Hoseya 10:10 - Tonga Bible 1986

¹⁰ Nkhazanga kumikana ndi ŵanthu ŵakuwere vuli kuŵaranga; ndipo mitundu yiwunjikanenge kumikana nawo po ŵarangika, chifukwa cha kwananga kwawo kuŵi.

Hoseya 10:10 ပူးပေါင်းရင်းမြစ်များ

1 ŴaKaronga 12:28

Viyo karonga wanguchita upu, ndipo wanguchita mathole ghaŵi gha golide. Ndipo wanguti ku ŵanthu, “Mwakwere ku Yerusalemu nyengo yitali ukongwa: Awonani ŵachiuta ŵinu, Yisraele we, ŵeniwo ŵangukutuzgani mu charu cha Egipiti.”

Jobu 39:10

Kumbi ungaziŵa kuyimanga njati mu khose mwake ndi luzi, kumbi yikawunganga migando mu dambo pavuli pako?

Yesaya 1:24

Chifukwa cho Ambuya atiti. Ambuya ŵa maŵanja, Wanthazi yo waku Yisraele: “Aha, ndikatuzgangapo ukari wangu pa ŵakupindikana nane, ndi kujitayiya thayu pa ŵarwani ŵangu.

Yeremiya 15:6

Wandikana ine, atiti Ambuya, weche kuwerere vuli; viyo ndatambaluriya janja langu paku iwe ndakupasuwa; ndavuka ndi kugowoka-gowoka.

Yeremiya 16:16

“Ehe, ndikadananga ŵarovi ŵa somba ŵanandi, atiti Ambuya, ndipo ŵakaŵakonga; pavuli ndikadananga ŵachiŵinda ŵanandi, ndipo ŵakaŵasakanga mu phiri lose ndi mtunthu wose ndimumalijengwajengwa gha majarawi.

Yeremiya 21:4

“Mukakambe viyo kwaku Zedekiya, ‘Viyo atiti Ambuya, Chiuta waku Yisraele: Ehe, ndikawezgiyanga vuli vidya vya nkhondo vyo vye mu manja ghinu, vyenivyo imwe murwiya navyo pa karonga wa Babiloni ndi pa ŵaKaldiya wo ŵakuzingani kubwalo ku malinga; ndipo ndikaŵawunjikanga wose mukati mu msumba uwu.

Ezekiele 16:37

chifukwa cho, awona, ndikawunjikanga ŵakwanjiwa ŵako wose, wo ŵakondwanga nawe, wose wo ungwanja ndi wose wo ungutinkha; kutuliya kosekose ndikaŵawunjikanga, ndipo ndiŵavunuliyenge nkhuli yako, mwakuti ŵawone unkhuli wako wose.

Ezekiele 16:42

Viyo ndikapumuzganga kukara kwangu, ndipo sanji yangu yikatuwangako kwako; ndijenge chisisi, kuti ndikakwiyanga so cha.

Ezekiele 23:46

Pakuti viyo atiti Ambuya Chiuta: “Zaninga ndi mzinda kumikana nawo, ndi muŵachite nge nchinthu chakofya ndi chakuskowa.

Ezekiele 23:9

Chifukwa cho ndingumupereka mu manja gha mabwezi ghake, mu manja gha Asiriya, wo wangujiperekako.

Ezekiele 5:13

“Viyo ndimo ukari wangu ukamariyanga, ndikajikhorweskanga pakupunguliya kukwiya kwangu paku iwo; sono ŵakaziŵanga kuti ine, Ambuya, musanji yangu ndarongoro, po ndifiska kukara kwangu paku iwo.

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Hoseya 4:19

Mphepo yaŵavungiya mu mapapa ghake, ndipo ŵalengeskekenge chifukwa cha majochero ghawo.

Hoseya 4:9

Kukaŵanga viyo ku ŵanthu, ndi ŵazukuru, ndiŵarangenge chifukwa cha kendero kawo, ndi kuŵawezge nchitu zawo.

Hoseya 8:1

Ŵika mbata ku mlomo wako, chifukwa khuŵi le pachanya pa nyumba ya Ambuya, chifukwa ŵaswa phanganu langu, ndi ŵajumpha dangu langu.

Hoseya 8:10

Chingana ŵalembera ŵanthu ŵakulipika mukati mu mitundu, ndiŵawunjikenge sosonukweni. Ndipo ŵarekenge kwanyengo yimanavi kunthonezga mafuta pa karonga ndi mafumu.

Mateyu 22:7

Karonga wangukalipa; ndipo wati watuma nkhondu zake, wangwananga ŵambandaŵa, ndipo wangocha muzi wawo.

Marangu 28:63

Ndipuuli ndimo wangukondwere kumuchitiyani umampha ndi kumwandaniskani, ndimo Ambuya akakondwiyanga mu kutole pharghang'iku pinu ndi kumumarani, ndipo mukazuwikanga mu charu chenicho mukaserengamo kwachiŵa chinu.