Hoseya 11:2 - Tonga Bible 1986

² Mo ndinguŵadaniya, ndimu so ŵangutuwiyako kwaku ine; ŵangurutiriya kupereka sembe ku ŵaBala, ndi kuŵawoche vyakununkhira ŵangoza.

Hoseya 11:2 ပူးပေါင်းရင်းမြစ်များ

1 ŴaKaronga 12:33

Wangukwere ku guŵa la sembe lo wanguzenga mu Betele pa zuŵa la chumi ndi ghankhonde mu mwezi wa chinkhonde ndi chitatu lenilo. Wangwata mu mtima wake; wangumikiya dghera ŵaYisraele, ndipo wangukwere ku chiguŵa cha sembe kwachocha vya kusunkhizga.

1 ŴaKaronga 18:19

Viyo sono tuma ndi uwungang'e ŵaYisraele wose kwangu pa phiri Karmele, ndi ŵamchimi machumi pe chumi ghanayi ndi machumi ghankhonde (450) ŵaku Bala ndi ŵa mchimi machumi pe chumi ghanayi (400) ŵaku Ashera, ŵeniwo ŵaturgha pa gome laku Yezebelu.”

Nehemiya 9:30

Virimika vinandi mungukunthiyapo, ndi munguŵachenjezga ndi mzimu kukambiya mu ŵamchimi ŵinu; kweni ŵengavi kutegherezgako. Chifukwa cho munguŵapereka mu janja la ŵanthu ŵamu vyaru vyo.

Yesaya 65:7

maulakwi ghawo ndi maulakwi gha auskewo pamoza nawo, atiti Ambuya; chifukwa ŵangocha vyachema pa mapiri ndi kundituka pa mapiri pachanya, mu chifukwa cha machitidu ghawo ghakudanga ndikaŵapimiyanga mphoto yapa chifuŵa chawo.”

Yeremiya 18:15

Kweni ŵanthu ŵangu ŵandiruwa ine, ŵatoche sembe ku ŵachiuta ŵatesi; ŵaguŵa mu nthowa zawo, mu miseu ya mwaka, ndipo ŵasere mu tunthowa twakudumuwa, ŵareka mseu ukuru,

Yeremiya 35:13

“Atiti Ambuya ŵa maŵanja, Chiuta waku Yisraele: Ruta ukakambe ku ŵanthu ŵaYuda ndi ŵakuja mu Yerusalemu: Kumbi kuti mukalondiyanga sambiru cha ndi kutegherezga ku mazu ghangu? atiti Ambuya.

Yeremiya 44:5

Kweni ŵengavi kuvwiya pamwenga kutegherezga, kuweko ku mautimbanizi ghawo ndi kuti ŵareke koche vyachema ŵachiuta ŵanyake.

Hoseya 11:7

Ŵanthu ŵangu ŵaŵika mitima yawo pakutuwako kwaku ine; viyo ŵarongozgeke ku goŵa, ndipo palivi yumoza walituzgengeko.

Hoseya 2:13

Ndipo ndimurangenge chifukwa cha mazuŵa gha madghera gha ŵaBala mwaku gho wawochanga vyakununkhira kwaku iwo, ndi wanguvwala mphete ndi vyakugalarika vyake, wangurondo ŵakumwanja ŵake, ndi wangundiruwa ine, atiti Ambuya.

Hoseya 4:13

Ŵapereka sembe pachanya pa mapiri, ndi ŵapereka mipasku pa tumapiri, musi mu miti ya kankhandi, ndi mkongwe, ndi mtaŵa chifukwa miduzi yawo njamampha. Chifukwa ichi ŵana ŵinu ŵanthukazi ŵachita ureŵi, ndi awoli ŵinu nawo ŵachita ureŵi.

Hoseya 4:17

Efraimu wabatikana ndi ŵangoza mlekeni yija.

Zekariya 1:4

Mungaŵa nge mba uskemwe cha, kwaku ŵeniwo ŵamchimi ŵakale ŵadanirizganga kuti, ‘Viyo atiti Ambuya ŵa maŵanja, weniko ku nthowa zinu ziheni, ndi ku nchitu zinu ziheni, ndi ku nchitu zinu ziheni.’ Kweni kuti wanguvwa cha, pamwenga kundivwiya, atiti Ambuya.

Zekariya 7:11

Kweni wangukana kuvwiya, ŵangusukung'a maphewa, ndi kujara makutu mwakuti ŵareke kuvwa.

Luka 13:34

Yerusalemu, Yerusalemu, wakubaya ŵamchimi wo, ndi wakupong'a mya wo ŵatumika kwako! Karinga ndingukhumba kuwungang'a pamoza ŵana ŵako, nge ndimo nyakhutu wachitiya ŵana ŵake kusi ku mapapiku ghake, ndipo kuti mungukhumba cha.

Yohane 3:19

Ndipo ichi ncheruzgu cho, kuti Kungweruka kwaza mu charu, kweni ŵanthu ŵangwanja mdima ukongwa kwakuruska Kungweruka ko; chifukwa zenga ziheni nchitu zawo.

Machitidu gha Ŵakutumika 7:51

“Mwanononu ku singu, ndi mwambura kuchinjika ku mtima ndi makutu, nyengo zose mumikana ndi Mzimu Wakupaturika: nge mbauskemwe, namwe viyo.

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

Ŵeruzgi 2:13

Ŵangujowo Ambuya, ndi ŵangutataliya Bala ndi Ashitaroti.

Ŵeruzgi 3:7

Ndipo ŵaYisraele ŵanguchita uheni mu maso gha Ambuya, ŵanguruwa Ambuya Chiuta wawo, ndi kutataliya ŵaBala ndi Ashera.