Danyele 9:14 - Tonga Bible 1986

¹⁴ Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Danyele 9:14 ပူးပေါင်းရင်းမြစ်များ

2 Mikoka 12:6

Viyo ŵana ŵa karonga waku Yisraele ndi karonga ŵangujiyuyuwa ŵanguti, “Ambuya mbarunji mbakunyoroka.”

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Nehemiya 9:33

Imwe mwaŵa ŵakongolekwa mwaku cho chatiziya ifwe, pakuti imwe mwachita kwamagomekezgeka ndipo ifwe tachita kwakunanga;

Sumu 111:7

Mwaku vyose vyo achita mbakongorekwa ndi ŵarunji; marangu ghawo ghose ngamagomekezgeka.

Sumu 116:5

Ambuya mbamampha ndi ŵalisungu likuru; Chiuta widu ngwa chitima.

Sumu 119:137

Ndimwe akurunjika, Ambuya, ndipo marangu ghinu ngakurunjika.

Sumu 51:14

Ndipozomoskeni ku mlandu wa ndopa, A Chiuta, imwe ndimwe Chiuta mpozomoski wangu, ndipo lilime langu likamburiyenge imwe chifukwa mwanditaska.

Chituwa 9:27

Sono Farao wangutuma nthumi kwachidana Mosese ndi Aroni, ndi wanguti kwaku wo, “Ndalakwa nyengo yino, Ambuya mbarunji ndipo ine ndi ŵanthu ŵangu te ŵakwananga.

Yeremiya 12:1

Murunji ndimwe, Ambuya mwe, po ndidandauliya kwaku imwe; kweni ndikaperekanga makani ghangu paurongo pinu. Chifukwa chine nthowa ya muheni yisakata? Wakupusika chifukwa chine watuŵa wamoyo?

Yeremiya 31:28

Ndipo kukaŵanga, uli ndipo ndaŵalereze pa kupawuwa ndi kufyore pasi, kuwiska, kunanga, ndi kutoliyapo chiheni, viyo ndikaŵalereziyanga so pa kuzenga ndi kupanda, atiti Ambuya.

Yeremiya 4:17

Ŵazunguliya Yerusalemu kumunanga uli mbalonda ŵa munda, chifukwa wandigarukiya ine, atiti Ambuya.

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Chitenje 1:5

Ŵakupindikana ŵake ŵasanduka ŵarongozgi, ŵarwani ŵake ŵasakata, chifukwa Ambuya atumukomweska pa unandi wa mautimbanizi ghake; ŵana ŵake ŵakuruta, mbaŵanda paurongo pa ŵakupindikana ŵawo.

Ezekiele 16:43

Wandisuzga ndi vinthu vyose ivi, chifukwa ulivi kukumbuka mazuŵa gha pa umwali wako; chifukwa cho awona, ndikawezgiyanga nchitu zako pa mutu wako, atiti Ambuya Chiuta. “Kumbi asi wachita maureŵi kusazgiyapo pa maunyakazi ghako ghose?

Danyele 4:34

Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 9:7

Ambuya kwaku imwe kwe urunji, kweni kwaku ifwe kwe abudi, ndi soni pa visku. Nge ndi msana uno, ku ŵanthu ŵaku Yuda, ku ŵakuja mu Yerusalemu ndi ku Yisraele yose, wo ŵe pafupi ndi wo ŵe kutali mu vyaru vyose mwaku vyo mukuŵadikiskiya, chifukwa cha maubendezi gho ŵakuchita kwaku imwe.