Danyele 9:18 - Tonga Bible 1986

¹⁸ A Chiuta, wangu, tegherezgani gutu linu ndi muvwi; jurani maso ghinu ndi muwoni kupasuka kwidu, ndi msumba wo udanika ndi zina linu; pakuti tipereka kuŵeyere kwidu paurongo pinu chifukwa cha urunji widu cha, kweni chifukwa cha lisungu linu likuru.

Danyele 9:18 ပူးပေါင်းရင်းမြစ်များ

1 ŴaKaronga 8:29

kuti maso ghinu ghaŵe ghakujurika usiku ndi msana pa nyumba iyi, malo ghenigho imwe mwaghakamba kuti, ‘Zina langu likajanga mwenimo,’ alinga mutegherezgenge ku rombu lenilo wapereka muŵanda winu pa malo agha.

2 ŴaKaronga 19:16

Tegherezgani gutu linu Ambuya, ndipo vwani, jurani maso ghinu Ambuya ndi onani, avwani mazu ghaku Senakeribu, gho watuma kunyoza Chiuta wamoya.

Sumu 116:1

Nditanja Ambuya, chifukwa atindivwa; ategherezga ku kuromba kwangu.

Sumu 25:6

Kumbukani, Ambuya, vya lisungu linu, ndi vya chanju chinu chikuru, chifukwa vyaŵa vyakutuliya ku mwaka.

Chituwa 3:7

Sono Ambuya anguti, “Ndawona suzgu ya ŵanthu ŵangu ŵeniwo ŵemu Egipiti, ndipo ndavwa nkhuta yawo chifukwa cha nduna za nchitu.

Yesaya 37:17

Tegherezgani gutu linu, Ambuya, ndipo vwani; jurani maso ghino Ambuya mwe, ndi wonani; ndipo vwani mazu ghose ghaku Senakeribu, gho watuma ghakuyeya Chiuta wamoyo.

Yesaya 43:7

we yose wakudanika ndi zina langu, mweniyo ndingulenge ku unkhankhu wangu, yo ndinguumba ndi ndinguchita.”

Yesaya 64:12

Kumbi nadi mukalereskangapo waka pa vinthu ivi Ambuya? Kumbi mukachetamanga waka ndi kutisuzga weniukongwa?

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.

Yeremiya 14:9

Chifukwa chine imwe mukozganenge ndi munthu yo watimbanizgika, nge ndi munthu wanthazi yo watondeka kutaska? Kweni imwe, Ambuya, mwe mukati mwidu, ndipo ifwe tidanika ndi zina linu; rekani kutisiya.”

Yeremiya 15:16

Mazu ghinu ghangusanirika ndipo ndingughargha; mazu ghinu ghangundiŵiya likondwa ndi kuyereyeta mu mtima wangu; pakuti ndadanika ndi zina linu, Ambuya mwe, Chiuta wa maŵanja.

Yeremiya 25:29

Chifukwa ehe, nditamba kuchita chiheni pa msumba weniwo udanika ndi zina langu, ndipo kumbi mukarutanga ŵambura kulangika? Mukalangikanga mbwenu, pakuti ndikadananga lipanga paku wose ŵakuja pa charu chapasi, atiti Ambuya ŵa maŵanja?’

Yeremiya 36:7

Vinu Ambuya akavwanga kuŵeyere kwawo, ndi kuti we yose wakang'anamukangako ku nthowa yake yiheni, pakuti nkhukuru kukwiya ndi kukara ko Ambuya akambiya pa ŵanthu wawo.”

Yeremiya 37:20

Sono yivwa ndi kurombe, O! Mbuya wangu karonga: zomerani kuti kuŵeyere kwangu kufike paurongo pinu, ndipo rekani kundiwezge so kunyumba yaku Jonafani mlembe, vinu ndingachifwiya kweniko.”

Ezekiele 36:22

“Chifukwa cho kamba ku nyumba yaku Yisraele, Viyo atiti Ambuya Chiuta: kuti ndichita ichi pa chifukwa chaku imwe cha, mwa nyumba yaku Yisraele, kweni pa chifukwa cha zina langu lituŵa, lo imwe mwakazuzga mukati mu mitundu mo munguya.

Ezekiele 36:32

Kuti ndikachitanga ichi chifukwa chinu cha, atiti Ambuya Chiuta, ichi chiziŵikwe kwaku imwe. Muŵe ŵa soni ndi ŵachitima chifukwa cha nthowa zinu, imwe nyumba yaku Yisraele.

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.

Maŵerengedu 6:27

“Viyo ŵakaŵikanga zina langu pa ŵaYisraele, ndipo ndikaŵatumbikanga.”

1 ŴaKorinte 1:2

ku mpingu waku Chiuta wamu Korinte, ku ŵakupaturika mwaku Kristu Yesu, wakudanikiya kuŵa wakupaturuka, pamoza ndi wose mu malo ghose wo ŵadana pa zina laku Yesu Kristu Mbuyafwe, tose pamoza Mbuya wawo ndi widu.