Danyele 4:34 - Tonga Bible 1986

³⁴ Pa umari wa mazuŵa, ine Nebukadanezara, ndinguyinuskiya maso ghangu kuchanya, ndipo zeru zangu zinguweremu. Ndingutumbika Wapachanya Limu, ndingumuthamika ndi kumukankhuska mweniyo wajaririya muyaya: chifukwa muwusu wake ndi muwusu wambura kumara, ndipo ufumu wake ujaririya ku migonezi;

Danyele 4:34 ပူးပေါင်းရင်းမြစ်များ

2 Samuele 22:31

Chiuta uyu nthowa yake njakufikapo phanganu la Ambuya la woneka kuti ndauneneska; nguru ndiyo kwaku wose wo ŵadingang'a mwaku iyo.

1 Mikoka 29:10

Viyo Davidi wangutumbika Ambuya paurongo pa wumba wose, wanguti: “Mwakutumbikika ndimwe, Ambuya, Chiuta waku Yisraele auskefwe, muyaya ndi muyaya.

1 Mikoka 29:13

Ndipo sono Chiuta widu timuwongane ndi kukankhuska zina linu lakutumbikika.

Jobu 1:21

Wanguti, “Ndinguza wankhuli kutuwa mu nthumbo ya ama ndipo wankhuli nkhawenga, Ambuya angundipaska, ndipo Ambuya alonda, litumbikike zina la Ambuya.”

Sumu 10:16

Chiuta ndi karonga ku muyaya ndi muyaya; ŵamitundu ŵakaparghang'ikanga mu charu chake.

Sumu 102:24

Mwa Chiuta wangu, ndititi, rekani kundito sono, ndenga ndindakote! Ambuya imwe mwe akujaririya muyaya.

Sumu 107:15

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

Sumu 107:22

Nadi ŵapereke sembe za kuwonga, ndi kutaula nchitu zawo mu sumu za chimwemwe.

Sumu 107:31

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu.

Sumu 107:8

Ŵawonge Ambuya chifukwa cha chanju chawo chakufikapo, chifukwa cha milimu yawo yakuziziswa pa ŵana ŵa ŵanthu!

Sumu 111:7

Mwaku vyose vyo achita mbakongorekwa ndi ŵarunji; marangu ghawo ghose ngamagomekezgeka.

Sumu 121:1

Ndiyinuskiya maso ghanguku mapiri; chituliyenge pani chovyo changu?

Sumu 123:1

Kwaku imwe ndiyinuskiya maso, kuchanya, ko imwe muwusa!

Sumu 145:13

Ufumu winu ngwamuyaya, ndipo kuusa kwinu nkhwa migonezi ndi migonezi. Ambuya mbakongorekwa mu mazu ghawo ghose, ndi amampha mwaku chose cho achita.

Sumu 146:10

Ambuya akausanga muyaya! Chiuta wako, Zioni we, ku migonezi yose! Rumbani Ambuya!

Sumu 50:14

Kombole kwaku Chiuta chisopo cha kuwonga, ndipo pereka marapu ghako ku wapachanya limu;

Sumu 66:7

ngwa kuwusa muyaya ndi mazaza ghake, maso ghake ghe pa mitundu ya ŵanthu. Ŵakutwanga ŵareke kujitumphuska paku iyo!

Sumu 7:17

Ndiperekenge viwongo kwaku Chiuta kwakuyana ndi urunji wake, ndipo ndikoŵeriyenge ku zina la Ambuya apachanya ukongwa.

Sumu 9:2

Ndikondwenge ndi kwangara mwaku imwe, ndikoŵeriyenge ku zina linu mwa ŵapachanya limu.

Sumu 92:1

Nkhwamampha kupereka viwongo ku Ambuya, kukoŵere marumbu ku zina linu, mwa Ŵapachanya Limu;

Yesaya 13:11

Ndikalanganga charu chifukwa cha uheni wake, ŵaheni chifukwa cha utimbanizi wawo, ndikagoteskanga kujikuzga kwa ŵakujitukumuwa, ndikusiskiya pasi kujikuzga kwa ŵambura lisungu.

Yesaya 2:11

Mawonekedu ghakujikuzga gha munthu ghakasiskikiyanga pasi, ndi kujikuzga kwa ŵanthu kukasiskikanga, ndipo Ambuya pe ŵija akakuzgikanga mu zuŵa lo.

Yesaya 24:15

Chifukwa cho ku vuma paskani unkhankhu ku Ambuya; mu vyaru vyalikumba la nyanja, ku zina la Ambuya, Chiuta waku Yisraele.

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

Chitenje 3:38

Kumbi kuti nkhu mlomo wa Wapachanya Limu cha; ko kutuwa chamampha ndi chiheni?

Danyele 12:7

Munthu wakuvwara bafuta, yo wenga pachanya pa maji gha mu msinji, wangusoske janja lake la marghe ndi janja lake la maze kuchanya; ndipo ndingumuvwa wakurapa paku yo ngwamoyo muyaya kuti kuŵenge kwa nyengo, nyengo ziŵi, ndi nyengo yimanavi; ndipo penipo kuparghang'a kwa nthazi za ŵanthu ŵatuŵa kwamara, vinthu vyose ivi vikamaranga.

Danyele 2:44

Ndipo mu mazuŵa gha ŵakaronga wo, Chiuta wa kuchanya wakamikanga ufumu wo kuti ubwangandulikenge cha, nanga nkhuti mazaza ghake ghapere ku fuku linyake cha. Ubwanganduwenge maufumu ghose yagha kughamara; ndipo ukaŵangako muyaya;

Danyele 4:2

Kwaŵa kwamampha kwaku ine kurongo visimikizgu ndi vyakuziziswa vyo Chiuta wapachanya limu wandichitiya.

Danyele 4:26

Kungulangulikiya kusiya chisina cha misisi ya maji, ndi kuti ufumu winu ukhonge kutuwa pa nyengo yo mukaziŵiyanga kuti Chiuta wausa.

Danyele 4:3

Mbukuru nawo wavisimikizgu vyake! Mbukuru nawo wa vyakuziziswa vyake! Ufumu wake mbufumu wa muyaya, ndipo muwusu wake ngwa mgonezi ndi mgonezi.

Danyele 4:32

ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 4:36

Pa nyengo yeniyo vinjeru vyangu vinguweremu chifukwa unkhankhu wa ufumu wangu mazaza ndi ukuru vinguweriyamu. Ŵara ŵa upu wangu ndi nduna zangu ŵangundipenja penipo ŵangujalikika mu ufumu wangu, ndi mazaza ghangukuskikiyako kwaku ine.

Danyele 5:18

Ehe, karonga, Chiuta Wamachanya wangupaska Nebukadanezara ausu ufumu, kuzirwa, unkhankhu ndi mazaza;

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Danyele 6:26

Ndimika dangu kuti mu muwusu wangu wose ŵanthu ŵatenthemi ndi kopa paurongo paku Chiuta waku Danyele. Pakuti ndi Chiuta wamoyo, wajaririya muyaya; ufumu wake kuti umarenge cha ndi muwusu wake ngwambura chigoti.

Danyele 7:14

Ndipo mtufu, unkhankhu, ndi ufumu, vingupaskika kwaku iyo, kuti ŵanthu wose, mitundu yose, ndi makambidu ghose ŵamutataliye, muwusu wake ndi muwusu wamuyaya, wo kuti umarenge cha. Ndipo ufumu wake kuti ubwangandukenge cha.

Danyele 7:27

Ufumu ndi mtufu ndi ukuru wa maufumu mu charu chose chapasi vipaskikenge kuŵanthu ŵatuŵa ŵaku Wapachanya Limu; ufumu wawo ukaŵanga ufumu wambura kumara ndi mtufu yose yikaŵateŵetiyanga ndi kuŵavwiya.’

Danyele 9:14

Pa chifukwa ichi Ambuya ŵasunga soka ili ndi ŵaliŵika paku ifwe! Chifukwa Ambuya Chiuta widu ndi murunji mu nchitu zose zo wachita, ndipo kuti tavwiya mazu ghake cha.

Yona 1:14

Chifukwa ichi, ŵanguliriya ku Ambuya, ndi ŵanguti, “Timuŵeyereni, Ambuya, tingafwa cha chifukwa cha umoyo wa munthu uyu ndipo mungaŵikanga paku ifwe cha ndopa zambura kalema; chifukwa ndimwe, Ambuya, mwachita cho nchakumukondweskani imwe.”

Mika 4:7

ŵakupunduka ndiŵachitenge kuŵa ŵakujako; ndi ŵakudikiskika kuŵa mtundu wanthazi. Ndipo Ambuya akaŵausanga mu phiri la Zioni kutuwa sono mpaka muyaya.

Luka 1:33

ndipo wakausanga nyumba yaku Yakobe muyaya; ndipo muwusu wake kuti umarenge cha.”

Luka 18:13

Kweni wamsonkho yo, wakuma kutari, kuti wakhumbanga cha kuyinuskiya chingana ndi maso ghake kuchanya, kweni wapamanthanga chifuŵa chake, wakuti, ‘A Chiuta, mupepeskeke kwaku ine ndamulakwi!’

Yohane 5:26

Chifukwa uli ndimo Dada waliri ndi umoyo mwaku yija, viyo so wampaska Mwana kuŵa ndi umoyo mwaku yija,

Marangu 32:4

“Jarawe liya, nchitu yake njakufiskika, pakuti nthowa zake zose za urunji. Chiuta ndiyo mukongorekwa ndi wambura kalema, murumji ndi wakunyoroka.

1 Timote 1:17

Kweni ku Karonga wamuyaya, mziramawoleka, wambura mawonekeka, Chiuta wayijayija, kuŵiye thamu ndi unkhankhu muyaya-muyaya. Ameni.

1 Timote 6:16

mweniyo yija we ndi uwuranyifwa wakuja mu ukweru wambura maŵandikika, mweniyo palive munthu wamwona chingana waziŵa kumwona: kwaku mweniyo kuŵiye thamu ndi mazaza ghamuyaya. Ameni.

Chivumbuzi 10:6

ndipo wangurapiya paku mweniyo ngwamoyo ku muyaya ndimuyaya, mweniyo wangulenga kuchanya ndi vya kweniko, charu ndi vya mwenimo, ndi nyanja ndi vya mwake, kuti yireke kuŵapo nyengo yakuswera so cha,

Chivumbuzi 11:15

Wangukuŵa mungelo wachinkhonde ndi chiŵi; ndipo ghanguŵapo mazu ghakuru kuchanya, ghakuti, “Ufumu wa panupasi sono ngwa Mbuyafwe, ndi waku Kristu wake, ndipo wakausanga ku muyaya muyaya!”

Chivumbuzi 4:10

ŵatuwa pasi ŵara wo machumi ghaŵi ndi ŵanayi paurongo paku yo waja pa chitengu chaufumu cho, ndi kumlambiya yo ngwamoyo ku muyaya ndi muyaya; ndipo ŵapong'a pasi ndumbu zawo paurongo pa chitengu-chaufumu cho, ŵatumba,

Chivumbuzi 4:9

Ndipo penipo pose vyamoyo vyo vipaska unkhankhu ndi rumbu ndi kuwonga kwaku yo waja pa chitengu chaufumu cho, kwaku mweniyo ngwamoyo ku muyaya ndi muyaya,