana ŵalembera ŵanthu ŵakulipika mukati mu mitundu, ndiŵawunjikenge sosonukweni. Ndipo ŵarekenge kwanyengo yimanavi kunthonezga mafuta pa karonga ndi mafumu.

Hoseya 8:13

Ŵatanja sembe; ŵapereka sembe ya nyama ndi ŵatiyirgha; kweni Ambuya kuti akondwa nawo cha. Sono wakumbukenge ubendezi wawo ndikuŵaranga chifukwa cha kulakwa kwawo; ŵawerenge so ku Egipiti.

Hoseya 8:9

Pakuti ŵakwere ku Asiriya nge ndi mbunda yamu dondo yakuyinga yija; Efraimu walembera ŵakwanjiwa ŵake.

Hoseya 9:15

Uheni wawo wose wemu Gilgala; kwenikuwa ndiko ndingudanga chaŵatinkha. Chifukwa cha uheni wa milimu yawo, nkhaŵatuzganga mu nyumba yangu. Ndiŵanjenge so cha; mafumu ghawo ghose ghandigaruka.

Hoseya 9:9

Ŵajivundiska ukongwa nge ndi mu mazuŵa ghaku Gibeya. Wakumbukenge ubendezi wawo; waŵarengenge chifukwa cha maulakwi ghawo.

Amosi 2:4

Viyo atiti Ambuya: “Chifukwa cha maulakwi ghatatu ghaku Yuda, ndi wachinayi, kuti ndiwezgenge kulangika kwake cha; chifukwa ŵakukana dangu la Ambuya, ndipo kuti ŵasunga virungu chizgu vyake cha, kweni mautesi ghawo gha ŵapuruska, ghenigho auskeu ŵangugharondo.

Mika 6:2

Vwani, imwe mwamapiri, suskanu ya Ambuya, ndi imwe viŵanja vyakukho vya charu chapasi; pakuti Ambuya ŵe ndi suskanu ndi ŵanthu ŵawo, ndipo akamikananga ndi Yisraele.

Mateyu 16:27

Chifukwa Mwana wa munthu wakazanga mu unkhankhu wa Awiske pamoza ndi ŵangelo ŵake; ndipo penipo wapaskenge yumoza ndi yumoza kwakulingana ndi mlimu wake.

ŴaRoma 2:6

mweniyo wawerezgiyenge kwaku yose kwakulingana ndi nchitu zake.

ŴaGalatia 6:7

Mungarandizgika cha; kuti Chiuta wanyumbika cha: chifukwa chenicho munthu wangamija, chenicho nacho wakavunanga.