Ezra 1:3 - Tonga Bible 1986

³ Munthu wako yose yo we mukati mwinu Chiuta wake waŵe nayo, wakwere ku Yerusalemu kwachizenga so nyumba ya Ambuya Chiuta waku Yisraele yo ndi Chiuta waja mu Yerusalemu;

Ezra 1:3 ပူးပေါင်းရင်းမြစ်များ

1 ŴaKaronga 18:39

Ndipo penipo ŵanthu wose ŵanguwona ichi, ŵanguwa kavunama pa visku vyawo, ndipo ŵatinge, “Ambuya ndiwo Chiuta, Ambuya ndiwo Chiuta.”

1 ŴaKaronga 8:23

ndi wanguti, “Ambuya mwe, Chiuta waku Yisraele, kulivi Chiuta wakukozgana ndi imwe, kuchanya ko pamwenga pasi pa charu wakusunga phanganu ndi kurongo chifundu ku ŵaŵanda ŵinu wo ŵatenda paurongo pinu ndi mtima wawu wose,

1 Mikoka 28:20

Ndipo Davidi wanguti kwaku Solomoni mwana wake. “Uŵe wanthazi ndi ukhwimi, ndi uyichiti, ungopanga chingana nkhutenthema cha chifukwa Ambuya Chiuta yo ndi Chiuta wangu we namwe. Kuti wakujowonge chingana nkhukusiya cha mpaka penipo mlimu wa nyumba yaku Chiuta wamara.

Ezra 1:4

we yose yo wajako, ŵazengezgani ŵake ŵamovye pakumupaska siliva ndi golide, ndi vyuma ndi vyakuŵeta, pamoza ndi vyawanangwa vyakupereka ku nyumba yaku Chiuta yo yemu Yerusalemu.”

Ezra 4:3

Kweni Zerubabele, Yeshua ndi ŵanyake ŵa ŵara ŵa mafuku ghaku Yisraele, ŵanguti, “Mulivi nafwe kanthu pakuŵazenge nyumba, Ambuya chiuta waku Yisraele. Ifwe tija timuzengiyenge nyumba nge ndimo Sirusi karonga waku Perese wakutilanguliya.”

Ezra 5:13

Ndipuuli mu chirimika chakudanga chaku Sirusi karonga waku Babiloni, uyo Sirusi wanguchita dangu kuti nyumba yaku Chiuta yizengeke so.

Ezra 5:3

Pa nyengo yo kunguŵaziya tatenayi mumirizi wa chigaŵa cha sirgha la msinji, ndi Setarabozenayi ndi ŵanyawo. Wangukamba kuti, “Kumbi ndiyani yo wamulanguliyani kuzenga nyumba iyi ndi kumara chiliŵa ichi?”

Ezra 6:7

nchitu ya nyumba yaku Chiuta muyireke yendenge. Mumureke mumirizi wa ŵaYuda ndiŵarongozgi ŵara ŵa ŵaYuda ŵazengenge nyumba iyi yaku Chiuta pa malo ghake.

Sumu 132:13

Ambuya asankha Zioni; akhumba kumanga uja wawo penipa;

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Yesaya 37:16

“Ambuya mwe, ŵa maŵanja, Chiuta waku Yisraele; imwe mwakuja pa chitengo cha ukaronga pa chanya pa ŵaKerubi, ndimwe Chiuta, imwe pe mwija, ŵa maufumu ghose gha charu chapasi.

Yesaya 44:28

mweniyo watiti gha paku Sirusi. ‘Ndi mliska wangu, ndipo wakafiskanga chose cho ndikhumba’; watiti gha paku Yerusalemu, ‘Wakazengekanga,’ ndi gha nyumba yakupaturika, ‘Chiŵanji chako chikamikikanga.’ ”

Yesaya 45:5

Ndine Ambuya, ndipo kulivi munyake so, pade paku ine palivi Chiuta; nditukumanga mu chiunu, chingana iwe ureka kundiziŵa,

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Danyele 2:47

Karonga wanguti kwaku Danyele, “Kwakuneneska Chiuta wako ndi Chiuta wa ŵachiuta, ndi karonga wa ŵakaronga, muwuvumbuzi wa vya muchindindi, chifukwa iwe wavumbuwa cha muchindindi ichi.”

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Machitidu gha Ŵakutumika 10:36

Uziŵa mazu gho wangutumiya ŵana ŵaku Yisraele ghakugozge chimangu mwaku Yesu Kristu (ndiyo Mbuya waku wose),

Marangu 32:31

Pakuti jarawe lawo kuti le nge ndi Jarawe lidu cha, chingana mbamawongo ŵidu, iwo ŵeneko mberuzgi paku ichi.

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”