Ezra 5:8 - Tonga Bible 1986

⁸ Kuziŵike ku karonga kuti tinguruta ku charu chaku Yuda, ku nyumba yaku Chiuta Mkuru, yo yizengeka sono ndi mya yikuru ndi miti yiŵikika pa viliŵa. Nchitu yitenda mwa ruŵi, yilivi kulondeka kutuwa mu manja ghawo.

Ezra 5:8 ပူးပေါင်းရင်းမြစ်များ

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Danyele 4:2

Kwaŵa kwamampha kwaku ine kurongo visimikizgu ndi vyakuziziswa vyo Chiuta wapachanya limu wandichitiya.

Danyele 3:26

Viyo Nebukadanezara wangundere ku khomo la ng'anjo ya mlipu wa moto, wangudanirizga, “Shadreke, Mesheke, Abedenego, mwaŵateŵeti ŵaku Chiuta wapachanya ukongwa, tuwani ruŵi ndi muzi kuno!” Viyo Shadreke, Mesheke, ndi Abedenego ŵangutuwa mu moto.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Sumu 145:3

Mbakuru Ambuya, ndipo mbakwenere kurumbika ukongwa; ukuru wawo ngwambura kupenjeka.

Estere 1:22

wangutuma ŵakarata mu vigaŵa vyose vya ufumu wake, mu chigaŵa che chose mu karembedu kake, ndi ku ŵanthu ŵe wose mu mazu ghawo, kuti munthurumi we yose waŵenge murongozgi mu nyumba yake; ndipo kuti ichi chikambike kwakuyana ndi mazu gha ŵanthu ŵake.

Estere 1:1

Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).

Nehemiya 11:3

Yaŵa ndiwo ŵaraŵara ŵa vigaŵa ŵeniwo ŵajanga mu Yerusalemu; kweni mu mizi yaku Yuda munthu we yose wajanga pa malo mweneko, mu mizi yawo: Yisraele, ŵazukuru, ŵaLevi, ŵateŵeti ŵa kasopi, ndi ŵamphapu ya ŵateŵeti ŵaku Solomoni.

Nehemiya 7:6

Yaŵa ndiwo ŵenga ŵanthu ŵachigaŵa ŵeniwo ŵangutuwa mu kukoleka, ŵaku wo ŵenga mu umkoli, ŵeniwo Nebukadanezara karonga wa Babiloni wanguyole kuvyaru vinyake, ŵanguwere ku Yerusalemu ndi ku Yuda, we yose ku muzi wake.

Ezra 7:23

Chose cho chalangulika ndi Chiuta wa kuchanya chichitikiye nyumba yaku Chiuta wa kuchanya kwakufikapo, alinga ukari wake ureke kuza pa karonga ndi ŵana ŵake.

Ezra 6:10

mwakuti ŵabayiyenge chiuta wa kuchanya sembe zakukondweska, ndipo ŵarombiyenge umoyo wa karonga ndi ŵana ŵake.

Ezra 2:1

Yaŵa ndiwo ŵanthu ŵamu charu wo ŵanguruta kutuwa mu umkoli, ŵaku wo ŵanguyoreka ndi Nebukadanezara karonga waku Babiloni kuruta nawo ku Babiloni. Ŵanguwere ku Yerusalemu ndi Yuda, munthu yose ku muzi wake.

Marangu 32:31

Pakuti jarawe lawo kuti le nge ndi Jarawe lidu cha, chingana mbamawongo ŵidu, iwo ŵeneko mberuzgi paku ichi.

Marangu 10:17

Pakuti Ambuya Chiuta winu ndi Chiuta wakuruska ndi Ambuya mweneko waku vyose, mukuru, wanthazi, ndi Chiuta wakofya. Kuti walereska chisku cha munthu cha pamwenga kuronda vinda.

Ezra 5:7

ŵangutuma kalata, ŵangulemba kuti, “Ku karonga Dariusi chimangu chose.

Ezra 5:9

Ndipo tinguŵafumba ŵara ŵawo kuti, ‘Wamulanguliyani njani kuzenga nyumba iyi, ndi kumara viliŵa ivi?’

Ezra 6:4

ndi mizere yitatu ya mya yikuru ndi muzere umoza wa miti, ndipo ndrama zo zikhumbikwa zituwa ku thumba la ndrama za karonga.