Danyele 7:9 - Tonga Bible 1986

⁹ Ndeche kulereska, vitengo vinguŵikikapo ndipo mura yumoza wa mazuŵa gha mwaka wangu ja pa mpando wake; vivwalo vyake vyenga vituŵa nge ndi nyankhuŵinda ndi sisi laku mutu wake nge ndi weya utuŵa; chitengo chake chenga nge ndi mlipu wa moto, nkhata zake zenga moto wakukole.

Danyele 7:9 ပူးပေါင်းရင်းမြစ်များ

1 ŴaKaronga 22:19

Ndipo Mikaya wanguti, “Chifukwa cho vwani mazu gha Ambuya: ndinguwona Ambuya akuja pa chitengo chawo cha ufumu, ndi liŵanja lose la kuchanya lakuma pafupi nawo ku janja lawo la marghe ndi la maze;

2 Mikoka 18:18

Viyo Mikaya wanguti, “Pa chifukwa ichi vwani sono mazu gha Ambuya: Ndinguwona Ambuya aja pa chitengo chawo ndi liŵanja lose lakuchanya lama ku janja lamarghe ndi ku janja lamaze;

Sumu 45:8

Minjirira yinu yose yendi fungu la muro ndi chikasi cha chema ndi kasiya. Kutuliya mu zinyumba za ufumu za minyanga ya njovu virumbu vya malisinga vitukukondweskani;

Sumu 90:2

Ghenga ghandawe mapiri, mwenga mundawumbe charu chapasi, kutuwa ku muyaya mpaka ku muyaya ndimwe Chiuta.

Sumu 93:2

chamiskika chitengo chinu cha ufumu kutuwa ku mwaka; kutuwa ku muyaya ndimwe.

Yesaya 6:1

Mu chirimika cho karonga Uziya wangufwiya ndinguwona Ambuya akuja ndeku pa chitengo cha ukaronga, pachanya ndi akukwezgeka, ndipo vivwalo vyawo vinguzaza kasopi.

Yesaya 9:6

Pakuti kwaku ifwe mwana wapapika kwaku ifwe kwapaskika mwana munthurumi, ndipo weruzgi ukaŵanga pa pheŵa lake, zina lake likadanikanga “Wakupaska fundo Wakuziziswa, Chiuta wanthazi, Dada wa Muyaya, Karonga wa Chimangu.”

Yeremiya 49:38

ndikamikanga chitengo changu cha ujumu mu Elamu, kuphwanya karonga wawo ndi ŵaraŵara, atiti Ambuya.

Ezekiele 1:26

Ndipo pachanya pa mtambo wapa mitu yawo penga chikozgu cha chitengo, cha kawonekedu ulaka ndi mwa wa satire; ndipo wakuja pachanya pa chikozgu cha chitengo cho wangukozgana ulaka ndi munthu.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 7:22

Mpaka Khongwe la Mazuŵa ghakali linguza, ndipo cheruzgu chingurunjikiya ŵatuŵa ŵa Wamuchanya Ukongwa, ndipo nyengu yingufikapo penipo ŵatuŵa ŵanguronde ufumu.

Mika 5:2

Kweni iwe, Betelehemu Efrata, wamweniwe we mumana kuŵa mukati mu mafumu ghaku Yuda, mwaku iwe mukawiyanga kutuwa kwaku ine wakuusa, mu Yisraele, mweniyo chandilu chake nchakali ukongwa, chituwa ku mazuŵa ghamwaka.

Habakuku 1:12

Asi ndimwe wamuyaya, Ambuya Chiuta wangu, Mtuŵa wangu? Kuti tifwenge cha. Ambuya mwaŵamika nge ncheruzgu; ndipo imwe, Jarawe, mwaŵaŵika kuti ŵalangike.

Mateyu 17:2

Ndipo wangusanduka paurongo pawo, chisku chake chinguwara nge ndi dazi, minjirira yake yinguŵa yituŵa nge mbukweru.

Mateyu 28:3

Ndipo kawonekedu kake kenga nge ndi limphezi, ndi kavwaridu kake kangutowa nge ndi matarara:

Marko 9:3

Ndipo minjirira yake yaŵanga yakung'anima, yakutowa ukongwa; uli ndimo mtozgi-saru panupasi kuti wangaziŵa kuyitozga viyo cha.

Machitidu gha Ŵakutumika 2:30

Viyo pakuŵa mchimi, ndipo pakuziŵa kuti ndi rapu Chiuta wamurapiya kuti ku chipasi chamu chiunu chake wangajarikapo yumoza pa chitengu chake cha ufumu.

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

ŴaFilipi 3:9

ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho,

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

1 Yohane 1:5

Ndipo wenuwu mbuthenga weniwo tavwa kwaku iyo, ndi timtauliyani, kuti Chiuta iyo nkhungweruka, ndipo mwaku iyo mdima mulive mbwenu.

Chivumbuzi 1:14

Ndipo mutu wake ndi sisi lake vyenga mbu, ulaka ndi thonji lituŵa, vituŵa nge ndi matarara; maso ghake ghenga nge ndi mlipu wa moto;

Chivumbuzi 19:18

alinga kuti murghe nyama ya ŵakaronga, nyama ya zinduna, nyama ya vinkhara, nyama ya ŵakavalo ndi ŵakukwerapo ŵawo, ndi nyama yaku wose, ŵanangwa ndi ŵaŵanda, ŵamana ndi ŵara.”

Chivumbuzi 20:4

Ndipo ndinguwona vitengu-vyaufumu, ndipo ŵakuja paku vyo, mbeniwo kwaku iwo kungupaskika kweruzga. Ndipo so ndinguwona ŵazimu ŵaku wo ŵangudumulika mutu chifukwa cha chisimisimi chaku Yesu, ndi chifukwa cha mazu ghaku Chiuta, ndi ŵeniwo wose ŵengavi kuchilambiya chikoku, chingana nchikozgu chake, ndi ŵengavi kuronde lisimbu lake pa mphumi zawo nanga mpha janja lawo. Ndipo ŵanguŵa ŵamoyo, ŵanguusa pamoza ndi Kristu virimika chikwi.

Chivumbuzi 4:2

Ndipo sosonukweni ndinguŵiya mu Mzimu: ndipo ehe, chitengu-chaufumu chingujarikika kuchanya, ndi pa chitengu-chaufumu cho yumoza wakujapo!