Danyele 8:13 - Tonga Bible 1986

¹³ Viyo ndinguvwa mtuŵa yumoza wakukamba, ndi mtuŵa munyake wakukamba kwaku yo wangukamba pakudanga, “Mpaka zuŵanji na chimarenge chiwona chakunena ndi sembe yakocha ya zuŵa ndi zuŵa, kwananga ko kupaska phasulu, ndi kupereka kwa malo ghakupaturika ndi liŵanja kudyakika ndi marundi?”

Danyele 8:13 ပူးပေါင်းရင်းမြစ်များ

Sumu 74:10

Mpaka zuŵanji, A Chiuta, ŵarwani ŵidu ŵakatiweranga? Kumbi ŵakatukanga zina linu muyaya?

Sumu 74:9

Visimikizgu vidu vyose vikuruta, nanga ndi mchimi nayo mulivi, ndipo palivi nanga njumoza mukati mwidu yo waziŵa kuti ichi chikafikanga mpaka zuŵanji.

Sumu 79:5

Mpaka zuŵanji, Ambuya? Mpaka zuŵanji mukakwiyanga nafwe? Kumbi ukari winu ukarutiliyanga kocha nge ndi moto?

Yesaya 28:18

Sono phanganu linu ndi nyifwa likamaranga ndipo kuzomerezgana kwinu ndi nyifwa kuti kukaŵangapo cha; penipo likhwechu likuru lijumpha mukapumikanga nalo.

Yesaya 6:11

Sono ine ndinguti, “Mpaka zuŵanje, Ambuya?” Ndipo iwo anguti: “Mpaka penipo mizi yaŵa mapopa mwambura ŵakujamo, ndi zinyumba zambura ŵanthu, ndipo charu chaŵiya limu uyiku.

Yesaya 63:18

Ŵanthu ŵinu ŵakupaturika ŵanguja mu malo ghinu ghatuŵa nyengo yimanavi; ŵakupindikana ŵidu ŵaghapwatiya pasi.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yeremiya 12:10

Ŵaliska ŵanandi ŵabwanganduwa munda wangu wa mphereska, ŵapwatiya pasi chigaŵa chinga, charu changu cha kukondweska ŵachisanduska bozwa la uyiku.

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

Danyele 12:8

Ndinguvwa kweni kuti ndinguwamu cha. Viyo ndinguti, “Mbuya wangu, kumbi umari wa vinthu ivi ukaŵanga uli?”

Danyele 4:10

Chiwona cha mutu wangu po ndingura pa chita chenga ichi: Ndinguwona, mutu mukati mu charu chapasi, ndipo utali wake wenga ukuru.

Danyele 4:13

“Ndinguwona mu chiwona cha mutu wangu pa chita changu, mulinda mutuŵa wangusika kuchanya.

Danyele 4:23

Po karonga wanguwona mlinda mtuŵa wakusika kuchanya yo wanguti, ‘Temiyani pasi muti ndi upikiteni, kweni musiye chisina ndi misisi yake pasi, chakumangika zingirizgi ndi chingwi cha chisulo ndi cha mkuŵa mu uteka wamu dondo, ndi chizumbwe ndi dungwi la kuchanya, phandi lake liŵi pamoza ndi nyama zamu dondo, mpaka zichijumphe nyengo zinkhonde ndi ziŵi;’

Danyele 7:16

Ndingundere kufupi ku yumoza waku wo ŵanguma penipo ndingumufumba uneneska waku ichi chose. Viyo wangundinene, ndi wangundiziŵiska kang'anamuridu ka vinthu ivi.

Danyele 7:23

Viyo wanguti: ‘Chinyama cha chinayi, ukaŵanga ufumu wa chinayi pa charu chapasi, wo ukapambananga ndi maufumu ghose, ukamezanga charu chose ndi kuchiphwatiya pasi ndi kuchibwanganduwa chimanachimana.

Danyele 9:27

Ndipo wakapangananga phanganu lakukho ndi ŵanandi mu sabata yumoza; ndi pakatikati pa sabata ŵalekeskekenge sembe yakubaya ndi sembe ya ufwa; pa phaphiku la vyaukazuzi, pakazanga yumoza yo wapasuwa mpaka umari wakulangulika upungulikiya pa wakupasuwa.”

Zekariya 1:19

Ndipo ndinguti ku mungelo wa Ambuya yo wangukamba nane. “Ivi ndi vine?” Wangundamuka, “Yagha ndi masengwe gho ghaparghang'a Yuda. Yisraele, ndi Yerusalemu.”

Zekariya 14:5

Ndipo dambo la mapiri ghangu liundikenge, chifukwa dambo la mapiri lifikenge kurwande kwake; ndipo muthaŵenge nge ndimo munguthaŵiya chiyewu-yewu mu mazuŵa ghaku Uziya karonga waku Yuda. Ndipo Ambuya Chiuta wino wazenge, ndi ŵatuŵawose pamoza nayo.

Mateyu 11:27

Vyose vyaperekeka kwaku ine ndi Ada: ndipo palive yumoza yo waziŵa Mwana kweni Ada pe, ndipo palive yumoza yo waziŵa Dada kweni Mwana pe, ndi so mweniyo yose Mwana wakhumba kumvumbuliya.

Mateyu 24:15

“Viyo penipo muwonenge unyakazi wa mapopa, wakukambika ndi Danyele mchimi yo, uchima mu malo ghakupaturika (yo waŵerenga wawemo),

Marko 13:14

“Kweni penipo muwona unyakazi wa phasulu kuma pa malo gho kuti utenere kumapo cha (wakuŵerenga yo wawemo) sono wamu Yuda wathaŵiye ku mapiri;

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Luka 21:20

“Kweni penipo mukawonanga Yerusalemu wazungurizgika ndi maugoŵi, ziŵani penipo kuti laŵandika phasulu lake.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Yohane 1:18

Palive yumoza yo kali kose wamuwona Chiuta, Mwana yo wakuwayija, yo ngwamu chipakatu cha Dada, ndiyo wamvumbuwa.

Marangu 33:2

Wanguti, “Ambuya angutuwa ku Sinai, ndipo anguvumbukwa kwaku ifwe kutuwa Seiri, anguwana kutuwa ku phiri Parani. Angutuwa ku vikwi chumi (10,000) vya wakupaturika ndi ŵanguto moto wakulipuka ku janja lawo la marghe.

1 ŴaTesalonika 3:13

alinga kuti akhozge mitima yinu yizira-kalema mu upaturika paurongo paku Chiuta widu Auskefwe, pa uzi wa Ambuyafwe Yesu pamoza ndi ŵakupaturika ŵake wose.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

1 Petro 1:12

Kwaku ŵenaŵa kunguvumbulikiya, kuti kwaku ŵija cha, kweni kwaku imwe ŵateŵetiyanga vyenivi, vyo sono vyataulikiya imwe ndi ŵeniwo ŵangumkambiyani evangeli mu Mzimu Wakupaturika, yo wangutumika kutuliya kuchanya; mwaku vyenivyo ŵangelo ŵanweka kulingirizgamo.

Yuda 1:14

Ndipo mphaku ŵenaŵa po wanguloske Hanoke, wachinkhonde ndi chiŵi kutuwa kwaku Adamu, wakuti, “Awonani, ŵanguza Ambuya ndi ŵakupaturika ŵaŵo vikwi chumi.

Chivumbuzi 11:2

Kweni luluwa lakubwaro ku kasopi ulisiye, ungalipimanga cha; chifukwa likupaskika mu mitundu: ndipo musumba wo wakupaturika ŵakawuphwatiyanga pasi myezi machumi ghanayi ndi yiŵi.

Chivumbuzi 6:10

ndipo ŵangukambura ndi mazu ghakuru, kuti, “Mpaka zuŵanji Ambuya Mwaŵanthazizose, ŵakupaturika ndi ŵakuneneska, murekenge kweruzga ndi kutayiya thayu yapa ndopa zidu paku wo ŵaja pa charu?”

Ŵeruzgi 13:18

Mungelo wanguti kwaku iyo, “Chifukwa chine ufumba zina langu, pakuwona kuti nchakuziziswa?”