Hoseya 10:6 - Tonga Bible 1986

⁶ Inya, chikozgu chitolekiyenge ku Asiriya, kuŵa munthulu ku karonga mukuru. Efraimu walengeskekenge, ndipo Yisraele walengenge soni chifukwa cha ngoza wake.

Hoseya 10:6 ပူးပေါင်းရင်းမြစ်များ

2 ŴaKaronga 17:3

Shalmanezara karonga wa Asiriya, wanguza kulimbana nayo; ndipo Hosheya wanguŵa nduna yake ya charu, ndipo wangupereka msonkho.

Jobu 18:7

Mchapo wake utali wanthazi wafupiskika, ndipo fundu za mweneko zitimupong'a pasi.

Yesaya 1:29

Pakuti mulengengi soni ndi miti ya mkundi mwaku yo mungukondwere; ndipo mukayangazukanga chifukwa cha minda yo mukusankha.

Yesaya 30:3

Chifukwa cho kuvikiriya kwaku Farao kukang'anamukiyanga ku chilengesku chinu, ndipo msasa mu mduzi wa Egipiti ku kulengeskeka kwinu.

Yesaya 45:16

Wose ŵalengeskeka ndi ŵatimbanizgika, ŵakuchita ŵangoza ŵatimbanizgikiya pamoza.

Yeremiya 48:13

Sono Moabu wakalengeskekanga kwaku Kemoshi, nge ndimo nyumba yaku Yisraele yingulengeskeke kwaku Betele, gomezgu lawo.

Yeremiya 7:24

Kweni kuti ŵanguchita vyo ndinguŵalanguliya pamwenga kundivwiya cha, ŵangwenda mu vipangu vya ŵeneko ndi mu unonono wa mitima yawo yiheni, ndipo ŵanguwere vuli, kuti ŵanguya kunthazi cha.

Ezekiele 16:28

Asiriya nawo unguchita nawo so ureŵi, chifukwa wengavi kuguta; inya, unguchita nawo ureŵi, ndipuuli kuti ungukhorwa cha.

Ezekiele 36:31

Penipo ndipo mukakumbukanga nthowa zinu, ndi nchitu zinu kuti zenga ziheni, sono mukajitinthanga mwaŵeni chifukwa cha maukazuzi ndi milimu ya maunyakazi ghinu.

Danyele 11:8

Ŵarutenge so ndi ŵachiuta ŵawo ku Egipiti nge mbamikoli, ndi ŵangoza ŵawo ŵakusongono, ndi viyaŵi vyawo vyakuzirwa vya siliva ndi vya golide. Ndipo mu virimika vinyake ŵarwenge nkhondo cha ndi karonga waku nkhonde.

Hoseya 4:19

Mphepo yaŵavungiya mu mapapa ghake, ndipo ŵalengeskekenge chifukwa cha majochero ghawo.

Hoseya 4:7

Kwakulingana nge ndimo ŵangwandaniyana ukongwa, ndimu so ŵangundilakwiya; ndisinthenge unkhankhu wawo kuŵa soni.

Hoseya 5:13

Po Efraimu wanguwona utenda wake, ndi Yuda wanguwona chironda chake, Efraimu wanguruta ku Asiriya ndi kutuma mazu ku karonga mkuru. Kweni iyo kuti waziŵa kumuchizgani cha pamwenga kuchizga chironda chinu.

Hoseya 8:6

Ichi chapangika ndi mupangi; kuti ndi Chiuta cha. Mwana wa ng'ombe waku Samaria watekenyikenge.

Mika 6:16

Chifukwa mwasunga vilayizgu vyaku Omri, ndi vyakuchita vyose vya nyumba yaku Ahabu; ndi mwayenda mufundu zawo; ndi mupasuweninge, ndi ŵakujamo ŵinu wakafyonyekanga; viyo mukayeyekanga ndi ŵanthu.”