Danyele 5:14 - Tonga Bible 1986

¹⁴ Ndavwa ndi iwe kuti mzimu wa ŵachiuta ŵatuŵa we mwaku iwe, ndi kuti ukweru, vinjeru, ndi zeru zakufikapo visanirika mwaku iwe.

Danyele 5:14 ပူးပေါင်းရင်းမြစ်များ

Chiyambo 41:15

Ndipo Farao wanguti kwaku Yosefe, “Ine ndikulota loto, kweni palivi yumoza waziŵa kuling'anamuwa; ndipo ine ndavwa ku ŵakukamba ghaku iwe kuti assani wavwa loto uziŵa kuling'anamuwa.”

Chiyambo 41:38

Ndipo Farao wanguti ku ŵateŵeti ŵake, “Kumbi tingaziŵa kusaniya munthu wakuŵa nge ndi uyu, mwaku yo mwe mzimu waku Chiuta?”

Danyele 2:22

wavumbuwa vyamu ndimba ndi vinthu vyamuchibisibisi, waziŵa cho chemu mdima, ndi ukweru we kwaku iyo.

Danyele 4:8

Kweni pavuli wangusere Danyele ndi wanguma panthazi pangu yo wadanika so Belteshazara, lo lenga zina laku chiuta wangu, mwaku yo mwe mzimu wa ŵachiuta ŵatuŵa, ndingumunene loto kuti,

Danyele 5:13

Viyo Danyele wangutoreke paurongo pa karonga. Karonga wanguti kwaku Danyele, “Iwe ndiwe yo Danyele yumoza wa ŵamikoli ŵaku Yuda, mweniyo ada karonga ŵangutuwa nayo ku Yuda.

Danyele 5:15

Sono ŵazeru ndi ŵamaula, ŵangutoreke muno paurongo pangu kuti ŵaŵerenge lembo ili, ndi ŵandiziŵiske kang'anamuridu kake; kweni kuti ŵangundiziŵiska cha kang'anamuridu ka lembo ili.

Danyele 6:3

Paku yaŵa ŵatatu, ndi mukati mu mafumu ghose, Danyele wangusanirika wamagomekezgeka chifukwa mzimu umphemphyemu wenga mwaku iyo. Ndipo karonga wangukhumba kumukwezga kulamula ufumu wose.