Danyele 8:2 - Tonga Bible 1986

² Ndipo ndinguwona mu chiwona, ndipo penipo ndinguwona, ndenga mu Susa msumba ukuru wo wemu chigaŵa cha Elama; ndipo ndinguwona mu chiwona, kuti ndenga pa msinji wa Ulai.

Danyele 8:2 ပူးပေါင်းရင်းမြစ်များ

Chiyambo 10:22

Ŵana ŵanthurumi ŵaku Shemu: Alama, Ashuru Arpakahadi, Ludi, ndi Aramu.

Chiyambo 14:1

Mu mazuŵa ghaku Amarafele karonga wa Shinara, ndi Arioko karonga wa Elasara, ndi Kedorolomere karonga wa Elama, ndi Tidala karonga wa Goyimi,

Nehemiya 1:1

Mazu ghaku Nehemiya mwana waku Hakaliya. Sono kunguwoneka mu mwezi wa Chisleve, mu chirimika cha machumi ghaŵi, penipo ndenga mu Susa, msumba ukuru,

Estere 1:2

Mu mazuŵa gho po karonga Ahaswerusi wanguja pa chitengo cha ufumu wake cho chenga mu msumba wake ukuru, Susa,

Estere 2:8

Viyo ghanguti ghavwika mazu gha karonga ndi langulu lake, ŵamwali ŵanandi ŵanguwunganiskika ku msumba Susa kwachisungika ndi Hege, Estere nayo wangutoreke ku nyumba ya karonga kusungika ndi Hege wakusunga ŵanthukazi.

Estere 3:15

Mathenga ghanguruta kwakutinthimiskika ndi mazu gha karonga, ndipo langulu ili linguperekeka mu msumba Susa. Ndipo karonga ndi Hamani ŵanguja pasi, ŵamwanga, kweni msumba unguyungwanika.

Estere 7:6

Estere wanguti, “Chimphindikwa ndi murwani, ndi uyu Hamani muheni!” Ndipo Hamani wangutenthema ukongwa paurongo pa karonga ndi fumukazi.

Estere 8:15

Mordikayi wangutuwa pauronga pa karonga, wakuvwara vivwaro vya ufumu vifipa nge ndi mtambo, ndi vyabafuta, ndi mphumphu yikuru ya golide, ndi mnjirira wa saru yakutowa yakufyuŵara; ndipo msumba wa Susa ungukambura ndi kusekere.

Estere 9:11

Pa zuŵa lenili unandi wa ŵakubayika mu Susa ungutoreke ku karonga.

Estere 9:15

ŴaYuda wo ŵenga mu Susa nawo ŵanguwungana pa zuŵa la chumi ndi ghanayi la mwezi Adara, ŵangukoso ŵanthu ŵanthurumi machumi pe chumi ghatatu mu Susa, kweni vyawo kuti ŵanguskoŵa cha.

Yesaya 11:11

Mu zuŵa liya Ambuya akarutirizganga mbwenu janja lawo nyengo yachiŵi, kusaniya wakujapo wa ŵanthu ŵawo, kutuwa ku Asiriya, ku Egipiti, ku Patrosi, ku Etiopia, ku Elami, ku Shinari, ku Hamati, ndi ku vyaru vya mu likumba la nyanja.

Yesaya 21:2

Chakuwona chizitu chataulika kwangu; wakukwamphuwa wakwamphuwa, wakubwanganduwa wabwanganduwa. Kweliyangako, Elami we, kazenge misasa Media we, kutata kose kwanthazi ko wachitiska iyo ndikamariskanga.

Yeremiya 25:25

ŵakaronga wose ŵa Zimri, ŵa Elamu, ndi ŵakaronga wose ŵa Media;

Ezekiele 1:1

Pa zuŵa la chinkhonde, mwezi wa chinayi, mu chirimika cha chumi ndi vitatu, penipo ndenga mukati mu ŵamikoli ku msinji Kebara, machanya ghangujurika, ndipo ndinguwona viwona vyaku Chiuta.

Ezekiele 32:24

“Elamu we kwenikuwa, ndi mpingu wake wose muunda wake zingirizgi; wose mbakubayika, ŵakuwa ndi lipanga, wo ŵakusikiya kusi kwa charu ŵambura kuchinjika, wo ŵangutenthemeska ŵanyawo mu charu cha ŵamoyo, sono ŵanyamuwa soni zawo pamoza ndiwo ŵasikiya ku Zenje.

Danyele 10:4

Mu zuŵa la machumi ghaŵi pachanya ghanayi (24) la mwezi wakudanga, ndichima pa luwu la msinji ukuru, wo ndi Tigirisi;

Danyele 7:15

“Mtima waku ine, Danyele, wenga mukati mwangu wakwenjerwa, chiwona cha mutu wangu chingundisuzga.

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Danyele 8:1

Mu chirimika cha chitatu cha muwusu wa karonga Beleshazara chiwona chinguwoneka kwaku ine Danyele, pavuli pa chiwona cho chingundiwoneke pakudanga.

Danyele 8:3

Ndinguyunuska maso ghangu, ndinguwona mberere yinthurumi yakuma mu mphepete mwa msinji. Yenga ndi masengwe ghaŵi, ndipo masengwe ghaŵi viyo ghenga ghatali, kweni limoza lenga litaliko kuruska linyake, litaliko lingume pavuli.

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

ŴaHebere 1:1

Chiuta, yo mwaka wakambiyanga munthowa zinandi ndi zakupambanapambana ndi ŵaseku mu ŵamchimi,

Chivumbuzi 9:17

Viyo ndimo ndinguwone mu chiwona changu cha ŵakavalo ndi wo ŵangugara paku wo, wo ŵenga ndi vyapachifuŵa viyera nge ndimoto, vyabulu nge ndi mwa wasangarawe, ndipo mitu ya ŵakavalo yenga nge ndi mitu ya zinkharamu; ndipo mu milimo yawo mungutuwa moto ndi usi ndi fukunyira.