Hoseya 11:9 - Tonga Bible 1986

⁹ Nkhafiskanga cha ukari wangu ukuru, kuti nkhaparghang'anga so Efraimu cha; chifukwa ndine Chiuta munthu cha, Mtuŵa mukati mwinu, ndipo kuti ndizenge kuzachiparghang'a cha.

Hoseya 11:9 ပူးပေါင်းရင်းမြစ်များ

2 Samuele 20:10

Kweni Amasa kuti wanguliwona cha lipanga mu janja laku Yoabu; viyo Yoabu wangumungwaza nalo mu liŵavu, matumbu ghake ghangukhutukiya pasi, ndipo kwambura kumugwaza so kachiŵi, wangufwa. Yoabu ndi Abishai mbali wake ŵangurondo Sheba mwana waku Bikri.

Sumu 46:5

Chiuta we mukati mwake, kuti usukunikenge cha; Chiuta wawovyenge kwambura kuswera.

Sumu 78:38

Kweni Chiuta wenga wa lisungu pa ŵanthu ŵake, wangugowoke kubende kwawo, ndipo kuti wanguŵaparghang'a cha. Nyengo zinandi wangujiko ku kandundu ndi kujikanizga ku ukari wake.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yesaya 41:14

Ungopanga cha, owe fusi Yakobe, imwe mwa ŵanthu ŵaku Yisraele! Ndikovyeninge, atiti Ambuya; muwobozi winu ndi Mtuŵa Yumoza yo waku Yisraele.

Yesaya 41:16

Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.

Yesaya 48:9

“Chifukwa cha zina langu ndilekezga danga ukari wangu, chifukwa cha rumbu langu, nditiumikiya imwe, kuti ndileke ku kudumuwaniko.

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yeremiya 26:3

Vinu kokuli ŵakategherezganga, kuti we yose waweko ku nthowa yake yiheni, mwakuti nding'anamukeko ku chiheni cho ndikhumba kuŵachitiya chifukwa cha machitidu ghawo ghaheni.

Yeremiya 30:11

Pakuti nde nawe pamoza kukutaska, atiti Ambuya; ndikamaranga kwakufikapo mitundu yose mwaku yeniyo ndingukumbininiskani, imwe kuti ndikamumariyaninga limu cha. Ndikakulanganinga mwakwenere, kweni kuti ndikakusiyaninga waka ŵambura kulangika cha.

Hoseya 12:1

Efraimu wakhwema mphepo; wandondoloska mphepo yaku vuma zuŵa lose, watandaniska mautesi ndi nkhaza; wapangana phanganu la maronda ndi Asiriya, ndipo mafuta ghapingikiya ku Egipiti.

Hoseya 14:4

Nkhachizganga kuwere vuli kwawo, nkhaŵanjanga kwawanangwa, chifukwa ukari wangu waweko kwaku iwo.

Malaki 3:6

“Chifukwa ine Chiuta kuti ndisintha cha, imwe mose, ŵana ŵaku Yakobe mulivi kumara.

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

Marangu 13:17

Paŵevi kanthu kakutembeka ko mukasunge, kuti Ambuya aweko ku ukari wawo wakofya, ndi kukulongoni lisungu ndi kuŵa ndi chifundu paku imwe, ndi kukwandaniskani nge ndimo angurapiya ku auskemwe,

1 Samuele 26:8

Abishai wangunena kwaku Davidi. “Chiuta wapereka murwani winu mu janja linu zuŵa lino; ndizomerezgeni kuti ndi mukandirizgiye pasi ndi mkondo umoza pe, kuti ndi mugwazenge kaŵi cha.”