Danyele 5:23 - Tonga Bible 1986

²³ kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 5:23 ပူးပေါင်းရင်းမြစ်များ

Chiyambo 14:19

Ndipo wangumutumbika ndiwanguti, “Watumbikike Abramu ndi Chiuta Wapachanya Limu, Mlengi wa Kuchanya ndi pasi;

Chiyambo 2:7

Sono Ambuya Chiuta wangulenga munthu ndi fuvu la nyata, ndipo wangututiya mu mphunu zake mvuchi wa umoyo, ndipo munthu wanguŵa wamoyo.

2 ŴaKaronga 14:10

Kwakuneneska iwe waphwanya ŵaEdomu, ndipo mtima wako wajikuzga ukongwa. Ukhorwe ndi unkhankhu wako, jijaliyenge pa muzi wako; chifukwa nchine ukhumba kujisosomole suzgu kuti ubwanganduke, iwe ndi Yuda pamoza nawe?”

Jobu 12:10

Mu janja lake mwe umoyo wa chinthu chose cha moyo, ndi mvuchi wa ŵanthu wose.

Jobu 31:4

Kumbi iyo kuti wawona nthowa zangu cha, ndi kuŵerenga michapo yangu yose?

Sumu 104:29

Asani mwabisa chisku chinu, vichita mantha; ndipo asani mwatuzgako mvuchi winu, vitufwa; ndi kuwere ku dongo ko vingutuliya.

Sumu 115:16

Kuchanya nkhuchanya kwa Ambuya, Kweni charu chapasi akupaska ku ŵana ŵa ŵanthu.

Sumu 139:3

Mupenja nthowa yangu kugona pasi kwangu; muziŵa menderu ghangu ghose.

Sumu 146:4

Asani mwake mvuchi watuwa wawere ku dongo; pa zuŵa leniliya maghanaghano ghake ghose ghagota.

Nthanthi 20:24

Michapu ya munthu yilangulika ndi Ambuya; na munthu wangawamo uli nthowa yake?

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 14:13

Ungukamba mu mtima wako, ‘Ndikakweriyanga kuchanya, pachanya pa nyenyezi zaku Chiuta ndikajarikanga chitengu changu pachanya; ndikajanga pa phiri la unganu kutali ku nkhonde,

Yesaya 2:12

Pakuti Ambuya ŵa maŵanja ŵendi zuŵa lakumikana ndi wose wo mbakujikuzga ndi akujikwezga, lakumikana ndi wo ŵakukwezgeka wo ŵe pachanya,

Yesaya 33:10

“Sono ndi kasokanga,” atiti Ambuya, “sono ndikajitumphuskanga; sono ndikakankhuskikanga.

Yesaya 37:19

ndipo ŵapong'a pa moto ŵachiuta ŵawo; pakuti kuti ŵenga ŵachiutadi cha, kweni ndi nchitu ya manja gha ŵanthu miti ndi mya; chifukwa chenichi ŵakuphwanyika.

Yesaya 37:23

“ ‘Njani mweniyo wayeya ndi kulambwaza? Mphaku yani po wasoske mazu ghako ndipo wasoskiyapo maso ghako ndi kujikuzga? Mpha Mtuŵa Yumoza yo waku Yisraele!

Yesaya 42:5

Viyo ndimu wakambiya Chiuta, Ambuya, mweniyo wangulenga machanya ndi kughatambaruwa, mweniyo wangutandika charu chapasi ndi vyo vituwa mwenimo, yo wapaska mvuchi ku ŵanthu wo ŵaja penipo ndi mzimu kwaku wo ŵatenda mwenimo:

Yeremiya 10:23

Ndiziŵa, Ambuya, kuti nthowa ya munthu kuti ye mwaku iyo mweneko cha, kuti nkhwa munthu yo watenda cha kunyoroska menderu ghake.

Yeremiya 48:26

“Muloŵereskeni, chifukwa wangujikuzga kulimbana ndi Ambuya; viyo kuti Moabu wakakunkhurukanga mu maukuzi ghake, ndipo iyo nayo wakajanga mu kusekeka.

Yeremiya 50:28

“Avwani! Ŵathaŵa ndi kunyeremuka ku charu cha Babiloni, kwachitaula mu Zioni thayu la Ambuya Chiuta widu, thayu lapa kasopi wake.

Yeremiya 50:29

“Danani wakupong'a uta kumikana ndi Babiloni, wose wo mbakutweŵa uta. Goŵani kwakumuzunguliya: kupozomoskapo nanga njumoza cha. Mumuwezge kwakulingana ndi nchitu zake, mu muchitiye iyo kwakulingana ndi vyose vyo wachita, pakuti ndi kujikuzga kwake watafuliya Ambuya, Wakupaturika Yo waku Yisraele.

Ezekiele 28:17

Chifukwa cha kutowa kwako mtima wako ungujikuzga; unguvundiska vinjeru vyako chifukwa cha kugadima kwako. Ndingukupong'a pasi; ndingukujarika nkhuli paurongo pa ŵakaronga, kugutiska maso ghawo paku iwe.

Ezekiele 28:2

“Mwana wa munthu, kamba ndi karonga waku Turo, Viyo atiti Ambuya Chiuta: Chifukwa cha kujikuzga kwa mtima wako, ndipo wakamba kuti ‘Ndine chiuta, ndija pa chitengo cha ŵachiuta, mukati mu zinyanja,’ kweni ndiwe munthu, kuti we chiuta cha, nanga wamweni utijipima kuŵa wazeru nge ndi chiuta.

Ezekiele 28:5

ndi chinjeru chako chikuru mumaronda wandaniska mausambasi ghako, viyo mtima wako waŵa wakujikuzga mu usambasi wako;

Ezekiele 31:10

“Viyo atiti Ambuya Chiuta: Chifukwa chakuti ungukwera ukongwa ndi kujarika songo yake mukati mu mitambo, ndikuti mtima wake ungujikuzga chifukwa cha utali wake,

Danyele 11:12

Asani liŵanja latoreka mtima wake ujitukumuwenge, ndi wawiskenge pasi vikwi machumi ghambura kupendeka, kweni kuti wapundenge cha.

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 8:11

Lingujitukumuwa mpaka lingufika ku karonga wa liŵanja; ndipo sembe yakocha ya zuŵa ndi zuŵa yingulondeka, ndi malo ghake ghakupaturika ghangubwangandulika.

Habakuku 2:4

Yo mzimu wake kuti ngwakunyoroka cha watondekenge, kweni murunji waŵenge wamoyo chifukwa cha chivwanu chake.

Machitidu gha Ŵakutumika 17:25

chingana nkhuti wateŵeteka ndi manja gha ŵanthu cha, nge ngwakukavuka kanthu, pakuŵa mweneko wakupaska wose umoyo, ndi mvuchi, ndi vyose;

1 ŴaKorinte 8:4

Viyo kuchiri ku chakurgha cha vyakubayikiya vyangoza tiziŵa kuti, “Changoza kuti nkhanthu cha mu charu,” ndipo kuti, “Palive chiuta kweni yumoza pe.”

1 Timote 3:6

Mteta cha, vinu pakututumuka wangawiya mu chisusa cha diabolo.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.

Chivumbuzi 9:20

Ndipo ŵakujapo ŵa ŵanthu, wo ŵengavi kubayika ndi videru ivi ŵengavi kunyongokako ku nchitu za manja ghawo, kuti ŵareke, kulambiya ŵademone, ndi vyangoza vyo vya golide ndi vya siliva, ndi vya mkuŵa, ndi vya mwa, ndi vya muti; vyenivyo virive kuziŵa kulereska, chingana nkhuvwa, chingana nkhwenda;

Ŵeruzgi 16:23

Sono mafumu gha ŵaFilisti ghanguwungana pamoza kupereka mpasku ukuru kwaku Dagoni chiuta wawo, ndi kukondwere, pakuti ŵatinge, “Chiuta widu wapereka Samsoni wakupindikana widu mu janja lidu.”

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

1 Samuele 17:36

Ndamteŵeti winu ndabayapo zinkharamu ndi ŵachipembere ndipo muFilisti uyu wambura kuchinjika wakaŵanga nge njimoza yaku zo, pakuti wanoza maŵanja ghaku Chiuta wamoyo.”