Danyele 9:13 - Tonga Bible 1986

¹³ Nge ndimo kukurembeke mu dangu laku Mosese, soka lose ili laza paku ifwe, kweni tilivi kuromba lisungu la Ambuya Chiuta widu, kujiwezga ku uchikana marangu widu, ndi kuvwiya uneneska winu.

Danyele 9:13 ပူးပေါင်းရင်းမြစ်များ

2 ŴaKaronga 22:16

Viyo atiti Ambuya, Awona, ndikatolenga chiheni pa malo yagha ndipa ŵakujamo ŵake, mazu ghose gha buku ili gho karonga waku Yuda waŵerenga.

Jobu 36:13

“Ŵanthu ŵambura Chiuta ku mitima yawo ŵawunjika ukari, kuti ŵaromba chovyo cha penipo ŵati ŵamanga.

Sumu 119:18

Jurani maso ghangu, mwakuti ndilereske vyakuziziswa vya mu dangu linu.

Sumu 119:27

Ndiziŵiskeni nthowa ya malangulu ghinu, ndipo ndirungurukenge ndi nchitu zinu zakuziziswa.

Sumu 119:73

Mukundilenga ndimwe; ndipaskeni kuziŵa, mwakuti ndisambire marangu ghinu.

Sumu 85:4

Tiwezgeni, A Chiuta mtaski widu, ndipo tayani kukara kwinu paku ifwe!

Yesaya 31:1

Soka kwaku wo ŵasikiya ku Egipiti kupenja chovyu ndipo ŵagomekezga mu ŵakavalo, wo ŵagomekezga mu unandi wa magareta ndi mu ŵakukwera pa ŵakavalo pakuti mba nthazi ukongwa, kweni kuti ŵalereska ku Mtuŵa Yumoza yo waku Yisraele cha, pamwenga kufumba Ambuya!

Yesaya 42:9

Ehe, vinthu vya kale vyafiskika, sono ndiziŵiska vinthu vifya; vyenga vindawoneke nditivitaula kwinu.” Sumu yifya ku Ambuya

Yesaya 43:22

“Kweni kuti ungudana paku ine cha Yakobe we; inya wavuka nane, Yisraele we!

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Yesaya 9:13

Ŵanthu kuti ŵangung'anamukiya kwake cha kwaku yo wanguŵakoso, chingana nkhupenja Ambuya nako cha.

Yeremiya 2:30

Ndaŵapuma ŵana ŵinu kwambura kakwanduwapo, ŵalivi kuphwere kuwere ku umampha. Lipanga laku wamweni labaya ŵamchimi ŵako, uli ndi nkharamu yakurazuka.

Yeremiya 30:14

Ŵakwanjiwa ŵako wose ŵakuruwa; kuti ŵatikuphwere nanga nkhamana cha; pakuti ndakupuma iwe nge ngwakupindikana, kulanga kwa murwani wambura lisungu pakuti kulakwa kwako nkhukuru, inya mauheni ghako nganandi.

Yeremiya 31:18

Ndamuvwa Efraimu wachichita chitima, ‘Mungundidikiska ndipo ndingudikiskika, nge ndi thole lambura kusambizgika; ndiwezgeni alinga kuti ndiŵe nge ndi kali pakuti imwe ndimwe Ambuya Chiuta wangu.

Yeremiya 44:23

Chifukwa mungocha vyachema, ndi mungulakwiya Ambuya ndi kuti munguvwiya cha mazu gha Ambuya pamwenga kwenda mu dangu lawo ndi mu malangulu ghawo ndi virunguchizgu vyawo, reka chiheni ichi chakuwiyani, uli ndimo kuliri msana wale.”

Yeremiya 44:27

Ehe, ndituŵalereske pa uheni, pa umampha cha; ŵanthu wose ŵaYuda wo ŵemu charu cha Egipiti ŵakamaranga ndi lipanga ndi chilala, mpaka penipo ŵamara wose.

Yeremiya 5:3

Ambuya mwe, asi maso ghinu ghapenja uneneska? Imwe munguŵapuma, kweni kuti ŵanguvwa kuŵaŵa cha; imwe munguŵamara, kweni kuti ŵangukhumba kususkikacha. Ŵalimbiska visku vyawo kwakuruska jarawi ŵakana kung'anamuka mtima.

Chitenje 5:21

Tiwezgiyeni kwaku mwaŵeni Ambuya, alinga kuti tiwezgeke! Nozgani so mazuŵa ghidu nge ndimo ghanguŵiya kale!

Ezekiele 16:43

Wandisuzga ndi vinthu vyose ivi, chifukwa ulivi kukumbuka mazuŵa gha pa umwali wako; chifukwa cho awona, ndikawezgiyanga nchitu zako pa mutu wako, atiti Ambuya Chiuta. “Kumbi asi wachita maureŵi kusazgiyapo pa maunyakazi ghako ghose?

Danyele 9:11

Yisraele yose wajumpha dangu linu ndi wapatukako kwaku imwe, wakana kuvwiya mazu ghinu. Thembo, ndi rapu vyo vikurembeka mu dangu laku Mosese muteŵeti waku Chiuta vyapungulikiya paku ifwe.

Hoseya 7:10

Kujikuzga kwaku Yisraele kuti musimikizga; ndipuuli kuti ŵawere kwa Ambuya Chiuta wawo cha, chingana nkhumupenja.

Hoseya 7:14

Kuti ŵaliya kwaku ine ndi mtima wawo wose cha; kweni ŵatenje pa vita vyawo, ŵawunganirana chifukwa cha trigu ndi vinyo; ŵagaruka kwaku ine.

Hoseya 7:7

Ŵose mbakocha nge ndi ng'anjo, ndi ŵameza mafumu ghawo. Ŵakaronga ŵawo wose ŵawa; ndipo palivi yumoza yo wasopa ine.

Luka 24:45

Sono wangubanuwa chinjeru chawo kuwamo mu malembo gho;

Yohane 10:35

Tiziŵa kuti cho malemba nchakuneneska muyaya; ŵanguŵazumbuwa iwo ŵachiuta. Ŵanthu, kwaku ŵeniwo ghanguziya mazu ghaku Chiuta.

Yohane 6:45

Kwalembeka mu ŵamchimi, ‘Ndipo ŵaŵenge wose ŵakusambizgika ndi Chiuta.’ Yose yo wavwa ndi wasambira ku Dada, watuza kwaku ine.

Yohane 8:32

ndipo muziŵenge uneneska, ndipo uneneska wo usanduskenge imwe ŵanangwa.”

ŴaEfeso 4:21

asani mwamuvwa, ndipo mwaku iyo mwasambizgika, mo uliri uneneska mwaku Yesu;

Marangu 29:4

kweni mpaka msana wale Ambuya alivi kumpaskani muwongo wakuwamo, pamwenga maso ghakuwona, pamwenga makutu ghakuvwa.

Yakobe 1:5

Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.