Danyele 5:7 - Tonga Bible 1986

⁷ Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Danyele 5:7 ပူးပေါင်းရင်းမြစ်များ

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Estere 3:1

Pavuli pa vinthu ivi karonga Ahaswerusi wangumtumphuwa Hamani mwana waku Hamedata mu Agagi, wanguŵika chitengo chake pachanya pa vitengo vya ŵakaronga wose wo wenga nawo.

Chituwa 7:11

Sono Farao wangudana ŵazeru ndi ŵavyanusi, ndipo so, ŵakuwukwa ŵaEgipiti ŵanguchita kwakukozgana ndi mayera ghawo.

Nthanthi 1:9

pakuti ivi ndi mwenera wa mutu wako ndi mukanda wa khosi lako.

Sumu ya Zisumu 1:10

Matakama ghako ngakutowa ndi vitowelo, khosi lako ndi mapheska gha vyakugadima.

Yesaya 47:13

Wavuka ndi fundu zako zinandi; ŵareke ŵame ndi ŵakutaske ŵeniwo ŵagawa machanya, wo ŵalereska pa nyenyezi, wo pa liŵali la mwezi ŵaloska chenicho chikakuŵiyanga.

Yeremiya 50:35

Lipanga pa ŵaKaldiya, atiti Ambuya, ndi pa ŵakuja mu Babiloni, ndi pa ŵaraŵara ŵake ndi ŵanthu ŵake ŵa zeru!

Ezekiele 16:11

Ndingukusatira so ndivyakusatiriya, ndingukuvwarika makoza mu manja ndi mukanda pa khosi lako.

Danyele 1:20

Mu makani ghose gha vinjeru ndi ghakukhumba kuwamo gho wanguŵafumba wanguŵasaniya kuti mbavinjeru kuruska ŵaukwi ndi ŵaziŵi nyenyezi wose wo ŵenga mu chigaŵa cha ufumu wake.

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 2:2

Viyo karonga wangulangula kuti ŵaukwi, ŵaziŵi nyenyezi, ŵakuwombeza, ndi ŵaKaldiya ŵadanike kuzachivumbuliya karonga maloto ghake. Viyo ŵanguza ndi ŵanguma paurongo pa karonga.

Danyele 2:27

Danyele wangwamuka karonga wanguti, “Palivi ŵanthu ŵazeru, manyi mbaziŵi nyenyezi, ŵaukwi, pamwenga ŵakuziŵa zinyengo wo ŵangaziŵa kunena chamuchibisibisi cho karonga wafumba.

Danyele 2:48

Viyo karonga wangupaska Danyele ulemu ndi vyawanangwa vinandi, ndi kumumika kuŵa wakuwusa chigaŵa chose cha Babiloni.

Danyele 2:6

Kweni asani mungandiziŵiska cho loto lo ling'anamuwa, murondenge vyawanangwa, mphoto ndi ulemu ukuru. Viyo ndiziŵiskeni loto lo ndi cho ling'anamuwa.”

Danyele 4:14

Wangudanirizga ndi wanguti ‘Temiyani pasi muti ndi panthani mphanda zake, puluwani mani ghake ndi parghang'ani vipasi vyake; nyama zituwemu musi mwake, ndi viyuni vituwemu mu mphanda zake.

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Danyele 5:15

Sono ŵazeru ndi ŵamaula, ŵangutoreke muno paurongo pangu kuti ŵaŵerenge lembo ili, ndi ŵandiziŵiske kang'anamuridu kake; kweni kuti ŵangundiziŵiska cha kang'anamuridu ka lembo ili.

Danyele 5:16

Kweni ndavwa kuti uziŵa kundinene kang'anamuridu ndi kufwatuwa maunonono. Sono asani ungaŵerenga lembo ndi kundiziŵiska kang'anamuridu kake, ukavwarikikanga vyakuvwara vichesamu ndi ukufu wa golide mu khosi lako, ndi ukaŵanga wakuwasa wachitatu mu ufumu wangu.”

Danyele 5:29

Viyo Beleshazara wangulangula kuti Danyele wavwarikike nkhazu ndi ukufu mu khosi lake, ndipo kunguwandiskika kuti waŵi wakuwusa wachitatu mu ufumu.

Maŵerengedu 22:17

chifukwa kwakuneneska ndikakuchitiyanga ulemu ukuru kwakuruska, ndipo chose cho ukandineniyanga nkhachitanga, zanga uzinditembe ŵanthu yaŵa.’ ”

Maŵerengedu 22:7

Viyo ŵara ŵaMoabu ndi ŵaMidiani ŵanguruta pamoza ndi mphoto ya kwachiwombeze; ŵangufika kwaku Balamu, ŵangumukonkhome uthenga waku Balaki.

Maŵerengedu 24:11

Chifukwa chenichi sono rutanga ku malo ghako; Ndingunena kuti, ‘Kwakuneneska ndikuchitiyenge ulemu,’ kweni Ambuya amika ulemu wako.”

1 Samuele 17:25

ŴaYisraele ŵanguti, “Mwamuwona munthu uyu yo watikwere? Ndithu waziya kwazinyoaza Yisraele; ndipo munthu yo wangabaya karonga wamusambasiskenge ndi usambasi unandi, ndipo wampaskenge mwana wake munthukazi, nyumba ya awiske nayo yisanduskikenge kuŵa yanangwa mu Yisraele.”