Danyele 4:7 - Tonga Bible 1986

⁷ Viyo ŵaukwi, ŵakombeza, ŵaKaldiya, ndi ŵaziŵi nyenyezi ŵangusere; ndipo ndinguŵanene loto, kweni kuti ŵanguziŵa kundiziŵiska cha kang'anamuridu kake.

Danyele 4:7 ပူးပေါင်းရင်းမြစ်များ

Chiyambo 41:24

ndipo masoyo ghakonda ghangumeza masoyo gha ghamampha ghankhonde ndi ghaŵi. Ndipo ndinguŵanene ŵavyanusi, kweni pengavi yumoza yo wanguziŵa kulikonkhoska loto lo kwaku ine.”

Chiyambo 41:8

Viyo ndi mlenji mzimu wake ungusuzgika; ndipo wangutuma ndi wangudana ŵavyanusi wose ŵamu Egipiti ndi ŵazeru wose ŵa charu chiya; ndipo Farao wanguŵanduliya loto lake, ndipo pengavi yumoza yo wanguziŵa kuling'anamuwa kwaku Farao.

Sumu 37:35

Ndinguwona muheni wakujikuzga ukongwa, wakuthaza nge ndi muti wa mlanji waku Lebanoni.

Yesaya 44:25

Yo wasuska vyakuloska vya ŵatesi, ŵakombezi wati ŵasanduska ŵabeleŵeza; mweniyo wawezge vuli ŵanthu ŵazeru, ndipo zeru yawo yisanduka kupusa;

Ezekiele 31:3

Ehe, ndikulinganizgenge ndi sidaramu Lebanoni, ndi mphanda zamampha ndi mduzi wa mulisuwa, wa msinkhu utali, kusongo kwake kwe mukati mu mitambo.

Danyele 1:4

Ŵanyamata ŵambura kalema, ŵakutowa, ŵakuwamo vinjeru vyose, ŵakuzazika ndi mziŵiro, ŵakuwamo visambizgu, ndi ŵakuziŵa kuteŵeta mu nyumba ya karonga, ndi kusambizgika malembo ndi mazu gha ŵaKaldiya.

Danyele 2:10

ŴaKaldiya ŵangumwamuka karonga kuti, “Palivi munthu panu pasi yo wangaziŵa kufikapo pa khumbo la karonga; chifukwa paŵavi karonga mukuru ndi wamazaza yo wadanga wafumbapo chinthu nge ndi ichi ku ŵaukwi, pamwenga ŵaziŵi nyenyezi, pamwenga ku ŵaKaldiya.

Danyele 2:27

Danyele wangwamuka karonga wanguti, “Palivi ŵanthu ŵazeru, manyi mbaziŵi nyenyezi, ŵaukwi, pamwenga ŵakuziŵa zinyengo wo ŵangaziŵa kunena chamuchibisibisi cho karonga wafumba.

Danyele 2:7

Ŵangwamuka kachiŵi, ŵanguti, “Karonga watinene taŵaŵanda ŵake loto, ndipo timuziŵiskenge cho ling'anamuwa.”

Danyele 3:8

Viyo pa nyengo yeniyo ŵaKaldiya ŵanyake ŵanguza ndi ŵangupacha ŵa Yuda.

Danyele 4:18

Ili ndilo loto ine karonga Nebukadanezara ndingulota. Ndipo iwe Belteshazara, undinene kang'anamuridu kake; pakuti ŵanthu wose ŵa vinjeru ŵamu ufumu wangu ŵatondeka kundinene kang'anamuridu kake. Kweni iwe uziŵa, chifukwa mzimu wa ŵachiuta ŵatuŵa we mwaku iwe.”

Danyele 5:7

Karonga wangudanirizga kuti ŵazi nawo ŵamaula, ŵaKaldiya, ndi ŵaziŵi nyenyezi. Karonga wanguti ku ŵanthu ŵavinjeru ŵamu Babiloni, “Yose yo wangaŵerenga lembo ili ndi kundinene kang'anamuridu kake, wakavwarikikanga vyakuvwara vichesamu ndi ukufu wa golide mu khosi lake, ndipo wakaŵanga wakuwusa wachitatu muufumu wangu.”

Danyele 5:8

Viyo wose ŵavinjeru ŵa karonga ŵangusere, kweni kuti ŵanguziŵa kuŵerenga lembo lo cha nanga nkhumunene karonga kang'anamuridu kake.