Danyele 4:26 - Tonga Bible 1986

²⁶ Kungulangulikiya kusiya chisina cha misisi ya maji, ndi kuti ufumu winu ukhonge kutuwa pa nyengo yo mukaziŵiyanga kuti Chiuta wausa.

Danyele 4:26 ပူးပေါင်းရင်းမြစ်များ

Danyele 2:18

ndipo wanguŵanene kuromba lisungu laku Chiuta wa kuchanya, pa chamuchibisibisi ichi. Mwakuti Danyele ndi ŵamoza nayo ŵareke kubayikiya pamoza ndi ŵazeru ŵamu Babiloni.

Danyele 2:19

Viyo chamuchindindi ichi chinguvumbulika kwaku Danyele mu chakuwona cha usiku. Viyo Danyele wanguthamika Chiuta wakuchanya.

Danyele 2:37

Imwe, a karonga, karonga wa ŵakaronga, Chiuta wakuchanya wakupaskani ufumu, mazaza ndi nthazi, ndi unkhankhu,

Danyele 4:15

Kweni siyani chisina cha misisi yake pasi, chiŵi chakumangika zingirizgi ndi chingwi cha chisulo ndi mkuŵa mukati mu uteka wamu dondo. Iyo wazumbwe ndi dungwi lakuchanya; phande lake liŵi ndi nyama zamu uteka wa charu.

Danyele 4:23

Po karonga wanguwona mlinda mtuŵa wakusika kuchanya yo wanguti, ‘Temiyani pasi muti ndi upikiteni, kweni musiye chisina ndi misisi yake pasi, chakumangika zingirizgi ndi chingwi cha chisulo ndi cha mkuŵa mu uteka wamu dondo, ndi chizumbwe ndi dungwi la kuchanya, phandi lake liŵi pamoza ndi nyama zamu dondo, mpaka zichijumphe nyengo zinkhonde ndi ziŵi;’

Danyele 4:31

Karonga weche kukamba mazu yagha, liwo lingusika kutuwa kuchanya lakuti, “Iwe karonga Nebukadanezara, kwaku iwe kuneneka kuti: ufumu watuwako kwaku iwe,

Danyele 4:37

Sono ine, Nebukadanezara ndikankhuska, ndi kukuzga, ndi kutumbika Karonga wakuchanya, chifukwa nchitu zake zose zakurunjika; ndipo wo ŵatenda kwakujikuzga waziŵa kuŵayuyuwa.

Danyele 5:20

Kweni penipo mtima wake ungujitukumuwa, ndi mzimu wake ungunonopeskeka wanguchita vyose kwakujikuzga, ndipo wangusiskika pa chitengo chake, cha ufumu.

Danyele 5:21

Unkhankhu wake ungutuzgikako kwaku iyo. Wangudikiskikiya kutali ndi ŵanthu, vinjeru vyake vingusanduka nge vya nyama, ndi wajanga pamoza ndi ŵaburu ŵamu dondo; warghanga uteka nge ndi ng'ombe, liŵavu lake linguzumbwa ndi dungwi la kuchanya, mpaka penipo wanguziŵa kuti Chiuta wa Machanya wausa pa ufumu wa ŵanthu, ndikuti wamikapo kuwusayo iyo wamukhumba.

Mateyu 21:20

Ndipo ŵachiwona ichi ŵasambizi wo ŵanguzizwa, ŵatinge, “Wamira uli ruŵi mkuyu wo?”

Mateyu 5:34

Kweni ine ndikuneniyani, Ungarapa kose cha; chingana khuchanya, pakuti nchitengu chaku Chiuta;

Luka 15:18

Nkhasokanga, ndikenge ku ŵada; ndipo ndinenenge nawo, Ada, ndalakwiya kuchanya ndi pa maso pinu:

Luka 15:21

Ndipo mwana yo wangumunene, ‘Ada, ndalakwiya kuchanya ndi mu maso ghinu: kuti ndeche wakwenere cha kutamulika mwana winu.’