Ezra 2:1 - Tonga Bible 1986

¹ Yaŵa ndiwo ŵanthu ŵamu charu wo ŵanguruta kutuwa mu umkoli, ŵaku wo ŵanguyoreka ndi Nebukadanezara karonga waku Babiloni kuruta nawo ku Babiloni. Ŵanguwere ku Yerusalemu ndi Yuda, munthu yose ku muzi wake.

Ezra 2:1 ပူးပေါင်းရင်းမြစ်များ

2 ŴaKaronga 25:11

Ndipo ŵanthu wose wo ŵangusiyika mu msumba wo ndi wakuthaŵa, wo ŵanguthaŵa ku karonga wa Babiloni, pamoza ndi mzinda wose wakujapo, Nebuzaradani, nduna ya ŵalonda ŵakaronga wanguŵatole ku umkoli.

1 Mikoka 9:1

Viyo ŵaYisraele ŵangulembeka mu kaŵiro kawo, ndipo ŵakulembeka mu Buku la ŵaKaronga ŵaku Yisraele. Ndipo Yuda wanguyoreke ku umkoli mu Babiloni chifukwa chakuwura kugomezgeka kwawo.

1 Mikoka 9:2

Ndipo wakudanga kuja so mu vihara vyawo vya misumba yawo ŵenga ŵaYisraele, ŵazukuru, ŵaLevi, ndi ŵateŵeti ŵa kasopi.

Ezra 1:11

Viyaŵi vyose vya golide ndi vya silivi vyenga, vikwi vinkhonde, ndi machumi pe chumi ghanayi, ndi machumi ghankhonde ndi limoza, pachanya vinkhonde ndi vinayi (5,469). Vyose ivi Shesebazara wanguto ndi kuruta navyo pamoza ndi ŵamikoli ku Yerusalemu kutuwa ku Babiloni.

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

Ezra 2:70

Ŵazukuru ndi ŵaLevi ndi ŵanthu ŵanyake ŵajanga mu Yerusalemu. Ŵakumba ndi ŵalinda malikomo, ndi ŵateŵeti mu kasopi, ŵajanga mu mizi yawo ndi ŵaYisraele wose mu mizi yawo.

Ezra 5:8

Kuziŵike ku karonga kuti tinguruta ku charu chaku Yuda, ku nyumba yaku Chiuta Mkuru, yo yizengeka sono ndi mya yikuru ndi miti yiŵikika pa viliŵa. Nchitu yitenda mwa ruŵi, yilivi kulondeka kutuwa mu manja ghawo.

Ezra 6:2

Ndipo mu Ekebatana wo ndi msumba ukuru mu chigaŵa cha charu cha Media, mungusanirika kalata wa mazu yagha ghakuti, “Chikumbusku.

Ezra 8:35

Ndipo pa nyengo yiya wo ŵanguweko ku umkoli, ŵangupereka sembe zakocha kwaku Chiuta waku Yisraele, ng'ombe chumi ndi ziŵi kwaku Yisraele yose, mberere machumi ghankhonde ndi ghanayi pachanya zinkhonde ndi yimoza (96), ŵana ŵa mberere machumi ghankhonde ndi ghaŵi pachanya ŵankhonde ndi ŵaŵi (77) ndi mbuzi chumi pachanya ziŵi kuŵa sembe yapa uheni. Zose zo zenga sembe zakocha kwaku Chiuta.

Nehemiya 12:1

Yaŵa ndiwo ŵazukuru ndi ŵaLevi ŵeniwo ŵanguza ndi Zerubabele mwana waku Shelatieli, ndi Yeshua: Seraya, Yeremiya, Ezra,

Estere 1:1

Mu mazuŵa ghaku Ahaswerusi, uyu ndi Ahaswerusi yo wausanga kutuwa ku India kwachifika ku Etiopia, pa vyaru machumi pe chumi pachanya machumi ghaŵi ndi vinkhonde ndi viŵi (127).

Estere 1:11

kuti ŵazi nayo Vashite fumukazi paurongo pa karonga, ndi mphumphu ya ufumu pa mutu, kurongo kutowa kwake ku ŵanthu ndi mafumu, chifukwa wenga wakutowa pakumlereska.

Estere 1:3

mu chirimika cha chitatu cha muwusu wake, wanguchitiya mafumu ghake ghose ndi ŵateŵeti ŵake dghera, ndi ŵara ŵa nkhondo za ŵaPerese ndi ŵaAmedia, zinkhankhu ndi mafumu gha vyaru ŵenga pa maso pake;

Estere 1:8

Kumwa kwenga nge ndi dangu, pengavi kuchichizga; chifukwa ndimo wangulanguliya ŵara wose ŵa nyumba yake kuti munthu yose wachitenge nge ndimo wangukhumbiya.

Estere 8:9

Ŵalembi ŵa karonga ŵangudanika nyengo yeniyiya mu mwezi wa chitatu, ndiwo mwezi Sivani, pa zuŵa la machumi ghaŵi ndi ghatatu; ndipo kungulembeka kwakulingana ndi vyose mo Mordikayi wangulanguliya pa ŵaYuda, ku ŵachirongozgi ndi ŵara ndi ŵeruzgi ŵara ŵa vigaŵa vya vyaru kwamba ku India kwachifika ku Etiopia, machumi pe chumi ndi machumi ghaŵi pachanya vinkhonde ndi viŵi (127) charu che chose mu kalembedu kake, ku ŵanthu wose kwakulingana ndi mazu ghawo, ndiku ŵaYuda mu kalembedu kawo ndi mazu ghawo.

Yesaya 48:20

Tuwanimo mu Babiloni, thaŵaniko ku Kaldiya, taulani ichi ndi kubongo kwa likondwa, uchimemeze, ichitume chirute ku chigoti cha charu chapasi; unene, “Ambuya apozomoska muŵanda wawo Yakobe!”

Yeremiya 50:19

Ndikamuwezgiyanga Yisraele ku uliska wake, ndipo wakarghanga pa Karmele ndi mu Bashani, ndipo linweka lake likagutiskikanga pa mapiri ghaku Efraimu ndi mu Gileada.

Chitenje 1:3

Yuda waruta mu umkoli chifukwa cha kusunjizgika, ndi nchitu zizitu, sono waja mukati mu mitundu kweni kuti wasaniya malo gha chipumulu cha; kweni ŵakumundondoloska ŵake wose ŵamusaniya mu suzgu yake.

Chitenje 1:5

Ŵakupindikana ŵake ŵasanduka ŵarongozgi, ŵarwani ŵake ŵasakata, chifukwa Ambuya atumukomweska pa unandi wa mautimbanizi ghake; ŵana ŵake ŵakuruta, mbaŵanda paurongo pa ŵakupindikana ŵawo.

Chitenje 4:22

Kulanga kwa utimbanizi winu kwafiskika, mwa ŵanthu ŵa Zioni, kuti wakakusunganinga so muuŵanda cha; kweni wakalanganga mwa ŵanthu ŵaku Edomu chifukwa cha utimbanizi winu, wakavumbuwanga mauheni ghinu.

Zefaniya 2:7

ŴaYuda ŵakujako ŵaŵenge ndi charu cha mumphepete mu nyanja, kweniko ŵaliskenge vyakuŵeta vyawo, ndipo mu nyumba za Ashikeloni ŵagonenge ndi mazulo. Chifukwa Ambuya Chiuta wawo waŵakumbukenge, ndi kuwezga umampha wawo.

Machitidu gha Ŵakutumika 23:34

Ndipo wanguti waŵerenga karata yo, ndi wati wafumba kuti wenga wa charu ninchi;