Danyele 8:7 - Tonga Bible 1986

⁷ Ndinguchiwona chichiza kufupi ndi mberere, chinguyikaripiya ndi kuyipweteka, ndi chinguyibonkhontho masengwe ghake ghaŵi, mberere yengavi nthazi kurwana ndi chaphongo, kweni chinguyiwiska pasi ndi kuyikandakanda, ndi pengavi wakutaska mberere ku nthazi yake.

Danyele 8:7 ပူးပေါင်းရင်းမြစ်များ

Danyele 11:11

Viyo karonga waku malaŵi wakaripenge ndi watuwenge kwachirwana nayo karonga waku nkhonde; ndipo wakawunjikanga liŵanja likuru; kweni lipaskikenge mu janja lake.

Danyele 7:12

Nge nkhu vinyama vinyake mtufu wawo ungulondeka kweni maumoyo ghawo ghangurutiriya ku zinyengo ndi nyengo.

Danyele 7:7

Pavuli paku ichi, ndinguwona mu chiwona cha usiku, ndipo ehe, chinyama cha chinayi; chakofya, chakutenthemeska, ndi chanthazi zikuru ndi chenga ndi minyu ghakuru gha chisulo, chingurgha, chinguphwanya, ndi kuphwatiya pasi ndi marundi ghake vyo vingujapo. Chingupambana ndi vinyama vyose vyakudanga ndi icho; ndipo chenga ndi masengwe chumi.

Danyele 8:10

Lingukuwa ukongwa kufika ku liŵanja la kuchanya ndi lingupong'a pasi mpingu wa nyenyezi zinyake ndi linguzidyakadyaka.

Danyele 8:6

Chinguza ku mberere yo yenga ndi masengwe ghaŵi, yeniyo ndinguwona yakuma mu mphepete mwa msinji, ndipo chinguyirotoke ndi ukari.

Danyele 8:8

Viyo chaphongo cho chingujikuzga ukongwa; kweni chinguti chaŵa ndi nthazi, sengwe lake likuru lingufyoka ndipo mu malo ghake mungume masengwe ghanayi ghakuwoneka umampha ghakurazga ku mphepo zinayi za kuchanya.

ŴaLevi 26:37

Ŵakaguŵanga uyu mu munyake, nge mbakuthaŵa lipanga, chingana palivi wakuŵandondoloska; ndipo mukawulangavi nthazi zakumiya paurongo pa ŵamawongo ŵinu.

Yoswa 8:20

Viyo penipo ŵanthurumi ŵaku Ai ŵangulereska kuvuli, alereni, usi wamu msumba ungukwere kuchanya; ndipo ŵengavi nthazi zakuthaŵiya uku pamwenga kuwa, pakuti ŵaYisraele ŵeniwo ŵanguthaŵiya ku bozwa ŵangung'anamukiya kuvuli pakuŵandondoloska.