Danyele 4:27 - Tonga Bible 1986

²⁷ Viyo, karonga, muronde chenjezgu, langu; mureke kuchita uheni, ndi mwanji kuchita urunji, mureke maubedezi ghinu pakurongo lisungu ku ŵakusuzgika, kuti vinu nyengo ya chimangu chinu yingakuskikiyako.”

Danyele 4:27 ပူးပေါင်းရင်းမြစ်များ

Chiyambo 11:4

Sono ŵanguti, “Tiyeni tijizenge msumba; ndi sonjo pachanya, wafike ku mtambo, ndipo tijichitiye zina, vinu tingamwaranikiya pa charu chose.”

1 ŴaKaronga 21:29

“Kumbi wawona mo wajiyuyuliya Ahabu paurongo pangu? Chifukwa chakuti wajiyuyuwa, kuti ndikatolenga suzgu yo mu mazuŵa ghake cha, kweni mu mazuŵa gha ŵana ŵake ndikatolenga suzgu yo pa nyumba yake.”

Sumu 119:46

Malangulu ghinu ndikambenge ku ŵakaronga, ndipo kuti ndiŵenge wasoni cha.

Nthanthi 11:2

Asani patuza kujikuzga pavuli patuza chilengesku; kweni pamoza ndi wakujiyuyuwa ndi zeru.

Nthanthi 16:6

Pakujithereska ndi kugomekezgeka mphulupulu yilipika, ndi so ndi kopa Ambuya munthu wareka uheni.

Nthanthi 28:13

Mweniyo wabisa mautimbanizi ghake kuti wakasakatanga cha, kweni mweniyo wazomera ndi kughareka wakarondiyanga lisungu.

Yesaya 10:13

Pakuti watiti: “Ndi nthazi za janja langu ndachichita ichi, ndipo ndi zeru zangu, pakuti nde ndi kuwamo; ndanderezga maliri gha ŵanthu, ndipo ndakwamphuwa mausambasi ghawo, uli ndi nkhuzi ndasiskiya pasi wo ŵanguja pa vitengo vya ufumu.

Yesaya 47:10

Ungughanaghana kuti we wakukho mu mauheni ghako, unguti, “Palivi yumoza yo watindiwona.” Chinjeru chako ndi kuwamo kwako vingukusovya, ndipo mu mtima wako watinge, “Ndine, palivi munyake pade paku ine.”

Yesaya 47:8

Chifukwa chenichi sono ayivwa ichi, iwe wakwanja vyakukondweska, wakuja waka phe, iwe utiti mu mtima wako, “Ndine, ndipo palivi so munyake pade paku ine; kuti ndikaŵangapo choko cha chingana nkhuziŵa nyifwa za ŵana.”

Yeremiya 29:7

Kweni penjani chimangu cha msumba wo ndikukutumaniko, ndipo urombiyeni ku Ambuya, pakuti mu chimangu chake mukasaniyanga chimangu.

Yeremiya 38:20

Yeremiya wanguti, “Kuti ukapaskikanga kwaku wo cha. Uvwiye mazu gha Ambuya mwaku vyo ndikamba nawe,

Ezekiele 18:7

kuti wakandirizgiya pasi nanga njumoza cha, kweni wawezga ngongori kwaku yo wangutewuwako, kuti ngwakuphanga cha, wakupaska kurgha ku wanja, ndi kuvwarika wankhuli,

Ezekiele 29:3

kamba, unene kuti, viyo atiti Ambuya Chiuta: Awona, ndimikana nawe, Farao karonga wa Egipiti, nchalinda mukuru yo wagona mukati mu misinji yake, yo watiti, ‘Nile wangu, ngwakundamweni; ndikumulenga ndine.’

Ezekiele 29:9

ndipo charu cha Egipiti chikaŵanga phasulu ndi mapopa. Sono ndipo ŵakaziŵanga kuti ine ndine Ambuya. “Chifukwa iwe unguti, ‘Nile ngwangu, ndingumwata ndine,’

Yoele 2:14

Njani waziŵa kuti wakawengako cha ndi kung'anamuka, ndikusiya thumbiko kuvuli kwake, mpasku wa vyakurgha ndi mpasku wa vyakumwa kupereka kwa Ambuya Chiuta winu?

Amosi 6:13

imwe mumukondwere mu kanthu kawaka-waka, mutiti, “Asi tajitole masengwe ndi nthazi zakutaŵeni?”

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Habakuku 1:11

Penipo ŵajumpha ndi kurutiriya nge ndi mphepo, ŵaheni wo nthazi zawo ndi chiuta wawo!

Zefaniya 2:15

Uwu ndi msumba wakujikuzga wo wafwasanga, wo unguti mu mtima wake, “Ine ndiliko, ndipo kulivi munyake pade paku ine.” Nako nkhupasuka uku wapasuka, mphanji ya vikoko! Yose yo wadumuwapo wajuma ndi kupukung'a mutu wake.

Mateyu 3:8

Viyo pasani vipasi vyakwenere ching'anamuka,

Luka 11:41

Posepose paskani vyamkati nge ndi vyawezi, ndipo onani, vyose vikuŵiyani vyakuphotoleka.

Machitidu gha Ŵakutumika 24:25

Kweni wachipokoto iyo vyapa urunji, ndi kujitintha ndi cheruzgu cho chikazanga, Feliko wangumbwambwantha, ndi wangwamuka, “Sono rutanga; ndipo ndichiŵa ndi nyengo, ndamkukudana.”

Machitidu gha Ŵakutumika 26:20

kweni ku ŵamu Damasko danga, ndi so ku ŵamu Yerusalemu, ndimu charu chose chaku Yuda, ndi ku mitundu, ndingugozga evangeli, kuti ŵang'anamuke mu mtima, ndi ŵang'anamukiye kwaku Chiuta, ndi kuteŵeta milimu yo njakwenere ching'anamuka.

Machitidu gha Ŵakutumika 8:22

Viyo nyongokako ku uheni wako uwu, ndi uŵeyere Chiuta, alinga kuti vinu lingagowokereka khumbiro lo la mtima wako.

2 ŴaKorinte 5:11

Viyo pakuziŵa wofi wa Ambuya tichichizga ŵanthu, kwani ifwe mo tiliri tawoneka kwaku Chiuta; ndipo ndigomekezga kuti tawoneka mu njuŵi zinu so.

ŴaGalatia 5:13

Chifukwa imwe, mwabali, mungudanikiya ku wanangwa; kweni mungasanduska wanangwa winu chitendeku cha liŵavu cha, kweni mu chanju teŵeteranani.

ŴaGalatia 5:22

Kweni chipasi cha Mzimu nchanju, chimwemwe, chimangu, chilekerezga, ulemu, umampha, ukongorekwa,

ŴaGalatia 5:6

Chifukwa mwaku Kristu Yesu chingana ndi mchinju kuti ngwakovya kanthu cha, chingana nkhuwura mchinju; kweni chivwanu chakutataliya mu chanju.

ŴaEfeso 4:28

Wakuba yo wangawerezgapo kuba so cha: kweni ukongwa watakatake, ndi kutataliya ndi manja ghake cho nchamampha, alinga kuti waparauliye yo ngwakusawuka.

Marangu 24:13

lichisere dazi, mukamuwezgiganga chikoli cho alinga kuti wagone mu chivwinkhu chake ndi kumutumbikani, viyo mukakongolekanga paurongo pa Ambuya Chiuta winu.

Marangu 32:27

Asani ndengavi kopa kusosomo kwa ŵakupindikana, kuti vinu ŵarwani ŵawo ŵangeruzga kwa ujira, vinu ŵangakamba kuti, “Janja lidu lapunda, Ambuya alivi kuchita ivi vyose.” ’

Marangu 8:17

Chenjeni vinu mungati mu mtima, ‘Nthazi yangu ndi nthazi ya janja langu vyanditore usambasi uwu.’

1 Petro 4:8

Pachanya paku vyose muŵe ndi chanju chakufikapo mwaku mwaŵeni, pakuti chanju chivimba muru wa vilakwa.