Danyele 6:4 - Tonga Bible 1986

⁴ Viyo ŵarongozgi wo ndi mafumu ŵangupenja kafukwa kakumikirana ndi Danyele pa makani gha ufumu; kweni ŵengavi kusaniya nthowa nanga nkhafukwa kakumutole makani, chifukwa wenga wamagomezgeka, ndipo pengavi ubudi pamwenga kafukwa kakusanirika mwake.

Danyele 6:4 ပူးပေါင်းရင်းမြစ်များ

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

Chiyambo 43:18

Ndipo ŵanthu wo ŵangutenthema chifukwa ŵangutoleke ku nyumba yaku Yosefe. Ndipo ŵanguti, “Nchifukwa cha ndrama zenizo zinguwezgeke mu mathumba ghidu, nyengo yiya yakudanga, ndichu taserezgeke mu nyumba alinga kuti wasaniye nyengo ya paku ifwe ndi wativumbatiye, fyefyeke kutichita uŵanda, ndi kuphanga Mbunda zidu.”

Nthanthi 29:27

Munthu wambura kuchita urunji mbukazuzi ku murunji, kweni mweniyo nthowa yake njakunyoroka mbukazuzi ku wamphulupulu.

Wakutaula 4:4

Penipo ndinguwona kuti milimu yose ndi umisiri wose mu nchitu utuza kutuliya mu sanji ya munthu ndi mwanasi wake. Ichi nachu nchawaka ndi suzgu ya mtima.

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Yeremiya 18:23

Kweni, imwe Ambuya, muziŵa viŵembo vyawo vyose kuti ŵandibaye. Mungaŵagowoke cha mautimbanizi ghawo, pamwenga kuzimwa uheni wawo pa maso pinu. Chondi muŵathereske paurongo pinu; muŵarange mu nyengo ya ukari winu.

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”

Yeremiya 29:7

Kweni penjani chimangu cha msumba wo ndikukutumaniko, ndipo urombiyeni ku Ambuya, pakuti mu chimangu chake mukasaniyanga chimangu.

Danyele 3:8

Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Danyele 5:12

chifukwa mzimu wamampha, kuziŵa, ndi vinjeru kung'anamuwa maloto, kukonkhoska vyakuzizika, ndi kurongoso maunonono vingusanirika mwaku Danyele uyu; mweniyo karonga wangumudana zina lakuti Belteshazara. Danyele wadanike ndipo wazakukuneniyani kang'anamuridu ka loto.”

Danyele 6:22

“Karonga muŵi ŵamoyo muyaya! Chiuta wangu watuma mungelo wake, wajara milomo ya nkharamu, ndipo kuti zandipweteka cha, chifukwa ndasanirika wambura kalema paurongo pake, ndipo so paurongo pinu, ndilivi kuchita kaheni, a karonga.”

Mateyu 26:4

ndipo ŵangupangana kumko Yesu mu uchenjezi, ndi kumubaya.

Mateyu 27:18

Chifukwa wanguziŵa kuti nchifukwa cha chiŵinu ndichu ŵangumpereke.

Luka 20:20

ndipo ŵangumkhazga ndi ŵangutuma ŵaskoli wo ŵangujiŵikamo kuŵa ŵarunji, alinga kuti ŵamko ndi mazu ghake, viyo kuti ŵampereka ku cheruzgu ndi ku mtufu wa nduna.

Luka 20:26

Ndipo kuti ŵanguziŵa cha kumko ndi kanenedu ko paurongo pa khamu lo: ndipo ŵanguzizwa ndi kwamuka kwake ŵanguchetama.

Luka 22:2

Ndipo ŵapenjanga ŵazukuru ŵara ndi ŵalembi mo ŵambayiyenge; chifukwa wopanga khamu lo.

Yohane 19:4

Ndipo wangutuwa so Pilato, wangunena nawo, “Onani, ndimutuzgiyenge kunu kubwaro kwaku imwe, alinga kuti muziŵe kuti ndirive kusaniya kafukwa kose kwaku iyo.”

2 ŴaKorinte 11:12

Kweni chenicho ndichita, ndicho ndikachitanga, mwakuti ndidumuweko fundu kwaku wo ŵakhumba kujimemeza mu kujikuzga ndikutumika kwawo kuti ŵateŵeta nge ndifwe.

ŴaFilipi 2:15

alinga kuti muŵe ŵambura masumulika ndi ŵazizimu, ŵana ŵaku Chiuta ŵambura kalema mukati mu mgonezi wakunyongoroka ndi wakupuruska, mwaku wo muwoneka ulaka ndi vyenje me charu,

1 Timote 5:14

Viyo na ndikhumba vimanako kuŵirwa so, kupapa ŵana, kuruliska nyumba, kupaska nyengo cha ku ŵamawongu yaku titukiya:

Tito 2:8

kakambidu kazirima, ko nkhambura masuskika; alinga kuti yo ngwakumikana nafwe walengeskeke, pakuuravi kaheni kakwachisumuliya iwe.

1 Petro 2:12

Muŵe ndi kajaridu kakutowa mu ŵaMitundu wo; alinga kuti, mwaku chenicho ŵangasuza paku imwe uli mbakuchita uheni, pakuthoŵa nchitu zinu zakutowa ŵakankhuske Chiuta mu zuŵa la kuza kwake.

1 Petro 3:16

pakuŵa ndi njuŵi yamampha; viyo kuti mwaku chenicho musuzgika ŵalengeskeke wo ŵaparamula kajaridu kinu kamampha ka mwaku Kristu.

Ŵeruzgi 14:4

Awiske ndi anyina kuti ŵanguziŵa cha kuti chingutuliya ku Ambuya; pakuti apenjanga nyengo ya kumikana ndi ŵaFilisti pa nyengo yiya ŵaFilisti ŵenga muwusu paku Yisraele.

1 Samuele 12:4

Ŵanthu ŵanguti, “Kuti mwatipusika chingana nkhutikandirizga cha, kuti mwatoko kanthu ku janja la munthu cha.”

1 Samuele 18:14

Ndipo Davidi wanguchita umamphavi nchitu zose zo zingupaskika kwake; chifukwa Ambuya ŵenga nayo.

1 Samuele 22:14

Sono Ahimeleke wangwamuka karonga, “Ndiyani mukati mu ŵateŵeti ŵinu wose yo ngwamagomekezgeka nge ndi Davidi yo ndi mkosanu wa karonga, nduna ya liŵanja lo lisunga imwe, ndipo waulemu mu nyumba yinu?