Danyele 7:4 - Tonga Bible 1986

⁴ Chakudanga chingukozgana ndi nkharamu ndipo chenga ndi mapapa gha nombo. Ndichilereska ndinguwona mapapa ghake ghakunyuka, ndipo chingunyamulika muchanya ndi kumikika pa karundi ghaŵi nge ndi munthu, ndipo chingupaskika mtima wa munthu.

Danyele 7:4 ပူးပေါင်းရင်းမြစ်များ

2 Samuele 1:23

“Sauli ndi Jonafani wakwanjana ndiŵamampha! Mu umoyo ndi mu nyifwa kuti ŵangupatukana cha; ŵenga ŵamankharu kuruska nombo, ŵenga ŵanthazi kuruska zinkharamu.

Jobu 25:6

nanga umana wa munthu ukaŵanga uli, pakuti iyo ndi mphorozi, na mwana wa munthu po iyo ndi munyoro?”

Sumu 9:20

Muŵatenthemeske, Ambuya! Mphanyi mitundu yaziŵa kuti iwo mbanthu!

Yeremiya 25:38

Uli ndi nkharamu ŵasiya chivwati chawo, pakuti charu chawo chasanduka mapopa chifukwa cha lipanga la wakusuzga, ndi chifukwa cha ukari wake wakofya.”

Yeremiya 4:13

Ehe, watuza nge ndi mitambo, magareta ghake uli ndi kavuruvuru; ŵakavalo ŵake mbamankharo kuruska zinombo. Owe ifwe, pakuti tapasuka!

Yeremiya 4:7

Nkharamu yatuwa mu thundu lake, wakupasuwa mitundu wasoka; waruta kutuwa ku malo ghake kwachichita mapopa, charu chinu; mizi yinu yikaŵanga yakubwanganduka, yambura wakujamo.

Yeremiya 48:40

Pakuti viyo atiti Ambuya: “Ehe, wakaphururukanga uli ndi nombo, wakatambaruliyanga mapapa ghake paku Moabu;

Yeremiya 49:19

Ehe, nge ndi nkharamu yituwa mu lisuwa la Yordane kulimbana ndi khora la mberere lakukho, ruŵiruŵi ndikaŵachitanga kuŵa wakuthaŵa kwaku iyo; ndipo ndikamikanga paku iyo mweniyo ndingakhumba kusankha. Pakuti ndi yani wakulingana nane? Njani wangamikana nane ndimuliska nunju wangaziŵa kuma paurongo pangu?

Chitenje 4:19

Wakutidondoloska wenga wamankharu kwakuruska makuŵi gha mude wangutidikiska pa mapiri; wangutikhazga mu mabozwa.

Ezekiele 17:3

kuti, Viyo atiti Ambuya Chiuta: Nombo yikuru yakuŵa ndi mapapa ghakuru mavungwa ghatali, mavungwa gha mitundu yakupambanapambana, yinguza ku Lebanoni yinguto mphanda ya mlanje ya pachanya;

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Ezekiele 28:9

Kumbi ukakambanga mbwenu kuti, ‘Ndine chiuta,’ mu maso gha ŵakukubaya wo, po iwe munthu ŵaka, kuti we chiuta cha, mu manja ghaku wo ŵatukupweteka?

Danyele 2:38

ndipo wapaska mu janja linu, kwekose ko ŵana ŵa ŵanthu ŵaja, nyama zamu dondo, ndi viyuni vya mude. Wamuchitani imwe kuwusa vyose. Ndimwe mutu wa golide.

Danyele 4:36

Pa nyengo yeniyo vinjeru vyangu vinguweremu chifukwa unkhankhu wa ufumu wangu mazaza ndi ukuru vinguweriyamu. Ŵara ŵa upu wangu ndi nduna zangu ŵangundipenja penipo ŵangujalikika mu ufumu wangu, ndi mazaza ghangukuskikiyako kwaku ine.

Danyele 7:12

Nge nkhu vinyama vinyake mtufu wawo ungulondeka kweni maumoyo ghawo ghangurutiriya ku zinyengo ndi nyengo.

Danyele 7:5

Ndipo ehe, chinyama chinyake chachiŵi, chakukozgana ndi biyere chingutundumuka kulwandi limoza, chenga ndi mbaghara zitatu mu mlomo wake, pakati pa minyu ghake; ndipo wanguchinene kuti, ‘Rotoka ndi urghe nyama yinandi.’

Mateyu 24:28

Kose ko chingaŵa chiŵanda, kweniko ndiku ghaunjikanenge makuŵi.

Marangu 28:49

Ambuya akazanga ndi mtundu wa ŵanthu kutuwa ku mpherekezgu za charu chapasi, upusu wawo nge nkhaphururukidu ka nombo, mtundu wo mazu ghake kuti mungavwa cha,

Chivumbuzi 13:2

Ndipo chikoku cho ndinguwona chingukozgana ndi nyalubwe ndi marundi ghake nge ndi chipembere, mlomo wake nge ndi mlomo wa nkharamu. Ndipo nchalinda yo wanguchipaska nthazi yake, ndi chitengu chake chaufumu ndi mtufu ukuru.