Danyele 9:12 - Tonga Bible 1986

¹² Chifukwa tamunangiya iyo. Wakhozga mazu ghake gho wangukamba ghakutisuska ifwe, ŵeruzgi ŵidu wo ŵatiyeruzganga pakuŵika paku ifwe soka likuru, chifukwa pa charu chose chapasi palivi kuchitika nge ndi cho chachitikiya Yerusalemu.

Danyele 9:12 ပူးပေါင်းရင်းမြစ်များ

1 ŴaKaronga 3:9

Viyo paskani muŵanda winu zeru yakuwamo pa kweruzga khamu linu, alinga kuti ndiziŵenge mphambanu pakati pa umampha ndi uheni pakuti njani wangaziŵa kweruzga khamu linu lenilikuru ili?”

2 ŴaKaronga 22:16

Viyo atiti Ambuya, Awona, ndikatolenga chiheni pa malo yagha ndipa ŵakujamo ŵake, mazu ghose gha buku ili gho karonga waku Yuda waŵerenga.

Jobu 12:17

Warongozge ŵazifundu kukuskoŵeka, ndi ŵeruzgi ŵatuŵapusika.

Sumu 148:11

Murumbeni, ŵakaronga ndi ŵanthu wose, mafumu ndi ŵakuwusa wose ŵacharu;

Sumu 2:10

Chifukwa ichi sono, mwa ŵakaronga, muŵi ŵazeru, mulangike, mwa ŵeruzgi ŵa charu chapasi.

Nthanthi 8:16

ŵana ŵa mafumu ŵawusiya mwangu, ndipo ŵanangwa ŵateruzga charu chapasi.

Yesaya 43:28

Chifukwa chenichi ndikuŵanangiska ŵara ŵa malo ghakupaturika, ndingumupereka Yakobe ku wanangi ku ukuru ndi Yisraele kukunyozeka.

Yesaya 44:26

mweniyo wakhozga mazu gha ŵateŵeti ŵake, ndipo wafiska fundu za mathenga ghake, mweniyo watiti gha paku Yerusalemu, ‘Wakajangamo ŵanthu,’ ndi gha mizi yaku Yuda, ‘Yikazengekanga; ndipo ndikasoskanga so malo ghawo gha mapopa’;

Yeremiya 30:7

Owe! Zuŵa lo ndikurudi palive lakukozgana nalo; ndi nyengo ya suzgu yaku Yakobe; ndipuuli wakataskikangako kwaku lo.

Yeremiya 32:23

ndipo ŵangusere ndi kuchihara. Kweni kuti ŵanguvwiya mazu ghinu cha chingana nkhwenda mudangu linu, ŵangukana kuchita vyo munguŵalanguliya kuchita. Chifukwa cho imwe mwaŵafikiskiya viheni ivi vyose.

Yeremiya 39:16

“Ruta, ukakambe kwaku Ebedimeleke mu Etiopia, ‘Viyo atiti Ambuya ŵa maŵanja, Chiuta waku Yisraele: Ehe, ndikafiskanga mazu ghangu gha pa msumba uwu chifukwa cha uheni kuti mpha chifukwa cha umampha cha, ndipo ghakafiskikanga paurongo pako mu zuŵa lenilo.

Yeremiya 44:23

Chifukwa mungocha vyachema, ndi mungulakwiya Ambuya ndi kuti munguvwiya cha mazu gha Ambuya pamwenga kwenda mu dangu lawo ndi mu malangulu ghawo ndi virunguchizgu vyawo, reka chiheni ichi chakuwiyani, uli ndimo kuliri msana wale.”

Chitenje 1:12

“Kumbi nchaŵaka ichi kwaku imwe, imwe mose mwaŵakujumphapo? Lereskani, ndipo wonani vinu chilipo chitima chinyake chakuyana ndi chitima changu cho chingutoleke paku ine, chenicho Ambuya andisuzga nacho pa zuŵa la kukwiya kwawo kwakofya.

Chitenje 2:13

Ndingakukambiya kane, ndikweruzgiye pa kanthu uli, mwa ŵanthu ŵaku Yerusalemu? Ndikakulinganizganga ku kanthu uli, alinga kuti ndikusangaruske, ŵanthu ŵangu ŵamu Zioni? Chifukwa usani wakubwangandika kwako wenge ndi nyanja; njani wangaziŵa kukuwerezgamo?

Chitenje 2:17

Ambuya achita cho angulongoso, afiska kufinga kwawo, uli ndimo anguteme kale ukongwa, abwanganduliya pasi kwambura lisungu; aŵakondweska ŵakupindikana ŵako, ndipo akuzga nthazi ya ŵarwani ŵinu.

Chitenje 4:6

Chifukwa kulangika kwa ŵanthu ŵangu kwaŵa kukuru kwakuruska kulangika kwa Sodomo yo wangupasulika pa kanyengo kamanavi, pengavi janja lo linguchitapo kanthu.

Ezekiele 13:6

Ŵakamba vyawaka, ndi kuwukwa utesi; ŵatiti, ‘Ambuya atiti,’ penipo Ambuya kuti aŵatuma cha, kweni ŵakhazga kuti iwo afiske mazu ghawo.

Ezekiele 5:9

Chifukwa cha unyakazi wako wose ndikakuchitiyanga chenicho kuti ndachitapo cha kali kose, nanga nkhuti chaviyo kuti ndikachichitanga so cha.

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Amosi 3:2

“Imwe pe ndimwe ndakuziŵani mu mbumba zose zapa charu chapasi; mu chifukwa ichi ndimulangeninge chifukwa cha mauheni ghinu ghose.

Zekariya 1:6

Kweni mazu ghangu ndi marangu ghangu gho ndingulanguliya ŵateŵeti ŵangu ŵamchimi, kuti ghanguŵasaniya cha auskemwe? Viyo ŵanguwe ŵanguti, Nge ndimo Ambuya ŵa maŵanja angughanaghaniya kuchitiya ifwe chifukwa cha nthowa zidu ndi nchitu zidu, viyo ndimo achitiya nafwe.”

Zekariya 1:8

“Ndinguwona ndi usiku, munthu wakwera pa kavalo muyera! Wanguma mukati mu miti yakubiliŵira mu mphata; ndipo kuvuli kwake kwenga ŵakavalo ŵayera, ŵamaŵanga, ndi ŵatuŵa.

Zekariya 7:12

Wangunonopeska mitima yawo gwa nge ndi mwa, kuti ŵangavwa dangu ndi mazu gho Ambuya ŵa maŵanja angutuma mu Mzimu wawo mu ŵamchimi cha. Chifukwa ichi kunguza ukari kutuwa kwa Ambuya ŵa maŵanja.

Mateyu 24:21

Chifukwa chiŵengeko penipo chisuzgu chikuru, chakuti chengavi kuŵapo chaviyo kutuwa ku mtendeku wa charu mpaka kuno ku le, chingana nkhuti chikaŵangapo so cha.

Mateyu 5:18

Nadidi ndikuneniyani, mpaka kuchanya ndi panupasi virutenge, kweni kalembo kamoza kamwenga kadonthu kamoza kuti kangaruta cha kamu chilangulu, mpaka penipo vyose vyafiskika.

Marko 13:19

Chifukwa mu mazuŵa ghenigho kuŵenge suzgu, yakuti yindaŵepo yaviyo kutuwa ku mtendeku wa ulengi wo wangulenga Chiuta, mpaka ku sono, ndi kuti yikaŵangapo so cha.

Luka 21:22

Pakuti yagha ndi mazuŵa gha thayu kuti vifiskike vyose vyakulembeka.

ŴaRoma 15:8

Chifukwa ndititi, Kristu wachitika mteŵeti wa mchinju chifukwa cha uneneska waku Chiuta, kuti wakhozge mapanganu ghakupaskika ku ŵambuyafwe,