Ezra 1:8 - Tonga Bible 1986

⁸ Ivi ndi vyo Sirusi karonga waku Perese wangutuzga mu janja laku Mitiredata mura wakusunga chuma; ndipo iyo wanguviŵerenge kwaku Shesbazara mumirizi waku Yuda.

Ezra 1:8 ပူးပေါင်းရင်းမြစ်များ

Ezra 5:14

Ndipo viyaŵi navyo vya golide ndi siliva vyamu nyumba yaku Chiuta, vyo Nebukadanezara wanguto, kuvituzga mukasopi yo wenga mu Yerusalemu, wanguviŵika mu nyumba ya ŵachiuta ŵaku babiloni. Kweni Sirusi karonga waku Babiloni wanguvituzga mu nyumba ya ŵachiuta mu Babiloni, ndipo wanguvipereka ku munthu zina lake Shesebazara, yo wangumuŵika kuŵa mumirizi.

Hagayi 1:14

Ndipo Ambuya anguyuska mzimu waku Zerubabele mwana waku Shealtiele, nduna yikuru ya charu cha Yuda, ndi mzimu waku Yoswa mwana waku Yehozadaki mzukuru mura ndi mzimu wa ŵanthu wose ŵakujaliya vuli; ndipo ŵanguza ndi ŵangutakataka pa nyumba ya Ambuya ŵa maŵanja,

Hagayi 1:1

Mu chirimika cha chiŵi cha karonga Dariusi, mu mwezi wa chinkhonde ndi chimoza pa zuŵa la chimoza la mwezi, mazu gha Ambuya ghanguza kwaku Hagayi mchimi kwaku Zerubabele mwana waku Shealtiele, nduna yikuru ya charu cha Yuda; ndi kwaku Yoswa mwana waku Yehozadaka, mzukuru mura, kuti,

Ezra 5:16

Ndipo Shesebazara wanguza ndi kuŵika chiŵanja cha nyumba yaku Chiuta yo yemu Yerusalemu, kutuwa pa nyengo yiya kufika kunu ku sono yeche kuzengeka, ndipo yindamare.’

Ezra 1:11

Viyaŵi vyose vya golide ndi vya silivi vyenga, vikwi vinkhonde, ndi machumi pe chumi ghanayi, ndi machumi ghankhonde ndi limoza, pachanya vinkhonde ndi vinayi (5,469). Vyose ivi Shesebazara wanguto ndi kuruta navyo pamoza ndi ŵamikoli ku Yerusalemu kutuwa ku Babiloni.

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Ezra 2:2

Ŵanguza pamoza ndi Zerubabele, Yoshua, Nehemiya, Seraya, Reelaya, Mordekayi, Bilisani, Misipara, Bigivayi, Rehumu, ndi Bana.

Ezra 5:2

Ndipo Zerubabele mwana waku Sealatiele ndi Yeshua mwana waku Yozadaka ŵangusoka, ŵangwamba kuzenga nyumba yaku Chiuta mu Yerusalemu; ndi ŵamchimi ŵaku Chiuta ŵenga pamoza nawo kuŵawovya.