Hoseya 11:8 - Tonga Bible 1986

⁸ Kumbi ndingakujowo uli Efraimu! Kumbi ndingakupereka uli Yisraele! Kumbi ndingakusanduska uli nge ndi Adama! Kumbi ndingakusanduska uli nge ndi Zeboyimu! Mtima wangu ung'anamuka mukati mwangu, nde nawe ndilisungu likuru.

Hoseya 11:8 ပူးပေါင်းရင်းမြစ်များ

Chiyambo 14:8

Sono karonga wa Sodomu, karonga wa Gomora, karonga wa Adama, karonga wa Zeboyimi, ndi karonga wa Bela (yo ndi Zoara) wanguruta, ndipo wangusere pa nkhondo mu dambo la Sidimi,

2 Samuele 24:16

Ndipo mungelo wa Ambuya wanguti watambasuliya janja lake pa Yerusalemu ku ŵaparghang'a, Ambuya anguchita chitima ndi uheni uwu, ndipo angunena ndi mungelo wa nchitu ya kuparghang'a ŵanthu, “Mbwenu kwa kwana sono gowozga janja lako.” Ndipo mungelo wa Ambuya wenga pa mbuli waku Arauna muYebusi.

1 ŴaKaronga 3:26

Viyo munthukazi yo mwana wake wenga wamoyo, pa chifukwa chakuti mtima wake unguchita chisungu pa mwana wake, wanguti ku karonga, “Awa, mbuyangu, mupaskeni mwana yo wamoyo, mungesa kumubaya cha.” Kweni munyake yo wanguti, “Kuti wangaŵa wangu pamwenga wako cha; mugaŵeni.”

2 ŴaKaronga 13:23

Kweni Ambuya ŵenga ŵa wezi kwaku wo, ŵenga nawo ndi chifundu, ndipo angung'anamukiya kuchiri kwawo, chifukwa cha phanganu ndi Abrahamu, Yisaki ndi Yakobe, ndipo kuti angukhumba kuŵaphwanya cha, chingana akuŵadika pa maso pawo mpaka ku zuŵa lino.

2 Mikoka 36:15

Ambuya Chiuta wa ŵambuyawo, wanguŵatumiya ma thenga ghake ruta-ruta, chifukwa wenga wachisungusungu pa ŵanthu ŵake ndi pa malo ghake ghakujamo.

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Yesaya 16:11

Chifukwa ichi mzimu wangu udandaula nge ndi kaligu paku Moabu ndi mtima wangu paku Kirheresi.

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Yeremiya 3:12

Ruta, ukarati maso ku nkhonde, ukamemeze mazu yagha kuti, ‘Weko Yisraele wambura magomekezgeka, atiti Ambuya. Kuti ndikakulereskanga mu ukari cha, pakuti nde wa lisungu, atiti Ambuya; kuti ndikakalipanga muyaya cha.

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yeremiya 42:10

asani mukajaririyanga mu charu ichi, iku ndikakuzenganinga, kumuguziyani pasi cha; ndikakupandaninga, ndipo kuti ndikuponthoninga cha; pakuti ndaweko ku uheni wo ndikumuchitiyani.

Yeremiya 9:6

Ŵaunjika kuyuzga pachanya pa kuyuzga, ndikupusika pachanya pakupusika, ŵakana kundiziŵa ine, atiti Ambuya.

Yeremiya 9:7

Chifukwa chenichi atiti Ambuya ŵa maŵanja, “Ehe, ndiŵasongononge ndi ndiŵesenge, pakuti na nchine so cho ndingachita, chifukwa cha ŵanthu ŵangu.

Chitenje 1:20

“Ehe, Ambuya mwe, pakuti nde mu suzgu, mzimu wangu wemu viwawa, mtima wangu utumba mukati mwangu, chifukwa chakuti ndaŵa wakugaruka ukongwa, mu mseu lipanga libaya; mu nyumba le nge ndi nyifwa.

Chitenje 3:32

chingana angapaska chitima, akaŵanga ndi lisungu, kwakuyana ndi uzari wa chifundu cha wo;

Chitenje 3:33

chifukwa kuti ankhumba kusuzga pamwenga kukalariska ŵana ŵa ŵanthu cha.

Ezekiele 33:11

Uŵanene kuti. Mo ndiliri wamoyo, atiti Ambuya Chiuta, ndilivi likondwa mu nyifwa ya muheni, kweni kuti muheni waweko ku nthowa yake, waŵe ndi umoyo; weniko, weniko ku nthowa zinu ziheni; kumbi mufwiyengenji, mwa ŵa nyumba yaku Yisraele?

Ezekiele 6:9

po ndipo ŵakupozomoka mwaku imwe ŵakandikumbukanga mukati mu ŵamitundu ko ŵatoreke umkoli, nditakuti ndaphwanya mtima wawo wa ureŵi wo wapatuka kwaku ine, ndi kujara maso ghawo gho ghang'anamukiya ku ureŵi ndi ŵangoza ŵawo; ndipo ŵachitenge mselu mu maso ghaku iwo ŵeneko pa mauheni gho ŵachita, pa maunyakazi ghawu ghose.

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Amosi 4:11

“Ndinguwanganduwa ŵanyake ŵaku imwe nge ndimo Chiuta wangubwanganduliya Sodomu ndi Gomora, ndipo mwenga nge nchisindi chakubulika ku moto wakunyeka; ndipuuli kuti munguwere kwaku ine cha,” atiti Ambuya.

Amosi 7:3

Ambuya angugowoka paku ichi; “Kuti kukaŵanga viyo cha,” atiti Ambuya.

Amosi 7:6

Ambuya angugowoka paku ichi; “Ichi nacho chikaŵangako cha,” anguti Ambuya Chiuta.

Mika 5:3

Viyo wakaŵajowonga mpaka yize nyengu kuti yo we pafupi kubara wabare; penipo ndipo ŵakujako ŵa ŵabali ŵake ŵakawerenga ku ŵanthu ŵaku Yisraele.

Zefaniya 2:9

Chifukwa ichi mo ndilili wamoyo,” atiti Ambuya ŵa maŵanja, Chiuta waku Yisraele, “Moabu waŵenge nge ndi Sodomo, ndi ŵana ŵaku Amoni nge ndi Gomora, charu cha ukasi ndi mazenje gha mche ndi chipululu cha muyaya. Ŵakujako ŵa ŵanthu ŵangu ŵaŵaskoŵenge, ndi ŵakujako ŵa mtundu wangu ŵaŵaŵetenge.”

Mateyu 23:37

“Yerusalemu, Yerusalemu we, wakubaya ŵamchimi, ndi wakuŵapong'a mya wo ŵatumizgika kwako! Kwakaringa ndakhumba kuwunjika pamoza twana twako, nge ndimo nyakhutu waunjikiya twapiyupiyu twake kusi ku mapapiku ghake, ndipo kuti ungukhumba cha!

Marangu 29:22

Ndipo mugonezi wo utuza, ŵana ŵinu wo ŵakayukanga pavuli pinu, ndipo so mlendo yo wakatuliyanga ku charu cha kutali, ŵakafumbanga penipo ŵakawonanga masuzgu gha charu chiya, ndi maulwari gho Ambuya atichitamiska nagho,

Marangu 29:23

mu charu chose fukunyira ndi muche ndi vyakupiriya vyakunangika, chambura kumijika ndi mume kanthu cha, uteka kuti uziŵa kubuka cha; chakuthereskeka uli ndi viya vya Sodomu ndi Gomora, Adama ndi Zeboyimi, vyenivyo Ambuya anguthereska mu ukari wawo ndi chikwiya.

Marangu 32:36

Pakuti Ambuya akafiskiyangadi ŵanthu ŵawo ndi kuchitiya lisungu ŵateŵeti ŵawo, achiwona kuti nthazi yawo yamara, ndipo kuti wajapo cha wakumangika pamwenga mwanangwa.

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

Yuda 1:7

Uli ndimo Sodomu ndi Gomora, ndi misumba yakuzunguliya, pakujipereke ku maureŵi kwakukozgana nawo, ndi pakusaka uyaya wakutimbang'a vyakawi, ŵaŵikikiya nge nchirongoleru, ndi kulangikiya ku chisusa cha moto wamuyaya.

Chivumbuzi 11:8

Ndipo vitanda vyawo vyamura mu mseu wa msumba wo ukuru. Zina lachikozgu cha msumba uwa uzumbulika Sodomu ndi Egipiti, kweniko Mbuyawo nayo wangupayikika.

Chivumbuzi 18:18

ndi kubongo pakulereska usi wa kufya kwake, ndi kuti, “Ndi msumba nuwu ungukozgana ndi msumba ukuru uwu?”

Ŵeruzgi 10:16

Viyo ŵangutuzgamo ŵachiuta ŵachilendo mukati mwawo ndi ŵangutataliya Ambuya; ndipo iwo angukaripa pa masuzgu ghaku Yisraele.