Ezra 7:6 - Tonga Bible 1986

⁶ Uyo Ezra wanguturiya ku Babiloni. Wenga mlembi waku ziŵiska vya dangu laku Mosese lo Ambuya Chiuta waku Yisraele wangupereka. Ndipo karonga wangumupaska vyose vyo wangupempha, chifukwa janja la Ambuya Chiuta wake lenga paku iyo.

Ezra 7:6 ပူးပေါင်းရင်းမြစ်များ

Chiyambo 32:28

Sono iyo wanguti, “Zina lako kuti likadanikanga so Yakobe cha kweni Yisraele pakuti walimbana ndi Chiuta ndi ŵanthu so, ndipo wapunda.”

Ezra 5:5

Kweni jiso laku Chiuta wawo lenga pa ŵara ŵaku Yuda, ndipo ŵamirizi yaŵa ŵengavi kuŵakanizga mpaka makani ghakafike kwaku Dariusi ndipo ŵavwe kwamuka kwake mu kalata.

Ezra 6:22

Ŵanguchita ndi chimwemwe dghera la chiŵande chambura mtupu mazuŵa ghakhonde ndi ghaŵi chifukwa Chiuta wanguŵakondweska ndi wangung'anamuriya mtima wa karonga wa Asiriya kuchiri kwawo, kukhomeska manja ghawo mu nchitu ya nyumba yaku Chiuta, Chiuta waku Yisraele.

Ezra 7:21

“Viyo ine karonga Arataserese ndilangula ŵara wose ŵakusunga chuma cha karonga mu chigaŵa cha kusirgha la msinji. Che chose cho Ezra mzukuru, mlembi wa dangu laku Chiuta wa kuchanya, wafumbenge kwinu, chichitike kwaruŵi,

Ezra 7:28

ndi wangurongo chanju chake chikuru paku ine paurongo pa karonga ndi ŵara ŵake ŵaupu, ndi paurongo pa ŵamirizi ŵanthazi wose ŵa karonga. Ine ndingulimba mtima chifukwa janja la Ambuya Chiuta wangu lenga pangu. Viyo ndingudana ŵara ŵaku Yisraele kuti ŵarutenge nani pamoza.

Ezra 7:5

mwana waku Abishuya, mwana waku Eleazara mwana waku Aroni, mzukuru mura.

Ezra 7:9

Chifukwa pa zuŵa lakudanga la mwezi wakudanga ndilo wangwambiya kutuwa ku Babiloni, ndipo pa zuŵa lakudanga la mwezi wa chinkhonde wangufika ku Yerusalemu chifukwa janja lamampha laku Chiuta wake lenga nayo.

Ezra 8:1

Yaŵa ndiwo ŵara ŵa mafuko, ndi kuŵerengeka kwawo, kuyana ndi kupapika kwawo, wo ŵanguruta ndi ine kutuwa ku Babiloni, mu muwusu wa karonga Arataserese:

Ezra 8:18

Viyo ndi janja lamampha laku Chiuta paku ifwe ŵangutiziya nayo munthu wa vinjeru, wa ŵina Mahili mwana waku Levi mwana waku Yisraele, zina lake Serebiya, pamoza ndi ŵana ŵake ndi ŵabali ŵake ndi ŵana ŵawo chumi limoza pachanya ŵankhonde ndi ŵatatu (18);

Ezra 8:22

Chifukwa ndenga ndi soni kupempha kutipaska ŵankhondo ndi ŵapakavalo kutivikiriya ku ŵarwani mu nthowa, tingumunene karonga kuti, “Janja laku Chiuta widu le paku wose wo ŵatumwanja, kuŵachitiya umampha, ndipo ukuru wake we ndi nthazi kwananga wose wo ŵatumujowo.”

Ezra 8:31

Viyo tingutuwako ku msinji Ahava pa zuŵa la chumi ndi chiŵi la mwezi wakudanga kuruta ku Yerusalemu; janja laku Chiuta widu lenga nafwe. Wangutitaska ku janja lamurwani ndi wakutikhazga mu nthowa.

Nehemiya 12:26

Yaŵa ŵengako mu mazuŵa ghaku Yoiyakimu mwana waku Yeshua mwana waku Yozadaki, ndi mu mazuŵa ghaku Nehemiya mweruzgu mura ndi ghaku Ezra mzukuru ndi mlembi.

Nehemiya 12:36

ndi ŵabali ŵake Shemaya, Azarele, Milalai, Gilalai, Mai, Netaneli, Yuda ndi Hanani, ndi vyakumbiya vyaku Davidi munthu waku Chiuta; ndi Ezra mlembi ŵangwenda paurongo pawo.

Nehemiya 2:12

Sono ndingusoka ndi usiku, ine pamoza ndi ŵanthurumi ŵamanavi, ndipo ndengavi kuneniyapo yumoza cho Chiuta wangu wanguŵika mu mtima wangu kwachichitiya Yerusalemu. Pengavi chinyama chinyake pamoza nane kweni cho ndingukwelapo pe.

Nehemiya 2:18

Ndipo ndinguŵanene gha janja laku Chiuta wangu lo lenga pamoza nane kutichitiya vyamampha, ndi so mazu gha karonga gho wangundiŵereŵete. Ndipo iwo ŵanguti, “Tiyeni tipamphuke tizenge.” Viyo ŵangulimbiska manja ghawo, pa mlimu uwu wamampha.

Nehemiya 2:8

ndi kalata kwaku Asafi msungi wa lusuwa la miti la karonga kuti wakandipaske miti yakuchitiya mphanjizgu za malikomo gha linga la kasopi ndi za nyumba yo ndamujamo.” Ndipo karonga wangundipaska vyenivyo ndingupempha pakuti janja lawezi laku Chiuta wangu lenga paku ine.

Nehemiya 4:15

Penipo ŵamawongo ŵidu ŵanguvwa kuti tachiziŵa ifwe ndi kuti Chiuta wayeya fundu yawo tose tinguwere ku linga, we yose ku nchitu yake.

Nehemiya 8:1

Ndipo ŵanthu wose ŵanguwungana ndi mtima umoza pa bwalo la paurongo pa Likomo la Maji: ndipo ŵangunene Ezra mlembi yo kwachito buku la dangu laku Mosese lo Ambuya angupaska kwaku Yisraele.

Nehemiya 8:13

Pa zuŵa la chiŵi mitu ya zinyumba za auskeu ya ŵanthu wose, pamoza ndi ŵazukuru ndi ŵaLevi, ŵanguziya pamoza kwaku Ezra mlembi yo kuzachisambira mazu gha dangu lo.

Nehemiya 8:4

Ezra mlembi yo wanguma pa chiguŵa cha miti cho ŵangulongosore mlimu wenuwu, ndipo pamoza nayo panguma Matatiya, Shema, Anaiya, Uriya, Hilkiya, ndi Maseya ku janja lake lakurghiya, ndi Pedaya, Mishaele, Malkiya, Hashumu, Hashabadani, Zekariya, ndi Meshulama ku janja lake la maze.

Nehemiya 8:9

Ndipo Nehemiya yo wenga mweruzgi mura, ndi Ezra mzukuru ndi mlembi, ndi ŵaLevi ŵeniwo ŵangurunguchizga ŵanthu, ŵanguti ku ŵanthu wose, “Zuŵa ndakupaturika ku Ambuya Chiuta winu; mungatenjenga chingana nkhuliya cha.” Pakuti ŵanthu wose ŵaliyanga ŵanguti ŵavwa mazu gha dangu lo.

Nehemiya 9:13

Mungusikiya pa phiri la Sinai, ndi kurongoro nawo kutuliya kuchanya ndi munguŵapaska malangulu ghakwenere ndi marangu ndi vyeruzgu ndi malamulu,

Sumu 109:27

Ŵaziŵiskeni ŵarwani ŵangu kuti imwe ndimwe mutinditaska.

Sumu 147:19

Wapaska makani ghake kwaku Yakobe, virunguchizgu ndi marangu ghake kwaku Yisraele.

Sumu 45:1

Ubwibwituska makani ghamampha mtima wangu; ndikamba ndi karonga makani yagha ndalemba; lilime langu lenge nchakulembe cha mlembi wazeru.

Sumu 80:18

Kwinu kuti tikatuwangako so cha; tisisipuskeni, ndipo tikatumbikanga imwe.

Nthanthi 3:6

Mu nthowa zako zose zomeranga iwo ndipo iwo ŵakanyoroskanga nthowa zako.

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Yesaya 59:1

Ehe, janja la Ambuya kuti lafupiskika cha, kuti litondeke kutaska, pamwenga gutu lawo kuti ndi zitu cha, kuti lingareka kuvwa;

Yeremiya 8:8

“Mungakamba uli, kuti, ‘Te ŵazeru ifwe, ndipo dangu la Ambuya le ndi ifwe’? Kweni ehe, peni yautesi ya ŵalembi yalemba utesi.

Mateyu 13:52

Ndipo wanguti kwaku wo, “Chifukwa chenichi mlembi yose yo wasambizgika vya ufumu wakuchanya ngwakukozgana ndi munthu mweninyumba, yo watuzga mu mbiku yake vifyandi vyakale.”

Mateyu 23:2

“Pa chitengo chaku Mosese ŵajapo ŵalembi ndi ŵaFarisi,

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

1 ŴaKorinte 1:20

We pani wazeru? We pani mlembi? We pani wasuskano wa mgonezi uno? Asi Chiuta wayipusiska zeru ya charu?

1 ŴaKorinte 15:1

Kweni ndimziŵiskiyani, mwa ŵabali, evangeli weniwo ndingumtauliyani, weniwo nawo munguronde, mwenimo so mumiya,

Marangu 28:1

“Ndipo asani mukavwiyanga mazu gha Ambuya Chiuta winu, mwa kuphwere kuchita marangu ghose gho nditumulanguliyani msana unu, Ambuya Chiuta winu wakamusoskaninga kuŵa pachanya pa mitundu yose yamu charu chapasi.

Marangu 4:5

Ndakusambizgani vyakulayizga ndi vyeruzgu nge ndimo Ambuya Chiuta wangu wandikambiya, kuti muchite viyo mu charo cho mutuyako kwachironda kuŵa chinu.