Danyele 7:24 - Tonga Bible 1986

²⁴ Masengwe chumi, ndiko kuti, mu ufumu uwu ŵayukengemo ŵakaronga chumi, ndipo pavuli paku wo, payukenge karonga munyake yo wakapambananga ndi ŵakudanga ndi wathereskenge ŵakaronga ŵatatu.

Danyele 7:24 ပူးပေါင်းရင်းမြစ်များ

Danyele 11:36

“Ndipo karonga wachitenge mo wakhumbiya; wajikwezgenge yija ndi kujikuzga pachanya pa ŵachiuta wose, ndi wakambenge vinthu vyakuziziswa kumikana ndi Chiuta wa ŵachiuta. Wasakatenge mpaka ukari ufiskike, pakuti cho chakhozgeka mpaka chifiskike.

Danyele 2:41

Nge ndimo munguwone marundi ndi vikumbu, kurwandi kwa dongo la muwumbi, ndi kurwandi kwa chisulo, ukaŵanga ufumu wakugaŵikana; kweni ukaŵangamo wanthazi nge za chisulo, nge ndimo munguwone chisulo kusazgikana ndi dongo.

Danyele 7:20

ndi masengwe chumi gho ghenga mu mutu wake, sengwe limoza lingubuka ndipo paurongo paku lo; masengwe ghatatu ghangubonthoka, sengwe lo lenga ndi maso ndi mlomo wo unguŵereŵeta vinthu vikuru, ndipo lenilo linguwoneka kuŵa likuru kuruska ghanyake.

Danyele 7:23

Viyo wanguti: ‘Chinyama cha chinayi, ukaŵanga ufumu wa chinayi pa charu chapasi, wo ukapambananga ndi maufumu ghose, ukamezanga charu chose ndi kuchiphwatiya pasi ndi kuchibwanganduwa chimanachimana.

Chivumbuzi 12:3

Ndipo unguwoneka munthondwe so unyake kuchanya; onani nchalinda mukuru, muyera wakuti che, wakuŵa ndi mitu yinkhonde ndi yiŵi ndi sengwi chumi, ndi pa mitu yake vifuku vinkhonde ndi viŵi.

Chivumbuzi 13:1

Ndipo ndinguwona chikoku chakukwera kutuwa ku nyanja, cho chenga ndi sengwi chumi ndi mitu yinkhonde ndi yiŵi, ndi pa sengwi zake vifuku chumi, pa mitu yake penga mazina gha kutuka.

Chivumbuzi 17:3

Ndipo mu Mzimu wangundinyamuliya ku bozwa: ndipo ndinguwona munthukazi wakukwera pa chikoku chakufyuŵara, chakuzazika ndi mazina ghakutuka, chakuŵa ndi mitu yinkhonde ndi yiŵi ndi sengwe chumi.