Ezra 3:8 - Tonga Bible 1986

⁸ Mu chirimika cha chiŵi cha kuza kwawo ku nyumba yaku Chiuta ku Yerusalemu, mu mwezi wa chiŵi, Zerubabele mwana waku Sealatiele ndi Yeshua mwana waku Yozadaka, ndi ŵanyawo ŵanyake, ŵazukuru ndi ŵaLevi, ŵangwamba nchitu pamoza ndi wose wo ŵangutuwa ku uŵanda, kuza ku Yerusalemu. Wangumika ŵaLevi ŵa virimika kuruska machumi ghaŵi kuti ŵachiskenge nchitu ya nyumba ya Ambuya.

Ezra 3:8 ပူးပေါင်းရင်းမြစ်များ

1 Mikoka 23:4

Davidi wanguti, “Vikwi machumi ghaŵi ndi vinayi (24,000) ŵaku wo, Ŵakaŵanga ŵakuwona kendeskedu ka nchitu mu nyumba ya Ambuya, vikwi vinkhonde ndi chimoza (6,000) ŵakaŵanga ŵarongozgi ndi ŵeruzgi,

1 Mikoka 3:17

ŵana ŵaku Yekoniya yo wanguyoreka umkoli: Selatiyeli mwana wake,

Ezra 10:18

Ŵana ŵa ŵazukuru wo ŵangusanirika kuti ŵangujitole ŵanthukazi ŵa chilendo ndi yaŵa: Maseya, Eliezere, Yaribi ndi Gedaliya ŵana ŵaku Yeshua, mwana waku Yozadaka ndi ŵabali ŵake.

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

Ezra 3:2

Yeshua mwana waku Yozadaka wanguma ndi ŵazukuru ŵake ŵanyake, ndi Zerubabele mwana waku Sealatiele ndi ŵabali ŵake, kuzenga chiguŵa chaku Chiuta waku Yisraele; kuti wawochepo sembe zakocha mo kukulembeke mu dangu laku Mosese munthu waku Chiuta.

Ezra 4:24

Ndipo nyumba yaku Chiuta yo yenga mu Yerusalemu yingurekeka; ŵangureka mpaka chirimika cha chiŵi cha muwusu waku Dariusi karonga waku Perese.

Ezra 4:3

Kweni Zerubabele, Yeshua ndi ŵanyake ŵa ŵara ŵa mafuku ghaku Yisraele, ŵanguti, “Mulivi nafwe kanthu pakuŵazenge nyumba, Ambuya chiuta waku Yisraele. Ifwe tija timuzengiyenge nyumba nge ndimo Sirusi karonga waku Perese wakutilanguliya.”

Ezra 5:16

Ndipo Shesebazara wanguza ndi kuŵika chiŵanja cha nyumba yaku Chiuta yo yemu Yerusalemu, kutuwa pa nyengo yiya kufika kunu ku sono yeche kuzengeka, ndipo yindamare.’

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Zekariya 4:9

“Manja ghaku Zerubabele ghazenga chiŵanja cha nyumba iyi; manja ghake ndigho ghamumatizga so.” Ndipo uziŵenge kuti Ambuya ŵa maŵanja andituma kwaku imwe.

Zekariya 6:12

ukambe nayo kuti, ‘Viyo atiti Ambuya ŵa maŵanja, “Wona, munthu yo zina lake ndi Mphanda; chifukwa wakakuwanga mu malo ghake, ndipo wakazenganga kasopi wa Ambuya.

Maŵerengedu 4:3

kutuwa pa ŵa virimika machumi ghatatu mpaka ŵavirimika machumi ghankhonde, wose wo ŵangaziŵa kuteŵeta mu hema lakuwunganamo.”