Hoseya 11:1 - Tonga Bible 1986

¹ Po Yisraele wenga mwana ndingumwanja, ndipo ndingumudana mwana wangu kutuwa mu Egipiti.

Hoseya 11:1 ပူးပေါင်းရင်းမြစ်များ

Sumu 129:1

Yisraele sono wakambe, “Wandisuzga kutuliya ku uhurwa wangu.

Chituwa 19:4

munguwona cho ndinguchita ku ŵaEgipiti, ndimo ndingukunyamuliyani pa mapapa gha nombo ndi ndingumutoliyani kwaku ndamweni.

Chituwa 4:22

Ndipo iwe wamukamba kwaku Farao, ‘Viyo ndimo anene Ambuya, Yisraele ndi mwana wangu waumwali,

Chituwa 4:23

ndipo ndititi kwaku iwe, “Umuzomerezge mwana wangu warutenge alinga wakanditataliyenge.” Asani ukakananga kuti warutenge, ehe, ndikabayanga mwana wako munthurumi waumwali.’ ”

Yesaya 43:4

Pakuti mwe ŵakuzirwa mu maso ghangu, ndi ŵatumbiku, ndipo nditumwanjani, ndipereka ŵanthu kuripila paku imwe, ŵanthu mu kugulizgana ndi umoyo winu.

Yeremiya 12:7

“Ndayireka nyumba yangu, ndaŵapatiya limu ŵanthu ŵangu; ndapereka nkhwanjiwa wa mtima wangu mu manja gha ŵakupindikana ŵake.

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Ezekiele 16:22

Ndipo mu maunyakazi ndi mu maureŵi ghako ghose kuti ungukumbuka mazuŵa gha pa umwali wako cha, po unguŵa wankhuli ndi wambura kuvwara kanthu, wakukunkhuwa mu ndopa zako.

Ezekiele 16:6

“Po ndajumphanga pafupi ndi iwe, ndingukuwona uchikunkhuwa mu ndopa zako, ndingunena nawe mukati mu ndopa zako, ‘Uŵe ndi umoyo,

Hoseya 10:15

Viyo ndimo kuchitikiyenge kwaku imwe, ŵanyumba yaku Yisraele, chifukwa cha uheni winu ukuru. Mu chimphunga karonga wa ŵaYisraele wazamudumulika.

Hoseya 12:13

Ndi mchimi Ambuya angutuzga Yisraele mu charu cha Egipiti, ndipo ndi mchimi wangusungika.

Hoseya 12:9

Ndine Ambuya Chiuta wako, kutuwa ku charu cha Egipiti; nkhakujarikanga so mu mahema nge ndi mu mazuŵa gha madghera ghakumikika.

Hoseya 13:4

Ndine Ambuya Chiuta winu kutuwa ku charu cha Egipiti. Muziŵa Chiuta munyake cha, kweni ine pe, ndipo pade paku ine palivi mtaski munyake.

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Malaki 1:2

Ambuya atiti, “Ndamwanjani.” Kweni imwe mutiti, “Mwatanja uli?” Ambuya atiti, “Kuti Esau ndi mbali waku Yakobe cha? Ndipuuli ndanja Yakobe,

Mateyu 2:15

ndipo ŵanguja kweniko mpaka nyifwa yaku Herode. Mwakuti lifiskike nenedu lakutuwa ku Ambuya mwamchimi yo, “ku Egipiti ndingumdana mwana wangu.”

Marangu 33:3

Inya, anguŵanja ŵanthu ŵawo, wose wo ŵangupaturiskikiya kwaku iwo ŵenga mu janja lawo, viyo ŵangundondoroska mu marundi ghinu, ŵakuronde kurongozga kwinu,

Marangu 7:7

Po Ambuya angumwanjani ndi angumusankhani kuti nchifukwa chakuti mwenga ŵanandi kuruska ŵanthu ŵanyake cha, mwenga ŵamana kwakuruska ŵanthu wose cha.