Ezra 10:3 - Tonga Bible 1986

³ Viyo sono tiyeni tichite phanganu ndi Chiuta widu, kureka ŵanthukazi wose ndi wo ŵapapika mwawo, kulingana ndi fundu ya mbuya wangu, ndi yaku wose wo ŵatenthema pa dangu laku Chiuta widu, ndipo tichite kuyana ndi dangu.

Ezra 10:3 ပူးပေါင်းရင်းမြစ်များ

2 ŴaKaronga 11:17

Ndipo Yehoyada wanguchita phanganu pakati pa Ambuya ndi karonga ndi ŵanthu, ŵakaŵanga ŵanthu ŵa Ambuya, ndipo ndi pakati pa karonga ndi ŵanthu.

2 Mikoka 29:10

Sono ichi che mu mtima wangu kuchita phanganu ndi Ambuya, Chiuta, waku Yisraele, kuti ukari wake wakofya utuwepo paku ifwe.

2 Mikoka 30:12

Janja laku Chiuta lenga so paku Yuda kuŵapaska mtima umoza kuchita cho karonga ndi mafumu ghangulangula mu mazu gha Ambuya.

2 Mikoka 34:21

“Rutani mukandifumbiye ku Ambuya ine ndi ŵanthu wose wo ŵajako mwaku Yisraele ndi mwaku Yuda ndi mazu gha mu buku ili lasanirika, chifukwa nkhakuru kandundu ka Ambuya ko kapunguliya paku ifwe chifukwa ambuyafwe ŵengavi kusunga mazu gha Ambuya, kuchita kwakulingana ndi vyose vyo vingulembe ka mu buku ili.”

2 Mikoka 34:27

chifukwa mtima wako ngwakoloŵa ndipo wajipepuwa paurongo paku Chiuta unguti wavwa mazu kususka malo yagha ndi ŵanthu ŵake, ndipo sono wa jipepuwa paurongo pangu ndi kuparuwa vyakuvwara vyake ndi kutenje paurongo pangu, ine nane ndakuvwa, atiti Ambuya.

Ezra 10:11

Zomerani sono ku Ambuya Chiuta wa ŵambuyafwe, ndipo muchite chakumkondweska; mujigawuwe ku ŵeneko charu ndi ku ŵanthukazi ŵachilendo.”

Ezra 10:44

Yaŵa wose ndiwo ŵanguto ŵanthukazi ŵa Chilendo, ndipo ŵanguŵareka pamoza ndi ŵana ŵawo.

Ezra 10:9

Ndipo wose ŵaku Yuda ndi ŵaku Benjamini ŵanguwungana ku Yerusalemu mu mazuŵa ghatatu; wenga mwezi wa chinkhonde ndi chinayi, zuŵa la machumi ghaŵi la mwezi. Ŵanthu wose ŵanguja pasi mu bwalo paurongo pa nyumba yaku Chiuta ŵakumbwambwantha chifukwa cha mlando wo, ndi chifukwa cha vuwa yikuru.

Ezra 9:4

Ndipo wose wo ŵangopa mazu ghaku Chiuta waku Yisraele chifukwa cha kunanga kwaku wo ŵanguwe ku umkoli ŵanguwungana kwaku ine po ndinguja pasi wambura nthazi mpaka pa sembe ya mazulo.

Nehemiya 10:1

Ŵeniwo ŵanguŵikapo chizighiriyo chawo ndi Nehemiya mweruzgi mura, mwana munthurumi waku Hakaliya, Zedekiya,

Nehemiya 8:14

Ndipo ŵangusaniya kuti ghakulembeka mu dangu lenilo Ambuya angulanguliya mwaku Mosese kuti ŵaYisraele ŵajenge mu misasa pa nyengo ya dghera la mwezi wa chinkhonde ndi chiŵi,

Nehemiya 9:38

Chifukwa chaku ivi vyose tichita phanganu lakukho ndi kulilemba ndi ŵanangwa ŵidu, ŵaLevi ŵidu ndi ŵazukuru ŵidu, tiŵikapo chizighiriyo paku lo.

Sumu 119:120

Chifukwa chaku imwe, ndichita mantha, ndazazika ndi chitenthe chifukwa cha vyeruzgu vinu.

Sumu 119:59

Po ndighanaghana ndi nthowa zinu, ndiwezge marundi ghangu ku visimisimi vinu.

Yesaya 66:2

Ivi vinthu vyose janja langu lavichita, viyo vinthu ivi vyose vyangu, atiti Ambuya. Kweni uyu ndiyo munthu kwaku yo ndikalereskanga, mweniyo ngwakujiyuyuwa ndi wakujisuska mu mzimu, yo watenthema pa mazu ghangu.

Yesaya 8:20

Kukusambizga ndi ku ukaboni! Kwakuneneska pa mazu yagha ŵakamba kulivi kucha.

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Marangu 29:12

alinga kuti musere mu phanganu lakurapika ndi Ambuya Chiuta winu, lenilo Ambuya Chiuta winu wapangana namwe msana wale,

Yoswa 9:6

Ndipo ŵanguruta kwaku Yoswa mu ugoŵi pa Gilgala ŵangunena ndi iyo ndi ŵaYisraele wose, “Tatuliya ku charu cha kutali; viyo sono mpangane nafwe phanganu.”