Ezra 1:7 - Tonga Bible 1986

⁷ Sirusi karonga yo, nayo wanguwezga viyaŵi vya nyumba ya Ambuya vyo Nebukadanezara wanguza navyo kutuwa ku Yerusalemu ndi wanguviŵika mu nyumba ya ŵachiuta ŵake.

Ezra 1:7 ပူးပေါင်းရင်းမြစ်များ

2 ŴaKaronga 24:13

ndipo wangunyamuwa vyamu mbiku ya nyumba ya Ambuya, ndi vyamu mbiku ya nyumba ya karonga, wangudumuwa tumana-tumana viyaŵi vyose vya golide mu kasopi wa Ambuya vyo karonga Solomoni wangupanga uli ndimo Ambuya angumupangizgiya pakudanga.

2 Mikoka 36:10

Mu nyengo ya chifuku Nebukadanezara wangutuma ŵanthu kuza nayo ku Babiloni pamoza ndi viyaŵi vya nyumba yaku Chiuta, wangumika Zedekiya mbali wake kuŵa karonga mu Yuda ndi mu Yerusalemu.

2 Mikoka 36:18

Ndipo ndi viyaŵi vyose vya nyumba yaku Chiuta vikuru ndi vimana ndi uromba wamu nyumba ya Ambuya, ndi uromba wa karonga ndi ŵakaronga ŵake, vyose wanguza navyo ku Babiloni.

2 Mikoka 36:7

Nebukadanezara wanguto viyaŵi vyamu nyumba yaku Chiuta kuruta navyo ku Babiloni, wanguviŵika mu kasopi wake ku Babiloni.

Ezra 5:14

Ndipo viyaŵi navyo vya golide ndi siliva vyamu nyumba yaku Chiuta, vyo Nebukadanezara wanguto, kuvituzga mukasopi yo wenga mu Yerusalemu, wanguviŵika mu nyumba ya ŵachiuta ŵaku babiloni. Kweni Sirusi karonga waku Babiloni wanguvituzga mu nyumba ya ŵachiuta mu Babiloni, ndipo wanguvipereka ku munthu zina lake Shesebazara, yo wangumuŵika kuŵa mumirizi.

Ezra 6:5

Ndipo viyaŵi vya golide ndi vya siliva vya mu nyumba yaku Chiuta vyo Nebukadanezara wanguto mu kasopi yo wenga mu Yerusalemu kuza navyo ku Babiloni viwezgeke so ku kasopi yo weku Yerusalemu, chose mu malo ghake. Muviŵike mu nyumba yaku Chiuta.”

Yeremiya 51:44

Ndipo ndikalanganga Belo mu Babiloni, ndi kutuzgamo mu mlomo wake cho wakumeza. Mitundu kuti yikazanga kwaku iyo cha; linga la Babiloni lawa.

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.