Danyele 5:2 - Tonga Bible 1986

² Beleshazara wanguti walaŵa vinyo, wangulangula kuti ŵazi navyo viyaŵi vya golide ndi siliva vyo vingutoreka ndi wiske Nebukadanezara mu nyumba yaku Chiuta mu Yerusalemu, mwakuti karonga, mafumu ghake, ŵawoli ŵake, ndi mabwezi ghake ghanthukazi ŵamwiyemo.

Danyele 5:2 ပူးပေါင်းရင်းမြစ်များ

2 Samuele 9:7

Davidi wangunena nayo, “Ungopanga; pakuti ndikurongonge lisungu pa chifukwa cha ausu Jonafani, ndipo nkhakuwezgiyanga charu chose chaku Sauli ausu; ndipo ukarghanga pa gome langu mazuŵa ghose.”

2 ŴaKaronga 24:13

ndipo wangunyamuwa vyamu mbiku ya nyumba ya Ambuya, ndi vyamu mbiku ya nyumba ya karonga, wangudumuwa tumana-tumana viyaŵi vyose vya golide mu kasopi wa Ambuya vyo karonga Solomoni wangupanga uli ndimo Ambuya angumupangizgiya pakudanga.

2 ŴaKaronga 25:15

mazinga ghakuyore moto ndi mabakuli viyo. Cho chenga cha golide nduna ya ŵalonda ŵa karonga yinguruta nacho nge ndi golide, ndipo cho chenga cha siliva yinguruta nacho nge ndi siliva.

2 Mikoka 11:20

Pavuli pake wanguto Maka mwana waku Absolomu, yo wangumbariya Abija, ndi Atai, ndi Ziza, ndi Shelomoti.

2 Mikoka 15:16

Chingana ndi Maka ŵanyina, Asa wanguŵatuzgamo mu ufumukazi wawo chifukwa ŵanguchita chikozgu cha Ashera. Asa wangudumuliya pasi chikozgu ndi kuchipikitapikita, ndi kuchocha ku msinji Kidroni.

2 Mikoka 36:10

Mu nyengo ya chifuku Nebukadanezara wangutuma ŵanthu kuza nayo ku Babiloni pamoza ndi viyaŵi vya nyumba yaku Chiuta, wangumika Zedekiya mbali wake kuŵa karonga mu Yuda ndi mu Yerusalemu.

2 Mikoka 36:18

Ndipo ndi viyaŵi vyose vya nyumba yaku Chiuta vikuru ndi vimana ndi uromba wamu nyumba ya Ambuya, ndi uromba wa karonga ndi ŵakaronga ŵake, vyose wanguza navyo ku Babiloni.

Ezra 5:14

Ndipo viyaŵi navyo vya golide ndi siliva vyamu nyumba yaku Chiuta, vyo Nebukadanezara wanguto, kuvituzga mukasopi yo wenga mu Yerusalemu, wanguviŵika mu nyumba ya ŵachiuta ŵaku babiloni. Kweni Sirusi karonga waku Babiloni wanguvituzga mu nyumba ya ŵachiuta mu Babiloni, ndipo wanguvipereka ku munthu zina lake Shesebazara, yo wangumuŵika kuŵa mumirizi.

Yeremiya 27:7

Mitundu yose yikamuteŵetiyanga iyo ndi mwana wake ndi ŵazuku ŵake, mpaka penipo nyengo ya kunangiya charu chake yafika, po ndipo mitundu yinandi ndi ŵakaronga ŵakuzirwa ŵazakumusanduska kuŵa muŵanda wawo.

Yeremiya 50:35

Lipanga pa ŵaKaldiya, atiti Ambuya, ndi pa ŵakuja mu Babiloni, ndi pa ŵaraŵara ŵake ndi ŵanthu ŵake ŵa zeru!

Yeremiya 52:19

ndi mbale zimana-zimana, vyakupariyapo moto, mabeseni, mimphika, vyakuŵikapo nyali, mbale za vyachema, ndi mbale za vyakudiriya. Vyo vyenga vya golide, nduna yinguruta navyo kuvyesa nge ndi golide, ndi vyo vyenga vya siliva, kuvyesa nge ndi siliva.

Danyele 1:2

Ndipo Ambuya angupereka Yehoyakimu karonga waku Yuda mu janja lake, pamoza ndi viyaŵi vinyake vya nyumba yaku Chiuta. Wanguvitole ku charu cha Shinara, mu nyumba yaku chiuta wake; ndi wanguviŵika viyaŵi mu malo ghakusungiyamo usambasi waku Chiuta wake.

Danyele 5:11

Walimu munthu mu ufumu winu mwaku yo mwe mzimu wa ŵachiuta ŵatuŵa. Mu mazuŵa gha auskemwe, ukweru, vinjeru, ndi zeru nge ndi zeru za ŵachiuta vingusanirika mwaku iyo. Karonga Nebukadanezara uskemwe, wangumumika kuŵa mura wa ŵaukwi, ŵamaula, ŵaKaldiya, ndi ŵaziŵi nyenyezi,

Danyele 5:13

Viyo Danyele wangutoreke paurongo pa karonga. Karonga wanguti kwaku Danyele, “Iwe ndiwe yo Danyele yumoza wa ŵamikoli ŵaku Yuda, mweniyo ada karonga ŵangutuwa nayo ku Yuda.

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Danyele 5:23

kweni wajisoska wamweni kulimbana ndi Ambuya wa kuchanya. Viyaŵi vya mu nyumba yawo vyatoreke paurongo pinu, imwe ndi nduna zinu, ŵawoli ŵinu, ndi mabwezi ghinu ghanthukazi mwamwiyamu vinyo; mwakankhuska ŵachiuta ŵa siliva ndi golide, mkuŵa, chisulo, muti, ndi mwa, ŵeniwo kuti ŵawona cha, chingana nkhuvwa, pamwenga kuziŵa; kweni Chiuta mu manja ghaku mweniyo mwe mvuchi winu, ndi mwaku mweniyo mwe nthowa zinu zose, kuti mwamukankhuska cha.

Danyele 5:3

Viyo ŵanguza navyo viyaŵi vya golide ndi vya siliva vyo vingutoreka mu nyumba yaku Chiuta mu Yerusalemu; ndipo karonga, mafumu ghake, ŵawoli ŵake, ndi mabwezi ghake ghanthukazi ŵangumwiyamo mwaku vyo.

Danyele 5:30

Mu usiku weniuwa Beleshazara karonga wa ŵaKaldiya wangubayika,

Danyele 5:4

Ŵangumwa vinyo ndi ŵangukankhuska ŵachiuta ŵa golide ndi siliva, ŵa mkuŵa, ŵa chisulo, ŵa muti, ndi ŵa mwa.

Maŵerengedu 7:79

mpasku wake wenga chiŵiya cha siliva, cha uzitu wa mashekelo machumi pe chumi pachanya machumi ghatatu (130), mbali ya siliva ya mashekelo machumi ghankhonde ndi ghaŵi (70), ghakuyana ndi shekelo la nyumba yakupaturika, vyose viŵi vyakuzaza ndi ufwa wamampha wakusazgika mafuta, kuŵa mpasku wa ufwa;