Danyele 7:7 - Tonga Bible 1986

⁷ Pavuli paku ichi, ndinguwona mu chiwona cha usiku, ndipo ehe, chinyama cha chinayi; chakofya, chakutenthemeska, ndi chanthazi zikuru ndi chenga ndi minyu ghakuru gha chisulo, chingurgha, chinguphwanya, ndi kuphwatiya pasi ndi marundi ghake vyo vingujapo. Chingupambana ndi vinyama vyose vyakudanga ndi icho; ndipo chenga ndi masengwe chumi.

Danyele 7:7 ပူးပေါင်းရင်းမြစ်များ

2 Samuele 22:43

Ndinguŵapera nge ndi fuvu la pasi, ndinguŵaphwata ndipo ndi nguŵapuwa nge mbulambwi wamu ŵagurwi.

Jobu 41:14

Ndiyani wangaziŵa kujura vijaru vya chisku chake? Kuzingiriya kwa minyu ghake kutofya.

Ezekiele 40:2

ndipo lingunditore mu viwona vyaku Chiuta mu charu chaku Yisraele, ndi kundijarika pasi pachanya pa phiri litali ukongwa, paku lenilo penga uzengi nge ngwa msumba kuthyana nane.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 7:13

Ndinguwona mu chiwona cha usiku, ndipo ehe, yumoza wakukozgana ndi mwana wa munthu, wanguza ndi mabingu ghakuchanya, ndi wanguza ku mura wa mwaka, ndi wangurongoleka paurongo pake.

Danyele 7:2

Danyele wanguti, “Ndinguwona mu chiwona changu ndi usiku, ndipo ehe, mphepo zinayi za kuchanya zinguyuska nyanja yikuru.

Danyele 8:10

Lingukuwa ukongwa kufika ku liŵanja la kuchanya ndi lingupong'a pasi mpingu wa nyenyezi zinyake ndi linguzidyakadyaka.

Danyele 8:22

Sengwe lo lingusweka, mu malo ghaku lo ghanayi ghangume, mba karonga ŵanayi wo ŵakayukanga, kutuwa mu mtundu wake, kweni mu nthazi zake cha.

Zekariya 2:1

Ndingulereska, ndinguwona, ndipo ehe, munthu we ndi chingwi chakupimiya mu janja lake!

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Chivumbuzi 17:12

Sengwe chumi zounguwona, mbakaronga chumi, ŵeniwo ŵandaronde ufumu; kweni ŵarondenge mtufu nge mbakaronga, kwa ora limoza pamoza ndi chikoku cho.

Chivumbuzi 17:7

Kweni mungelo yo wangunena nane, “Urwitiyanji na? Ine ndi kuneniyenge ungari wa munthukazi yo, ndi wa chikoku chakumunyamuwa, cho che ndi mitu yinkhonde ndi yiŵi ndi sengwe chumi.

Chivumbuzi 17:8

Chikoku cho unguwona, chinguŵapo, ndipo sono kuti chiripo cha; ndipo chepafupi kuzuwuka ku chizenji cho chakuti nyo, ndi kuya ku wanangiku. Ndipo ŵakuja pa charu, ghakuŵeniwo mazina ghalive kulembekamo mu buku la umoyo kwanda ku kujarikika kwa charu, ŵakaziŵanga ŵachilereska chikoku cho kuti chinguŵapo ndi kuti chiripo cha, ndi kuti chikaŵangapo.