Ezra 1:2 - Tonga Bible 1986

² “Viyo wanguti, Ine Sirusi karonga waku Perese ndititi, Maufumu ghose ghamu charu chapasi Ambuya Chiuta wa kuchanya wakundipaska. Sono wandinene kuti ndimuzenge nyumba mu Yerusalemu waku Yuda.

Ezra 1:2 ပူးပေါင်းရင်းမြစ်များ

1 ŴaKaronga 8:27

“Kweni kumbi nadi Chiuta wakajanga pa charu chapasi? Ehe, kuchanya weniukongwa kuti kuziŵa kumuyanani imwe cha, na uli ukongwako ndi umana wa nyumba iyi yo ndazenga!

2 Mikoka 2:12

Hiramu wanguti so, “Atumbikike Ambuya Chiuta waku Yisraele, yo wakurenga kuchanya ndi pasi, yo wapaska karonga Davidi mwana wazero, wakuzazika vinjero ndi zero, mweniyo wakazengiyanga Ambuya kasopi, ndi wakazenganga nyumba yake ya ufumu.

Ezra 1:5

Ndipo ŵangusoka ŵaraŵara ŵa mafuku gha ŵaYuda, ndi ŵaBenjamini, ndi ŵazukuru ndi ŵaLevi, ndi wose wo ŵangurongozgeka ndi Chiuta kuruta kwachizenga so nyumba yaku Chiuta mu Yerusalemu.

Ezra 3:7

Viyo ŵangupereka ndrama ku ŵakusema mya, ndi ku ŵakuŵaja miti, ndi so vyakurgha ndi vyakumwa, ndi mafuta ku ŵaSidoni ndi ŵaTuro, kuti ŵazenge ndi miti ya milanji kutuwa ku Lebanoni kuzachidula ku nyanja ku Yopa, kuyana ndi vyo Sirusi waku Perese wanguŵapaska.

Ezra 4:3

Kweni Zerubabele, Yeshua ndi ŵanyake ŵa ŵara ŵa mafuku ghaku Yisraele, ŵanguti, “Mulivi nafwe kanthu pakuŵazenge nyumba, Ambuya chiuta waku Yisraele. Ifwe tija timuzengiyenge nyumba nge ndimo Sirusi karonga waku Perese wakutilanguliya.”

Ezra 5:15

Wanguti kwaku iyo, To viyaŵi ivi, rutanga, upinge, ukaviŵike mu kasopi yo wemu Yerusalemu; ndipo nyumba yaku Chiuta yizengeke so mu malo ghake.

Ezra 6:10

mwakuti ŵabayiyenge chiuta wa kuchanya sembe zakukondweska, ndipo ŵarombiyenge umoyo wa karonga ndi ŵana ŵake.

Ezra 6:3

Mu chirimika chakudanga cha karonga Sirusi, karonga yo wangulangula kuti, nyumba yaku Chiuta ku Yerusalemu yizengeke so pa malo ghawo ŵapereke sembe, ndi kochapo sembe. Vikho ukongwa viŵanja vyake pakuzenga; msinkhu wake mikono, machumi ghankhonde ndi limoza (60); usani wake mikono, machumi ghankhonde ndi limoza (60),

Ezra 7:12

“Arataserese karonga wa ŵakaronga, kwaku Ezra mzukuru, mlembi wa dangu laku Chiuta wa kuchanya.

Nehemiya 1:4

Ndinguti ndavwa mazu yagha ndinguja ndi ndinguliya, ndipo ndingutenje mazuŵa ghanandi; ndipo ndingulutiriya kufunga ndi kuromba paurongo paku Chiuta wa kuchanya.

Nehemiya 1:5

Ndipo ndinguti, “Ambuya Chiuta wa kuchanya, Chiuta mukuru ndi wakofya mweniyo wasunga phanganu ndi chanju chizirima ndi wo ŵatumwanja ndi kusunga marangu ghake;

Sumu 136:26

Wongani Chiuta wakuchanya; chifukwa nchamuyaya chifundu chake.

Sumu 85:2

Mungureke kulakwa kwa khamu linu; mungugowoke kubende kwawo kose.

Nthanthi 21:1

Mtima wa karonga nkhamsinji ka maji mu janja la Ambuya; ŵatiurongozge kose kweniko ŵakhumba.

Yesaya 41:2

Njani wanguyuska munyake kutuwa ku vuma mweniyo kupunda kukumana nayo pa mchapu wose? Wapereka mitundu paurongo pake, viyo kuti waphwata akaronga ndi rundi lake; wati ŵachita nge ndi fuvu ndi lipanga lake, uli ndi mbuwa yakuputiskika ndi uta wake.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yesaya 44:28

mweniyo watiti gha paku Sirusi. ‘Ndi mliska wangu, ndipo wakafiskanga chose cho ndikhumba’; watiti gha paku Yerusalemu, ‘Wakazengekanga,’ ndi gha nyumba yakupaturika, ‘Chiŵanji chako chikamikikanga.’ ”

Yesaya 45:1

Viyo atiti Ambuya ku wakupakika wawo, kwaku Surusi, yo ndakhomeska janja lake la marghe kuthereska mitundu paurongo pake ndi kufwatuwa viunu vya ŵakaronga, kujura makhomo paurongo pake kuti vipata vireke kujarika:

Yesaya 66:1

Viyo atiti Ambuya: “Kuchanya nchitengo changu charu chapasi ndi mpando wa marwayo ghangu; ndi nyumba uli yo mungandizenge ine, ndipo ndi malo uli gha chipumulu changu?

Yeremiya 10:11

Viyo ndimu ukambiye kwaku wo: “Ŵachiuta ŵeniwo ŵengavi kulenga machanya ndi charu chapasi ŵakamaranga mu charu chapasi ndi kusi ku mitambo.”

Yeremiya 27:5

“Ndine mweniyo ndi nthazi zangu zikuru ndi janja langu lakutambaruka ndikulenga charu chapasi, pamoza ndi ŵanthu ndi vinyama vyo vye mwenimo, ndipo nditichipaska kwaku yose yo ndikhumba.

Yeremiya 29:10

“Pakuti Ambuya atiti: Penipo virimika machumi ghankhonde ndi ghaŵi (70) vya Babiloni vitakuti vyamara, ine ndikachezganga namwe, ndipo ndikafiskanga kwaku imwe phanganu langu ndi kukuwezgiyani ku malo yagha.

Danyele 1:21

Ndipo Danyele wangurutiriya mpaka mu chirimika chakudanga cha karonga Sirusi.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 2:28

Kweni waliko Chiuta kuchanya yo wavumbuwa vyamuchibisibisi, ndiyo waziŵiska Karonga Nebukadanezara cho chiŵengeko mu mazuŵa ghakunthazi. Loto ndi chiwona cha mutu winu muchigona mu chita, ndi ivi:

Danyele 4:25

kuti mukadikiskikanga kutuwa ku ŵanthu, ndi mukajanga ndi nyama zamu dondo; mukarghanga nge ndi ng'ombe ndi mukazumbwanga ndi dungwi la kuchanya, mpaka nyengo zinkhonde ndi ziŵi zimujumpheni, ndi mpaka muziŵi kuti Wapachanya Limu ndiyo wausa pa ufumu wa ŵanthu, ndi kuwupaska kwaku yose yo Iyo wakhumba.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 6:25

Ndipo karonga Dariusi wangulemba ku ŵanthu wose, mitundu ya ŵanthu, ndi makambidu, ŵakuja mu charu chose: “Chimangu chandaniskike kwaku imwe.

Yona 1:9

Ndipo wanguti kwaku iwo, “Ndine mu Hebere ndipo nditopa Ambuya, Chiuta wa kuchanya, yo wakwata nyanja ndi mtunda.”