Danyele 6:7 - Tonga Bible 1986

⁷ Ŵarongozgi wose ŵa ufumu, ŵeruzgi, ndi mafumu, ŵaupu ndi zinduna, ŵazomerezgana kuti karonga wamike dangu la ufumu ndi walikhozge kuti, yose yo wasopenge Chiuta munyeke, kwa mazuŵa machumi ghatatu (30) kwambura kuti ndimwe pe karonga, wapong'eke muzenje la nkharamu.

Danyele 6:7 ပူးပေါင်းရင်းမြစ်များ

Sumu 10:9

Wabisama ndi kukhazgha kuko nge ndi nkharumu mu malo ghake, wapenja ŵasauchi, kuŵakore mu chiŵana chake.

Sumu 2:2

Ŵatijimiska ŵakaronga ŵa pasi, ndi ŵeruzgi ŵachita upu pamoza, kumikana ndi Ambuya ndi ŵakupakika ŵawo, ŵatiti,

Sumu 59:3

Chifukwa, awonani, ŵaraliya umoyo wangu; ŵanthu ŵakofya ŵachome paku ine. Kuti nkhupuruka pamwenga kunanga kwangu cha, Ambuya,

Sumu 59:5

Imwe, Ambuya Chiuta wa maŵanja, ndimwe Chiuta waku Yisraele. Yukani langani mitundu; rekani kusiyapo nanga njumoza wa ŵakuchita uheni mwakupusika.

Sumu 62:4

Cho mupenja nkhumuwiskiya pasi, kumutuzga pa malo ghake gha ulemu. Mu kondwa ndi mautesi. Mukamba makani gha chitumbiku, kweni mu mtima winu mutimutemba.

Sumu 83:5

Inya, ŵanozga chiŵembo ndi mtima umoza, ŵapangana phanganu kumikana namwe;

Sumu 94:20

Kuti mukwaskana ndi ŵeruzgi ŵakuvunda cha, wo ŵatata vyeruzgu vyambura dangu.

Danyele 2:4

Viyo ŵaKaldiya ŵanguti ku karonga, “Karonga mujaliliye ŵamoyo! Tineniyeni taŵaŵanda ŵinu loto, ndipo timukambiyeninge cho ling'anamuwa.”

Danyele 3:11

Ndipo yose yo kuti wagwada pasi cha ndi kusopa, wapong'ekenge mu ng'anjo ya moto.

Danyele 3:2

Viyo karonga Nebukadanezara wangutuma mathenga kwachiwunjika pamoza ŵakaronga, ŵeruzgi ŵa vyaru, zinduna, ŵazifundu, ŵakusunga vyuma ŵakuziŵa marangu gha charu, ŵeruzgi ŵa milando ndi nduna zose za vyaru kuti ŵaze kuzachipatuliya chikozgu cho karonga Nebukadanezara wangumika, ku mlimu wake.

Danyele 3:27

Ndipo mafumu, ŵeruzgi ŵa vyaru, zinduna, madoda gha karonga pakuungana pamoza ŵanguwona kuti moto wengavi nthazi pa maliŵavu gha ŵanthu yaŵa; sisi lamu mitu yawo lengavi kuŵawuka, vyakuvwara vyawo navyo kuti vingufya cha ndipo nanga ndi sungu la chiŵawulizga cha moto ŵengavi.

Danyele 3:6

ndipo yose yo wareka kugwada pasi ndi kuchisopa wapong'ekenge ruŵiruŵi mu ng'anjo ya moto.”

Danyele 6:16

Viyo karonga wangulangula, ndipo wanguza Danyele wangutoreka ndi wangupong'eka mu zenje la nkharamu. Ndipo karonga wanguti kwaku Danyele, “Mphanyi Chiuta wako yo utumtataliya nyengo zose wakutaske!”

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Mika 6:5

A! Mwa ŵanthu ŵangu, kumbukani cho Balaki, karonga wa Moabu wangughanaghana; ndi cho Balamu mwana waku Beori wangumwamuka; ndi cho chinguŵako kutuwa ku Shitimi ku Gilgala, mwakuti muziŵe milimu ya utaski wa Ambuya.”

Nahumu 2:12

Nkharamo yaparuwa nyama kwakuyana ndi ŵana ŵake, ndi kupikitiya zinthukazi; yazaza mphanji zake ndi vyakuparuwa-paruwa, ndi mazenje ghake ndi nyama yakutwazuwa.

Mateyu 12:14

Kweni ŵafarisi, ŵangutuwamo, ŵangupangirana upu paku iyo, mo ŵamunangiyenge.

Mateyu 26:4

ndipo ŵangupangana kumko Yesu mu uchenjezi, ndi kumubaya.

Marko 15:1

Ndipo sosonukweni ku mlenji-lenji ŵangupanga upu ŵazukuru ŵara pamoza ndi ŵara ndi ŵalembi, ndi upu wose, ndipo ŵangumumanga Yesu ndi kuruta nayo, kwaku Pilato,

Yohane 12:10

Ŵazukuru ŵara ŵangupangirana kuti Lazaro nayo Wabaye;