Danyele 5:8 - Tonga Bible 1986

⁸ Viyo wose ŵavinjeru ŵa karonga ŵangusere, kweni kuti ŵanguziŵa kuŵerenga lembo lo cha nanga nkhumunene karonga kang'anamuridu kake.

Danyele 5:8 ပူးပေါင်းရင်းမြစ်များ

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Yesaya 47:9

Ivi vinthu viŵi vikazanga kwako mu kanyengo, pa zuŵa limoza pe; nyifwa za ŵana ndi uchoko vikazanga pako mwa nthazi zikuru, nanga ŵa vyanusi ŵako ŵangaŵa ŵanandi ndi nthazi yikuru ya mayera ghako.

Yeremiya 50:35

Lipanga pa ŵaKaldiya, atiti Ambuya, ndi pa ŵakuja mu Babiloni, ndi pa ŵaraŵara ŵake ndi ŵanthu ŵake ŵa zeru!

Danyele 2:27

Danyele wangwamuka karonga wanguti, “Palivi ŵanthu ŵazeru, manyi mbaziŵi nyenyezi, ŵaukwi, pamwenga ŵakuziŵa zinyengo wo ŵangaziŵa kunena chamuchibisibisi cho karonga wafumba.

Danyele 4:18

Ili ndilo loto ine karonga Nebukadanezara ndingulota. Ndipo iwe Belteshazara, undinene kang'anamuridu kake; pakuti ŵanthu wose ŵa vinjeru ŵamu ufumu wangu ŵatondeka kundinene kang'anamuridu kake. Kweni iwe uziŵa, chifukwa mzimu wa ŵachiuta ŵatuŵa we mwaku iwe.”

Danyele 4:4

Ine, Nebukadanezara, ndenga wakupumuwa mu nyumba yangu ndi wakusakata mu nyumba yangu ya ufumu.

Danyele 4:7

Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.

Danyele 5:15

Sono ŵazeru ndi ŵamaula, ŵangutoreke muno paurongo pangu kuti ŵaŵerenge lembo ili, ndi ŵandiziŵiske kang'anamuridu kake; kweni kuti ŵangundiziŵiska cha kang'anamuridu ka lembo ili.