Danyele 4:32 - Tonga Bible 1986

³² ndipo ukadikiskikanga kutuwa ku ŵanthu, ndi wamuja ndi nyama zamu dondo, kweiko ukarghanga uteka nge ndi ng'ombe, ndipo nyengo zinkhonde ndi ziŵi zikujumphenge mpaka po waziŵa kuti Wapachanya Limu wausa pa ufumu wa ŵanthu, ndi kuwupaska kwaku yose yo wakhumba.”

Danyele 4:32 ပူးပေါင်းရင်းမြစ်များ

2 Mikoka 33:13

Wanguromba ndipo Chiuta wanguronde kuŵeyere kwake, wangumwezge so mu ufumu wake. Sono ndipo Manase wanguwamo kuti Ambuya ndiwo Chiuta.

Jobu 42:2

“Ndiziŵa kuti muziŵa kuchita vinthu vyose, ndipo palivi kuti ghanaghano linu lingakanizgika.

Jobu 9:12

Wonani wapoka ndiyani wangamukanizga? Ndiyani wakanenanga kwaku iyo, ‘Nchine cho uchita?’

Sumu 115:3

Chiuta widu we kuchanya, wachita chose cho wakhumba.

Sumu 135:6

Ambuya achita chose cho akhumba, kuchanyandi pa charu chapasi, mu zinyanja ndi mu zindimba viyo.

Chituwa 8:10

Ndipo iyo wanguti, “Lamawa.” Mosese wanguti, “Kuŵe uli ndimo mwanene, kuti muziŵe kuti kulivi nanga njumoza wakulingana ndi Ambuya Chiuta widu.

Chituwa 9:14

Pakuti nyengo yino yasono ndikatumanga videru vyangu vyose pa mtima wako, ndi pa ŵateŵeti ŵako ndi ŵanthu ŵako, alinga kuti muziŵe kuti kulivi nanga njumoza wakulingana ndi ine mu charu chose chapasi.

Chituwa 9:29

Mosese wanguti kwaku iyo, “Nditakuti waka tuwi mu msumba uwu, ndamutambaruliya manja ghangu ku Ambuya; kudiririska kwamumara, ndipo kuti kukaŵanga so vuwa ya matalala cha, alinga kuti muziŵe kuti charu chapasi ncha Ambuya.

Yesaya 37:20

Viyo sono, Ambuya mwe Chiuta widu, titaskeni ku janja lake, alinga maufumu ghose gha charu chapasi ghaziŵe kuti imwe pe ndimwe Ambuya.”

Yesaya 40:15

Ehe, mitundu ye uli nkha nthoni ka mu ndowo, ndipo ŵaŵerengeka nge ndi fuvu pa vyakupimiyapo; ehe, wanyamuwa virwa nge ndi fuvu lakung'ibuka.

Yesaya 40:17

Mitundu yose kuti ye kanthu cha paurongo pake, iyo watiyiŵerenga kuŵa nge nkhanthu cha njawaka njakumara.

Yesaya 45:3

ndikupaskenge mauromba gha mu mdima ndi mauromba gha mu malo ghakubisika, alinga kuti uziŵe kuti ndine, Ambuya, Chiuta waku Yisraele, yo watukadana iwe ndi zina lako.

Yeremiya 27:5

“Ndine mweniyo ndi nthazi zangu zikuru ndi janja langu lakutambaruka ndikulenga charu chapasi, pamoza ndi ŵanthu ndi vinyama vyo vye mwenimo, ndipo nditichipaska kwaku yose yo ndikhumba.

Danyele 2:21

Wasintha maora ndi zinyengo, wasezga ŵakaronga ndi kumika ŵakaronga ŵanyake; wapaska zeru ku ŵazeru ndi kuziŵa kwaku wo ŵawamo;

Danyele 4:31

Karonga weche kukamba mazu yagha, liwo lingusika kutuwa kuchanya lakuti, “Iwe karonga Nebukadanezara, kwaku iwe kuneneka kuti: ufumu watuwako kwaku iwe,

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Yoswa 4:24

mwakuti ŵanthu ŵa mitundu yose mu charu chapasi ŵaziŵe kuti janja la Ambuya ndanthazi; ndikuti imwe mopenge Ambuya Chiuta winu muyaya.”