Hoseya 10:8 - Tonga Bible 1986

⁸ Malo gha pachanya ghaku Avene, ndi kwananga kwaku Yisraele, vyose vimarenge. Minya ndi nthula vikamenga pa majochero ghawo; ndipo ŵakatinge ku mapiri, “Wiyani paku ifwe”; ndi mitunthu, “Tivunikiriyeni.”

Hoseya 10:8 ပူးပေါင်းရင်းမြစ်များ

Chiyambo 3:8

Ndipo ŵanguvwa muswayo wa Ambuya Chiuta wachenda mu munda pa msana wakuzizila; ndipo munthu yo ndi muwoli wake ŵangubisama ku chisku cha Ambuya Chiuta mukati mu miti yamu munda.

1 ŴaKaronga 13:2

Ndipo munthu yo wangubongo kususka chiguŵa cha sembe ndi mazu gha Ambuya, wanguti, “Wachiguŵa, chiguŵa, we, viyo atiti Ambuya, ‘Ehe, mwana wakapapikanga ku nyumba yaku Davidi, zina lake Josiya; ndipo wakaperekanga sembe paku iwe ya ŵazukuru ŵamalo gha pachanya ŵeniwo ŵatocha vya chema paku iwe, ndipo viwanga vya ŵanthu vikawochekanga paku iwe.’ ”

1 ŴaKaronga 13:34

Ndipo chinthu ichi chinguŵa mphurupuru ku nyumba yaku Yeroboamu, mwakuti yidumulike ndi kuyiparghang'a kuyituzgako ku chisku cha charu chapasi.

1 ŴaKaronga 14:16

Ndipo akajowonga Yisraele chifukwa cha mphurupuru zaku Yeroboamu zo wangulakwa, ndi kulakwiska nazo Yisraele.”

2 ŴaKaronga 23:15

Ndipo so jochero pa Betele malo gha visopo gha pachanya gho ghanguzengeka ndi Yeroboamu mwana waku Nebati yo wangulakwiska Yisraele, jochero liya pamoza ndi malo ghake wangubwanganduliya pasi, wanguswa tumanatumana mya, kuyipera kuŵa fuvu, ndipo wangocha Ashera.

2 Mikoka 31:1

Sono vinguti vyamarapo vyose ivi, ŵaYisraele wose wo ŵengapo ŵanguruta ku misumba yaku Yuda ndi ŵanguswa vikozgo ndi kudumuliya pasi ŵachiuta ndi ŵangubwanganduwa malo gha pachanya ndi majochero mu Yuda yose, mu Benjamini, mu Efraimu ndimu Manase, mpaka ŵangubwanganduwa vyose. Viyo ŵanthu wose ŵaku Yisraele ŵanguwere ku misumba yawo, munthu yose ku malo ghake.

Yesaya 2:19

Ŵanthu ŵazamusere mu zimphanji za majarawe ndi mazenje gha pasi, kuthaŵa ku chofyu cha Ambuya ndi ku unkhankhu wa ukaronga wake, penipo akasokanga kofya charu chapasi.

Yesaya 2:21

kusere mu zimphanji zitali zamajarawe ndi malijengwajengwa gha masendemu, kutuwako ku chofyu cha Ambuya, ndi ku unkhankhu wa ukaronga wawo, penipo akasokanga kofya charu chapasi.

Yesaya 32:13

pakuti mu nyata ya ŵanthu ŵangu mwame minga ndi kankhande, inya, chifukwa cha nyumba za kukondwa mu muzi walikondwa.

Yesaya 34:13

Minga yikamenga pa malinga ghake, kabata ndi kuchiwanga mu malo ghake ghakuvikiriya. Mukaŵanga mwakupikiskana ŵakambwe, mwakugona viyuni.

Hoseya 10:2

Mtima wawo ngutesi, sono ŵatenere kusanirika ndi kafukwa. Ambuya agumuliyenge pasi majochero ghawo, ndi kubwanganduwa vikozgo vyawo.

Hoseya 10:5

Ŵakuja mu Samaria ŵatenthema chifukwa cha thole laku Betavene. Ŵanthu ŵake ŵamuliriyenge, ndi ŵazukuru ŵake wo ŵasopa ŵangoza ŵamutenjeriyenge, chifukwa cha unkhankhu wake wo watuwapo.

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Hoseya 2:6

Chifukwa ichi nkhajaranga nthowa yake ndi minga, ndi kuyizungurizga ndi mupanda kuti wareka kuwona nthowa zake.

Hoseya 4:13

Ŵapereka sembe pachanya pa mapiri, ndi ŵapereka mipasku pa tumapiri, musi mu miti ya kankhandi, ndi mkongwe, ndi mtaŵa chifukwa miduzi yawo njamampha. Chifukwa ichi ŵana ŵinu ŵanthukazi ŵachita ureŵi, ndi awoli ŵinu nawo ŵachita ureŵi.

Hoseya 4:15

Chingana muchita maureŵi, imwe ŵaYisraele, kweni Yuda wangananganga cha. Mungazanga ku Gilgala cha chingana nkhukwere ku Betavene, pamwenga kurapa, “Ambuya wamoyo.”

Hoseya 5:8

Mbani mbata mu Gibeya, ndi lipenga mu Rama. Kamburani mu Betavene; tenthema, iwe Benjamini.

Hoseya 8:5

Ndazira mwana wa ng'ombe yako, O Samaria. Ukari wangu ukole kumikana nawo. Kuŵenge viyo mpaka zuŵanji, mpaka penipo mulivi kalema mu ŵaYisraele?

Hoseya 9:6

Chifukwa ehe, ŵaruta ku Asiriya; Egipiti waŵawunjikenge, Mefisi waŵaŵikenge mu masano. Ukasi ukataŵanga pachanya pa vyakuzirwa vyawo vya siliva, minga yiŵenge mu mahema ghawo.

Amosi 1:5

Nkhafyonga mpiringizgu wa Damasko! ndi kuwiska ŵakuja mu chidika cha Avene, ndi yo wakoreze ndodo ya ufumu mu Betedene; ndi ŵanthu ŵaku Siriya ŵakarutanga ku umkoli ku Kiri,” atiti Ambuya.

Amosi 3:14

“kuti, pa zuŵa lenilo ndilangenge Yisraele chifukwa cha ulakwi wake, ndilangenge so majochero gha Betele, ndi masengwe gha majochero ghakadumulikanga, ndikuwa pasi.

Amosi 7:9

malo gha pachanya ghaku Yisaki ghakapasukanga, ndi malo ghakupaturika ghaku Yisraele ghakanangikanga, ndipo ndiyukiyenge nyumba yaku Yeroboamu ndi lipanga.”

Amosi 8:14

Ŵeniwo ŵarapa pa Ashima waku Samaria, ndipo ŵatiti, mo ‘Chiuta wako waliri wamoyo, O Dani,’ ndipo, ‘Nge ndimo Beresheba wajaliya’; wakawanga, kwambura kuyuka so.”

Mika 1:13

Mangani gareta kuŵa kavalo, imwe mwa ŵakuja mu Lakishi; ndimwe mungwananga pakudanga ku ŵanthu ŵaku Zioni, chifukwa maulakwi ghaku Yisraele ghangusanirika mwaku imwe.

Mika 1:5

Ivi vyose vyaŵako chifukwa cha ulakwi waku Yakobe ndi mauheni gha nyumba yaku Yisraele. Kumbi ulakwi waku Yakobe ngune? Kumbi kuti ndi Samaria cha? Ndipo ulakwi wa nyumba yaku Yuda ngune? Kumbi kuti ndi Yerusalemu cha?

Nahumu 3:11

Nawe so uloŵenge, utimbanizgikenge; upenjenge utaski ku murwani.

Luka 23:30

Penipo ŵambenge kughanene mapiri, ‘Wiyanipo paku ifwe;’ ndi ku mitunthu, ‘Tivunikiriyeni!’

Marangu 9:21

Ndingumurombe so nayo aroni pa nyengo yeniyo. Viyo ndinguto chinthu cha mphurupuru, chikozgu cha thole chiya mungupanga, ndinguchocha ndi moto. Ndinguchidina ndi kuchisira ukongwa nge ndi choto, ndipo ndingudira choto chake mu msinji weniwo watuliyanga mu phiri.

Chivumbuzi 6:16

ndi kughanene mapiri ndi majarawe, “Wiyani paku ifwe, ndi tivunikiriyeni ku chisku chaku mweniyo waja pa chitengu-chaufumu cho, ndi ku kandundu ka Mwana-mberere,

Chivumbuzi 9:6

Ndipo mu mazuŵa gha ŵanthu ŵampenja nyifwa, kweni kuti ŵamkuyisaniya cha; ndipo ŵamkhumba kufwa, kweni nyifwa yamkuŵathaŵa.