Danyele 8:11 - Tonga Bible 1986

¹¹ Lingujitukumuwa mpaka lingufika ku karonga wa liŵanja; ndipo sembe yakocha ya zuŵa ndi zuŵa yingulondeka, ndi malo ghake ghakupaturika ghangubwangandulika.

Danyele 8:11 ပူးပေါင်းရင်းမြစ်များ

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 37:29

Chifukwa wandikaripiya ndipo kujikuzga kwako kwavwika mu makutu ghangu, ndikaŵikanga mbeja yangu mu mphunu yako ndi chimangiru changu mu mlomo wako, ndipo ndikawezgiyanga mu nthowa yeniyo unguzamu.’

Yeremiya 48:26

“Muloŵereskeni, chifukwa wangujikuzga kulimbana ndi Ambuya; viyo kuti Moabu wakakunkhurukanga mu maukuzi ghake, ndipo iyo nayo wakajanga mu kusekeka.

Yeremiya 48:42

Moabu wakabwangandulikanga ndipo kuti ukaŵanga so mtundu wa ŵanthu cha; chifukwa wangujitumphuska kumikana ndi Ambuya.

Ezekiele 46:14

Ndipo wakaperekanga pamoza nayo mpasku wa vyakurgha, chiŵa chimoza cha muvigaŵa vinkhonde ndi chimoza vya sokora, ndi chigaŵa chimoza cha vigaŵa vitatu vya supa ya mafuta ghakuzumbwiskiya ufwa mlenji ndi mlenji, nge ndi mpasku wa vyakurgha ku Ambuya, ili ndi langulu la mpasku wakocha rutaruta.

Danyele 11:22

Nkhondo zipeyekenge paurongo pake ndi zimarenge, chingana ndi karonga wa phanganu nayo.

Danyele 11:31

Nkhondo zakutuwa kwaku iyo zizenge kunanga nyumba yaku Chiuta ndi linga lake, zazamtuzgapo sembe yakocha mazuŵa ghose. Ndipo zazamuŵikamo ukazuzi wo upaska mapopa.

Danyele 12:11

Kutuwa pa nyengo yo sembe yakocha ya mazuŵa ghose yikatuzgikangapo ndipo ukazuzi wo uchita umapopa waŵikikapo, vikaŵangako virimika mazuŵa chikwi chimoza ndi machumi pe chumi ghaŵi, pachanya machumi ghankhonde ndi ghanayi (1,290).

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 7:25

Wakakambanga mazu ghakumikana ndi Wapachanya Limu, ndi wakalopweskanga ŵatuŵa wa Wapachanya Limu ndipo waghanaghanenge kusintha zinyengo ndi marangu; ndipo vipaskikenge mu janja lake kwa nyengo ziŵi, ndi kamphindi ka nyengo.

Danyele 8:12

Ndipo liŵanja lingupaskika ku sengwe lo pamoza ndi sembe yakocha ya zuŵa ndi zuŵa chifukwa chakwananga; ndipo uneneska ungupong'eka pasi; sengwe lingusakata mukatakataka kwake.

Danyele 8:24

Nthazi zake zikaŵanga zikuru, ndipo wakachitanga phasulu lakofya, wakapundanga mwaku cho wakachitanga ndi wakaparghang'anga ŵamazaza ndi ŵanthu ŵatuŵa ŵaku Chiuta.

Danyele 8:25

Ndipo ndi uchenjezi wake wachitenge chanduwu chaupusikizgi mu janja lake, wajikuzgenge mu vinjeru vyake. Kwambura kudanga wachenjezga wakabayanga ŵanthu ŵanandi ndipo wakamikananga so ndi karonga wa ŵakaronga; kweni wakabwangandukanga kwambura janja la munthu.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Maŵerengedu 28:3

“Ndipo ukambe nawo, kuti, Uwu ndi mpasku wapa moto wo mukaperekanga ku Ambuya; ŵana ŵaŵi ŵa mberere ŵa umoyo ŵa chirimika chimoza ŵambura kalema, zuŵa ndi zuŵa, nge ndi mpasku wambura kumara.

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

ŴaHebere 2:10

Chifukwa kunguyiyamu iyo, kwaku mweniyo vye vyose, ndi mwaku mweniyo vye vyose, pakutoliyamu ŵana ŵanandi mu unkhankhu, kufiskiya ndi vikomwa nduna ya utaski wawo.

Chivumbuzi 17:14

Yaŵa ŵarwanenge ndi Mwana-mberere yo, ndipo Mwana-mberere ndi ŵapamoza nayo, wo mbakudanika, ŵakusankhika, ndi ŵamagomekezgeka waŵapundenge, pakuti ndiyo Mbuya wa ŵambuya, ndi Karonga wa ŵakaronga.”