Danyele 9:16 - Tonga Bible 1986

¹⁶ Ambuya kwakulingana ndi nchitu zinu za urunji, zomerani kuti ukari winu ndi kandundu kinu vituwepo pa msumba winu Yerusalemu, phiri linu lakupaturika; chifukwa cha maulakwi ghidu ndi uchikana marangu wa auskefwe, Yerusalemu ndi ŵanthu ŵinu ŵaŵa chitozeru kwaku wose ŵakutizingirizga.

Danyele 9:16 ပူးပေါင်းရင်းမြစ်များ

Nehemiya 9:8

ndipo mungusaniya kuti wenga wa mtima wamagomekezgeka paurongo pinu, ndipo munguchita nayo phanganu pakupaska mphapu yake charu cha ŵaKanani, ŵaHiti, ŵaAmoni, ŵaPerezi, ŵaYebusi ndi ŵaGirgashi. Ndipo mukufiska phanganu linu pakuti mwe ŵarunji.

Sumu 143:1

Ambuya, vwani kuromba kwangu, tegherezgani ku kuŵeyere kwangu! Mu ukongorekwa ndi urunji winu mundamuke!

Sumu 31:1

Mwaku imwe Ambuya ndidingang'a; ndireke kurengeskeka muyaya; mu urunji winu ndipozomoskeni!

Sumu 41:13

Atumbikike Ambuya, Chiuta waku Yisraele, kutuwa ku muyaya mpaka ku muyaya! Ameni ndi Ameni.

Sumu 71:2

Chifukwa cha urunji winu, ndovyeni ndipo nditaskeni. Tegherezgani kwangu, ndi ndipozomoskeni!

Sumu 79:4

Taŵa chitozeru ku ŵanasi ŵidu; kawerere ndi chipukung'a mutu ku ŵakutizingirizga.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Sumu 89:51

lenilo ŵakupindikana ŵinu ŵasuzga nalo karonga winu wakusankhika, Ambuya! Ŵatimuyuzga kose kweneko ŵatenda.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yeremiya 24:9

Ndikaŵachitanga kuŵa chakofya ku maufumu ghose gha charu chapasi, kuŵa chakusekeka, chakukambika, kawerere, ndi chakutembeka mu malo ghose ghenigho ndikaŵadikiskiyangako.

Yeremiya 29:18

Ndikaŵandondoloskanga ndi lipanga, chilala ndi chideru, ndipo ndikaŵawoneskanga nge nchakunyozeka mu maso mwa maufumu ghose gha charu chapasi, kuwa chakutembeka, chakofya, chakuyeyeka, ndi chakusekeka mu mitundu yose mwaku yo ndikuŵadikiskiyamo,

Yeremiya 32:31

Msumba uwu wayuska kukwiya kwangu ndi ukari, kwamba pa zuŵa lenilo unguzengeke mpaka ku zuŵa lino, sono ndikawutuzgangako ku maso ghangu,

Yeremiya 32:32

chifukwa cha uheni wose wa ŵaYisraele ndi ŵaYuda weniwo ŵanguchita kundisosomole ku kukwiya, iwo, ndi ŵakaronga ŵawo, mafumu ghawo, ŵazukuru ŵawo, ŵamchimi ŵawo, ŵanthu ŵaku Yuda ndi ŵakuja mu Yerusalemu.

Ezekiele 22:4

Wendi mrando chifukwa cha ndopa zo wakiska, ndi kujifipiska ndi ŵangoza wo ŵapanga; zuŵa lako walinderezga pafupi, nyengo yakutemeka ya chirimika chawo yafika. Mu chifukwa cho ndakuŵika sunjizgu ku mitundu, ndi chakusekeka ku vyaru vyose.

Ezekiele 5:14

Ndipo so ndikakuchitaninga phasulu ndi chinthu chakuwereka mukati mu mitundu yakumuzingirizgani ndi mu maso ghaku wose ŵakujumphapo.

Danyele 11:45

Wakhomenge mahema ghake ghakuru pakati pa nyanja ndi phiri lakupaturika lakutowa; ndipuuli wafikenge ku umari wake, kwambura yumoza wakumovya.

Danyele 9:20

Ndeche kukamba ndi kuromba, kusumuwa ubudi wangu ndi ubudi wa ŵanthu ŵangu ŵaYisraele, ndi kupereka kuŵeyere kwangu paurongo pa Ambuya Chiuta wangu chifukwa cha phiri lakupaturika laku Chiuta wangu;

Yoele 3:17

“Viyo mukaziŵanga kuti ine ndine Ambuya Chiuta winu, yo waja mu Zioni, phiri langu lakupaturika. Ndipo Yerusalemu waŵenge wakupaturika ndipo ŵalendo ŵaporotengemo so cha.

Zekariya 8:3

Viyo atiti Ambuya: Ndawere ku Zioni ndipo ndijenge mukati mu Yerusalemu, ndipo Yerusalemu wakadanikanga msumba wamagomekezgeka, phiri la Ambuya ŵa maŵanja, phiri lakupaturika.

2 ŴaTesalonika 1:6

nadi nkhwakurunjika paurongo paku Chiuta kuwerezgeyapo suzgu kwaku ŵeniwo ŵatikusuzgani,

1 Yohane 1:9

Asani tizomera vilakwa vidu, ngwamagomekezgeka ndi murunji kutireke vilakwa vidu, ndi kutitozga ku uwura-urunji wose.

1 Samuele 2:7

Ambuya akavuska ndi kusambasiska; asiskiya pasi, ndi kusoska so.